¹ Nitrori ni ɔgan arùbɔ̌ ye aya byàn bééméji oniqn yan kàwà sǐsɛ̌ léékɔ ɛ̌ N'non ikàn ɔlɔhun yàn. Ndi ni kàa gbin ɔrɛ̌ wà wu irùbɔ ɛ̌sɛ̌ wa yàn lɔ̌ iwajù ɔlɔhun. ² I kó tikó nin sùrù fu alaimàn yàn wu onian ki rà yàn Nitori onian alailérà ni wù gbó. ³ Nitori bɛ ni ɔwà ni kɔ sɛ̌bɔ fu ɛ̌sɛ̌ léékɔ ɛ̌ bɛ̌ni a sé fu ɛ̌sɛ̌ onian yàn ɛn. ⁴ Onɛ̌kan kà tikó nyàn ara ɛ̌ pàpà sǐsǐ n'non ɔla yé wàa, aman ɔlɔhun ni o péé bɛni oti pé Aaroni wa lɔ̌ ɛ̌. ⁵ Lɛ̌pà yɛ ni, kristi kɔ gbón ogo fu ara ɛ làti jɛ ɔgan arubɔ pàpà. Lanyi bɛ, ɔlɔhun a fɔ fù nǐ: o dǐ ɔmàn oni ni émi gbó mo di bɔba rɛ. ⁶ Bɛ̌ni ɔ̌ fɔ̌ ndi ɔmɔ̌n << ɔjɛ arubɔ layélayé bɛni Melkiosédɛki ɛ̌ ni. ⁷ Lasokó ɔ̌jɔ̌ yǎn n'non ara, kristi ti sé adura wu ohun kilé wu ɔkùn fù ɔlɔhun yé i kó tikó gbààlà lɔ̌wɔ iku. Nitiori bɛ ni a bɛ̌rùn fu ɔlɔhun yé a gbó adura ɛ̌. ⁸ Bɛni o ti jɛ̌ ɔman ɛn, ɔ kɔn ibùbù lɛpà iyà kijɛ̌. ⁹ O ti di onian dàdà wu olùgbàlà ti ayé matàn matàn fù ɛnɛ̌n yé a gburàn fu yàn ɛ. ¹⁰ Wùni ɔlɔhun nyàn ni kɔjɛ̌ ɔgan arùbɔ yàn bɛni lɛpà Melkisédɛki. ¹¹ A nin afɔ̌ ki fo kipɔ̌ lɛpa Jésu fù yɛ, aman ó sóró lati sàlàé fù yɛ ndi yé ɛ kɛ̌yà gbó àlàé kiya kiya ɛ. ¹² Làsókó yɛ̌, ɛ̌yɛ̌ yé éméri jɛ akɔnɛ̌n ɛ̌n, ɔwà ni a kà kɔn yɛ̌n n'non ikàn yé wà lɛpa ti ɔlɔhun yàn sóósin. Amɔn (Lɛ̌) ni ɔ yɛ̌ fù, aman kósé ijɛ̌ ikélé. ¹⁴ Enɛ̌n yé fàràmà àmɔn (lɛ̌) ɛ̌ jɛ̌ màndé kókóló yé kɔmàn ikànkàn lɛ̌pà ótitɔ̌. ¹³ Aman ijɛ̌ kilé ni ti àgbàlàgbà yàn. Ajɛ̌ gidǐ bɛni agbàgbàgbà gbó afù óyé yé anya iyàtɔ̌ diré n'nɔn iré wu isékù.