¹ Lan yaa puoli Joba den yaadi o ñuabu ki den soli wan mali yaa daali. ² O den maadi ki yedi: ³ Min mali yaa daali n bodi, leni yaa ñiagu ke bi yedi: o taa bonjatugu! ⁴ Laa daali! n kpandi ki tua biigili, U Tienu n da taani li li baanli nni tanpoli, ke yenyenma baa kuli n da yendi laa daali! ⁵ Li biigili leni mi kuuma junjungu n diedi li, ke yaa tawadi n biigi n libini lipo, yaa bonli n bia n cua ki yaa jienli! ⁶ Laa ñiagu! li biigili n je gu, ku bodi li binli nni ki ban da taani gu o ŋmalo dana coali nni. ⁷ Laa ñiagu n tua ŋualiga ku luo li pamandayigimi. ⁸ Yaaba n solini a dana n soli gu, bani yaaba n baa fidi ki yini o bonfuodi biado! ⁹ Laa tiŋaagu ŋmabila n tua biigili, ku yaa guu mi yenma lan tua fanma, kun da baa ki le u tiŋafaanu yenma. ¹⁰ Kelima ku naa den yie ban da maali nni, yaali n bi baa teni ke kan le o naa fala. ¹¹ Bee yaapo ke mii den kpe n naa tugu nni, ke mii den gbindi min den ña o tugu nni yaa yogunu? ¹² Bee n teni ke n baa yaa duna den tiebi nni, leni yaa biina n den baa ŋaani nni? ¹³ Moala bi baa sua ke n dua, suo ki goa, ki fuo, ¹⁴ Min leni bi badiba leni ki tinga baatieba, bani yaaba n den maa bi yula po yaa takula n tie nani a diena yeni ke a wudi moala, ¹⁵ Leni yaa badijaba n den pia wula ki den jieni bi diena leni ŋanjilifa. ¹⁶ Bi mo, n kaa bi yee ki tie nani yaa tugu n wudi ke o baa kuli ki bani, nani yaa bigi n ki laa yienu ¹⁷ Lankani a nibiada sedi suo,nan kani ke yaaba n coaga kaa pia fidu dua ki fuo; ¹⁸ Yaaba n den ye ti yonbidi nni baa mi yanduama, ke bi naa go gba yaaba den wangiba fala tantani; ¹⁹ Ki bonwaaga leni o nikpelo n ye naani, o yombo mo kan go bini o yuli o daano kani. ²⁰ Be yaapo ke bi puni mi yenyenma yua n laadi fala, leni li miali yaaba ye leni li paboanli? ²¹ bani yaaba n guu mi kuuma ki maa kpendi, ki lingi ma ki cie baa wula leni ŋanjilifa, ²² Bi baa ya ye leni li pamankandikaali bi yaabi ba ki kua li kuli nni? ²³ N tie yua n kaa bani wan caa naani ke U Tienu mo pigini o sani kani kuli? N ninsiidi n tie n bonjekaala, n bubula mo yadi nani mi ñimi yeni. ²⁴ Min jie yaala yeni lani naadi nni, min bangidi yaala yeni, pundi n kani. ²⁵ Min jie yaala yeni lani nandi nni, min bangidi yaala yeni, pundi n kani. ²⁶ Mii pia kalima mii pia yanduama, mii go pia fuodima, n gbie leni yanyagidi bebe.