¹ Ndi bɛ, efù afɔ̌ Akusin ɛkɔ kristi yà ǰɔ. Ni kalɔ̌ ni idagbà, kaman fu ipilɛ ironu Piwada isɛ̌ kiku ya wu igbagbɔ ninɔ̌n ɔlɔrun wa guro. ² Koman si jɛ̌ ɛ̌kɔn ni Pasɛ̌ itɛ lɔɔmi, ki Fu ɔ̌wɔ̌ Lénia, wu ajidé oku ya wu idajɔ ayé aye Pɛku. ³ Aka sé nkan yéya bi ɔlɔrun ǰɛ. ⁴ ósàró fu ɛnɛyeyà ye atan imalɛ fu ɛ, gbó atɔri ɛbu yé wà loké ya ɛ, awa gbo awa jɛ̌aàjɛ̌ sé wu ɛmi mimɔ ɛ. ⁵ Gbó àyà tɔri afɔ ɔlɔrun yé sian owu agbara ayé awa ya ɛ. ⁶ Gédé aya su bu, asaro ni ka mu ya ni ironu Piwada. Ndi yé aya tésé kan ɔ̌man ɔ̌lɔ̌run Pàpà fu ara yà sin osin àyà sɔ̌di nkan Anɔn nigbagba. ⁷ Ilɛ ye àgbà ójó ayebubɔ nta ɛɛ̌ gbo asó egi éso iré fu ɛnɛ ye aróɛ̌, agba ibukun yeto nidi ɔlɔhun. ⁸ Aman biàsó igugu wu ɔ̌rɔ̌, kɔni iyi ni nkogba épé ntantan ni kajonan ɛ. ⁹ Biojɛni afafɔ bɛ, ijami yan, nkan iré ya dawa loju gbo ɔyɛ yɛ Lara poré ɔfɛ. ¹⁰ ɔlɔrun kosé aleje nin otitɔ gbo kogbagbé isɛ wu ifɛ yé ɛnyin dié fu ékɔ ɛ, wu bɛni é sisɛ fu onigbagbɔ gbo ééeré lɔ tɛgbɛɛ̌. ¹¹ Owuwu ni onikankan yɛ kiodire ara kilé ɛ ndi ka gbani titi fulɔ onireti kikɔn. ¹² Aka woni ké di ɔgin ya, aman gédé, kɛ jɛ ɛnin yé a wé ɛnin ye kojogu afɔ ndi igbagbɔ wu suru ya kinɛ. ¹³ Asoko ye ɔlɔrun se ileri fu Abrahamu, ofu ararɛ lɔórà. ndi ka tiko bara wu ónikan ye Pereɛ. ¹⁴ ɔfɔni, << ma buku ɛ, Ni masɔ̌ idi ɛ di kipɔkipɔ. ¹⁵ Nɔna bɛ, Abrahamu gba nkan yé ɔlarun ti se ileri nanyi bɛ ni oduro wu Suru ɛ. ¹⁶ Onianà bà wu nkankan ye Pérè ɛ ni. Bi ɔjɛ ni aya fafɔ fu aratan, ¹⁷ Asoko ye ɔlɔrun Kpinu ni kɔyan diré kékéré fu Ajogu ya ileri, iré yé ka Parɔ ni ipipilɛɛ, Osé ileri wu ofi kan. ¹⁸ Ndi ke, wu nkan meji ye kà Parɔ ɛ, ninɔn nkan ye asaro fu ɔlɔrun ni Kosia, ari ilera kilɛ, awa ye ididuku jɛ ka gbani iteti ye ase ileri fu wa ɛ. ¹⁹ Ireti yɛ, anin bɛni nkan ye afu ɔya wa dio ɛ.I ɔdawa loju osi Le, à lulɔ nayi asɔ̌ ikélé. ²⁰ Ni di yé Jesu Lulɔ fu wa bɛni oniwaju wù kó nojɛ Agba asɛ bɔ fu tɛbɛ wu ofi Melsidesɛ ki.