¹ Joba d'en guani ki yedi: ² Moamoani po,li naani nni ke yimba bebe n tie bi nisaalba, ke yi ya kpe ya daali mo, mi yanfuoma ba gbeni. ³ Mini moko n pia mi yama nani yimba yeni, yii cie nni ba, hme wani n kan bandi li naa bonla buolu? ⁴ N tua li ñuali bonla n danlinba po. Mini yua n moandi ki baa maadi Leni U Tienu yua n guadi nni po. O niteginikoa, o papiendaano n ji tua li ñuali bonla. ⁵ Yua ya yema n mani tua: Ki faliga n tie o niñinilo po yo. Bi maadi laa maama yaaba n jadibi yaa po yo. ⁶ Bi sanjaba leni yaaba n ki hua U Tienu ye leni mi yanduanma bi diedi nni. Bi li dugi bi gbamani po ki haa U Tienu. ⁷ Ama buali ti yandi, ti baa bangi a, tanpoli nuanii mo ba doagidi a po laa bonla. ⁸ Yaaka han boe leni ki tinga, ki baa bangi a. Miñincianma nni jami mo baa togidi a laa bonla. ⁹ Bi siiga hme kaa bani ke Li Miali Diedo U Tienu ya nuu n Tienu laa bonla? ¹⁰ Wani n kubi miali fo kuli naano o nuu nni. Leni nisalo miali kuli fuoma. yeni. ¹¹ Nani ban tua maama: li tubili gba ki go gagidi mi maama, nani bulanbu n lengi ki gagidi mi jiema maama ¹² Mi yanfuoma ye a jakpela kani. Li miafoagili mo pia li yantiali. ¹³ Miyanfuoma leni upaciau ye U Tienu kani, li yantiali leni i tundi ye o ya Kane. ¹⁴ Diidi: O ya biidi yaala, o ba kan fidi ki hambila. O yaa luoni nilo mo, o ba kan fidi ki luodi o. ¹⁵ O ya Sieni ki taaga li bonla kuli baa luodi. O ya luoni ki haa ga mo kan biidi k tinga. ¹⁶ Upaalu leni mi banma ye o nuu nni. Yua n yaadi leni yua n tieni ke o yaadi kuli ye o nuu nne. ¹⁷ O caani bi tundikomoanba ti yonbidi, ki pua ki lengi bi bujiaba mo ya yama. ¹⁸ O caani bi niba leni bi badi biadiba tugimoagu, ki goa ki loli badiba yeni leni ibaabi. ¹⁹ Bi caani bi kopadicianba ti yonbidi ki tudi ki luni bi kalikaani. ²⁰ yie ke yaaba n bani mi maama bonhanla kan maadi, ki teni ke ajakpela mo ya yama bodi. ²¹ O teni ke bi bulicinba la ife ki loti bi gbamandanba gbanñagiditi. yenma nni. ²² O doagidi yaala n bi wuo li biigili nni. O tao mi kuuma jinjingu ki cuani mi ²³ O yen teni inibuoli n yabidi wan guani ki boliniba. O yen teni ban yabidi wan yuandi ki gediniba ti yonbidi. ²⁴ O ñani mi diema yudanba yanfuoma, ki teni ke bi puagi mi fanpienma nni, sanu n ki ye naani. ²⁵ Ki teni ke bi tulibi li biigili nni, yenma n ki ye naani. O teni ke bi puagi ñani yaa niba n ñuni ki yaadi yeni.