¹ TÖ̧Ä̧NÄ̧HUA̧ ttönä ucuocumä pä'inö: ² Ttö̧ja̧sa̧ i̧tti̧ TTÖ̧Ä̧NÄ̧HUA̧MÄ̧ pa̧'a̧nö̧ pä'ö Israel ttö̧ja̧ ja̧huä̧jä̧ rȩjȩ ka̧cuä̧tö̧ o'catoi'önärö." ¡Pȩnȩ jubötä ja̧'a̧! Ruji mo̧ro̧ rȩbȩhua̧'a̧ Israel ttö̧ja̧ o'catoi'önä̧rö̧. ³ Jitämä ucu cumo̧ro̧mä̧ beipächa'a, ja̧'hua̧nö̧ ja̧'a̧ttö̧ ucuru chö̧'ä̧i̧ ucuru to'ija̧'a̧cu̧ jö̧nä̧ hue'ösä ja̧'hua̧ta̧'a̧nö̧ suronä jȩ'cuä̧'i̧jö̧ jähuänä ro̧dȩpä̧cua̧jä̧; ja̧'hua̧nö̧ jo̧mȩnä̧ ucu cu̧so̧rö̧tö̧mä̧ cu̧ja̧'a̧cu̧ chi'cächiyä̧cua̧jä̧. ⁴ Ja̧'hua̧nö̧ ja̧'a̧ttö̧ ucurumä reröjö̧nö̧mä̧ topocö chä̧cua̧sä̧ ja̧'hua̧ta̧'a̧nö̧ chesecuococu cuä̧cua̧jä̧. Ttesecuäjueimä surojö jȩ'cuä̧ji̧nä̧tä̧ ro̧dȩpä̧cua̧jä̧, ucu suronä jȩ'cu̧ su̧ro̧tä̧cuä̧huä̧mä̧ cuippeyänä kä̧cua̧'a̧, ja̧'hua̧nö̧ jo̧mȩnä̧ Ttömä TTÖ̧Ä̧NÄ̧HUA̧ ja̧'a̧ pä'ö cu̧huo̧juä̧cua̧jä̧. ⁵ TÖ̧Ä̧NÄ̧HUA̧MÄ̧ pi̧yȩ pä'ö: "¡Rö̧ä̧nä̧ surojö! ! ¡Ya'utenä̧tä̧ 'cuäopäcuȩ! Täcö icha'a. ⁶ Röji ja̧'a̧ttö̧ isopäi'önä̧tä̧ rȩbȩhua̧'a̧. Röji ja̧'a̧ttö̧ ucuru to'ija̧'a̧cu̧ jȩa̧ pä'ö ä̧rä̧mä̧ja̧'a̧. ¡Ja̧u̧mä̧ täcö icha'a! ⁷ Si'epö i̧cuä̧cuȩmä̧ ttö̧ja̧ ttö̧ja̧cuä̧jä̧ra̧'a̧cu̧ icha'a. Pähuächinö mo̧ro̧mä̧ rȩbȩhuä̧ja̧'a̧; si'epö icuäcuȩ mo̧ro̧mä̧ täcö tö'cöhuächa'a ja̧'hua̧ta̧'a̧nö̧ möä'quiyunä ka̧cuä̧tö̧mä̧ yabonö eseumä ko̧co̧tö̧ ttäcuotö. ⁸ Jitätä ja̧'a̧cu̧ ucuturu chamisurumä ma̧ä̧mä̧cua̧'a̧ ja̧'hua̧ta̧'a̧nö̧ suronä jȩpö̧ ro̧cuȩpä̧tu̧cu̧ jö̧'a̧cuä̧ rö̧ä̧nä̧ cha̧mi̧ surunä̧mä̧ ja̧'hua̧nö̧ jȩpö̧ ucuturmä su̧ro̧tä̧cuä̧huä̧ chi'cächäcua̧sä̧. ⁹ Ja̧'hua̧ta̧'a̧nö̧ rȩrö̧jö̧nä̧mä̧ tochocou chäcuotöjä̧ ja̧'hua̧ta̧'a̧nö̧ chesecuoco̧u̧ cuäcuotöjä, Ja̧'hua̧nö̧ jȩ'cuä̧'i̧jä̧tu̧cu̧ta'anö, ttömä jȩchä̧cuä̧u̧jä̧; su̧ro̧tä̧cuä̧huä̧mä̧ cu̧'cä̧tȩtu̧cu̧nä̧ kä̧cua̧'a̧ Ttö TTÖ̧Ä̧NÄ̧HUA̧ ja̧'a̧ ro̧'ȩpö̧mä̧ pä'ö cu̧huo̧juä̧tu̧cuä̧cua̧'a̧nö̧. ¹⁰ ¡Jitä mo̧ro̧ ja̧'a̧! ¡Jitä mo̧ro̧ rȩbȩhua̧'a̧! ¡Si'epö i̧cuä̧cuȩmä̧ ichäja'a! ¡I̧so̧'quȩmä̧ ȩ'u̧ ka̧cuä̧mä̧ja̧'a̧, ttucuo tettäumä rö̧ä̧cha̧'a̧! ¹¹ Suronä jȩä̧cuä̧huä̧mä̧ rö̧ä̧chä̧ja̧'a̧, surojö jȩä̧cuä̧huo̧'quȩ jä̧'i̧nö̧'a̧nö̧, ¡Yoröiso jahuätömä, ja̧'hua̧ta̧'a̧nö̧ ttahuruhuä recuätö'inä, yoröiso ttiäre pärätä'inä juhua'atäcu ttucuo'inä recuomä ko̧ca̧'a̧ jä̧cua̧'a̧. ¹² Jo̧mȩ ja̧'a̧, jo̧mȩnö̧ rȩbȩhua̧'a̧; mo̧ro̧mä̧ täcö tö'cö ja̧'a̧. ¡Ja̧'a̧tä̧ to'cuätucuä ȩmä̧huä̧ i̧sa̧ esehua'anä, ja̧'hua̧ta̧'a̧nö̧ iyä i̧sa̧'inä a̧'cua̧ tta̧huȩcua̧ pä'ömä jo̧ca̧'a̧ ja̧'hua̧nö̧ ja̧'a̧ttö̧ Ttö chu̧tä̧bo̧tä̧cua̧sä̧ ttö̧ja̧ recuätörö! ¹³ Ja̧'hua̧nö̧ ja̧'a̧ttö̧ iyähuä ttö̧ja̧mä̧ yoriso ppa̧ttä̧do̧co̧cu̧ iyinömä pi̧jä̧nä̧ ö̧jo̧mȩ jubö, Ja̧'hua̧nö̧ ja̧'a̧nä̧ ka̧cuä̧tu̧cui̧, ja̧u̧ i̧jȩcuä̧ chi̧nö̧mä̧ o'catoi'önä ttö̧ja̧ ttuhuapäre ja̧'a̧. ¡Jahuätömä pä'äjita'anö ppa̧'a̧cho̧co̧tö̧, ja̧'hua̧nö̧ ja̧'a̧ttö̧ ya̧tȩ'i̧nä̧ suronä jȩpö̧mä̧ pi̧jä̧nä̧ ö̧ja̧ pä'ömä jo̧ca̧'a̧. ¹⁴ Rä̧mi̧pa̧'a̧ trompeta ttö̧ja̧rö̧ huopö tturohuähua pä'ö; o'cajuiyönä jo̧mȩ ja̧'a̧, ja̧'hua̧nö̧ ja̧'a̧nä̧ ya̧tȩ'i̧nä̧ rä'opocotö tturuhuähua pä'ömä. Ja̧'hua̧nö̧ ja̧'a̧ttö̧ ro̧dȩpä̧cua̧sä̧ ttö̧ja̧ recuätörö o'catoi'önä. ¹⁵ Umimä curätä ja̧'a̧ ja̧'hua̧ta̧'a̧nö̧ cuäcuähuä'inä juiya'attö ppäi ttu'ätö. korotö pättiyunä ka̧cuä̧tö̧mä̧ 'koru juottächächotö curodiyänätä̧, ja̧'hua̧nö̧ ja̧'a̧ttö̧ ötahuiyänä ka̧cuä̧tö̧mä̧ 'koru juottächäcuotö ppäittö'inä ja̧'hua̧ta̧'a̧nö̧ märicheittö'inä. ¹⁶ Ja̧'hua̧nö̧ ja̧'a̧nä̧ korotö tö'ipö ka̧cui̧pä̧tö̧mä̧ möä'quiyunä tö'ipätö'inä, unucu yȩ'ȩcua̧ jä̧'i̧nö̧'a̧nö̧ ja̧'a̧nä̧ o'catoi'önä 'koru juottächäcuotö surojö jȩtti̧na̧'a̧ttö̧. ¹⁷ O'cajuiyömä ttumöpi̧yä̧mä̧ juiyuhuächi'äcua'a, ja̧'hua̧ta̧'a̧nö̧ ttihue'quiyömä ye'ecu tti̧ttä̧huä̧cuo̧tö̧. ¹⁸ Ja̧'hua̧ta̧'a̧nö̧ ttö̧'ca̧tä̧huä̧ti̧yu̧mä̧ renä kä̧nö̧ päru'pi jö̧tä̧ 'ca̧tä̧hui̧nä̧tö̧. "Ye'ecuä'chö tto'ecuinä̧tö̧ tti'äpiyänä, ja̧'hua̧ta̧'a̧nö̧ ya̧cu̧pönä tti'äpiyänä tottäcuähuomenä dä̧'ä̧rä̧ri̧jä̧u̧, ja̧'hua̧ta̧'a̧nö̧ ttuhuo'che'inä ttunämä juio'inätö̧. ¹⁹ Ttiäre pärätämä tticuäcuotö mänära̧'a̧cu̧ ja̧'hua̧ta̧'a̧nö̧ ttiäre oromä täcua'a tticua'a jä̧'i̧nö̧'a̧nö̧ icuinätö̧. Ttiäre pärätä'inä ttiäre oro'inä TTU̧RU̧HUA̧ ö̧'ä̧i̧ mo̧ro̧ päi'omenämä yoröiso ppädocö jäcuä. Ttö̧'cua̧rö̧'inä ttö̧ji̧pö̧nä̧mä̧ ppädocö, ja̧'hua̧ta̧'a̧nö̧ ppäi'inä chu'cäbiyu suhuädi'önämä ppädoca'a. oromä surojuoepö pi̧jä̧ jähuära̧'a̧ ma̧tto̧po̧'ä̧chö̧ pä'ötä. ²⁰ Ucutä ttötä ja̧'a̧ pä'ö cua̧'cua̧tä̧ji̧mä̧ rö̧ä̧i̧nä̧ cuahuäjimä pärohuächa'a micuähuocö jö̧nä̧tä̧, ja̧'hua̧ta̧'a̧nö̧ ja̧u̧ juäinätä yapare cu̧'ä̧nä̧hua̧ a̧'cua̧juä̧ tätähuä'ca jö̧nä̧tä̧ jȩpi̧nä̧tö̧jä̧. Ja̧'hua̧ta̧'a̧nö̧ ja̧'a̧tä̧ pärotö icuähuäcuä täcuara'atä. ²¹ Ja̧'hua̧ta̧'a̧nö̧ Ttö ja̧u̧ juäimä chiyipä̧cua̧sä̧ ja̧'a̧tä̧ huotö ttumönä, botin jä̧'i̧nö̧'a̧nö̧ huotörö, ja̧'hua̧nö̧ ja̧'a̧ rȩjȩ surojuo'epätö botin jä̧'i̧nö̧'a̧nö̧ huotö, jahuätötä ucuturu niyȩtä̧ tticuäcuotömä. ²² Ja̧u̧nu̧ o'comenä, Ttörömä tottiyäcuotö chi'ämä jahuätöttömä, ja̧'hua̧ta̧'a̧nö̧ suronä jȩttä̧cuo̧tö̧ Ttö korotö tottöjuiyönä dajahuächö chö̧jä̧'i̧jo̧mȩtä̧; ja̧'a̧tä̧ huotö dodepö surojuottepäcuotö ucuotäcuähuä juiyönä ro̧mȩ'inä. ²³ Jo̧menö jȩpi̧ cadenasa̧,rȩjȩmä tä'cö ro̧ȩcuä̧ta̧ suädia'a ttö̧ja̧ ttucuojatö, ttötahuiyä'inä pä̧i̧cu̧nä jarodö jȩä̧cuä̧'cuä̧ta̧ suädia'a. ²⁴ Jahua'anö ja̧'a̧tttö, chi'cä chäcua̧sä̧ juiyó suronä juruhuätörö, jahuätötä ttoju'odiyä 'choipu ttöji̧yä̧cuotö, jahua'anö ja̧'a̧nä'i̧nä ttötä chi'cächacua̧sä̧ ujututä juiyó juruhuätömä pä̧'ätörö be'epäjichicuapäö, jahuata'anötä̧ ucuo tetähuome'i̧nä̧ suro juoächäcua'a!. ²⁵ Yecuä'cuähuä ichäcua'a!Jahua'anö päiä̧u̧ Jahuätömä ttusäcuotö huȩnȩ juiyönä kä̧cuä̧'huä̧, jahua'anö jȩtta̧'a̧nä'i̧nä juiyacua'a. ²⁶ Surojö ujua'ayabocu surojötä ichäcua'a, jahuata'anöta̧ surojö huȩnetä̧ rä̧mipä̧cuä̧'a̧. Jahua'anö jä̧u̧ ttusäcuotö profeta cua̧ toö jiähuatö päö, jahua'anö ja̧'a̧nä'i̧nä huȩnȩ ro̧ȩhuä̧mä micuähuiyäcua'a sacerdote cua̧ttö'i̧nä tämuttö huȩnȩ 'quiepu jiäcuähuä i̧sa̧tö'i̧nä. ²⁷ Ru̧hua̧mä ajahuäcua̧ i̧tti̧ 'i̧nä a̧cua̧ roönä 'ca̧ta̧cha̧cua̧, jahuata'anötä̧ ttö̧ja̧ pijä̧nä ko̧cuä̧tömä ye'ecuä'chö tti̧ttä̧huä̧cuo̧tö̧. Jitötä ttamonä ttumänätä̧ jä̧cua̧'a̧ TTötä jȩchä̧cua̧sä̧ pi̧yȩmä jahuätörö! Ttö ro̧dȩpä̧cua̧sä̧ ttamonä jȩtti̧nönäta̧ jahuätö ttucuo̧juä̧chi̧a̧ päö iso päiönä TU̧RU̧HUA̧MÄ̧ ja̧u̧ta̧ ja̧'a̧ päö."