¹ Jelubali bijua Abimaleka den gedi Sikema dogu, o yatieba po ki juogi leni ba leni o naa buolu yaaba kuli ki yedi: ² N mia yi yin buali Sikema yaaba kuli bi ya bua Jelubaali bijapileleedibe n diedi yi ki cie yondo n yaa die yi? Yin tiadi mo ke n kpi leni yi. ³ O ya tieba den waani Sikema yaaba wan yedi yaala. Bi den jagi ke bi ba hoadi wani Abimaleka yaa puoli kelima bi den yedi bi pala nni o tie ti kpiilo. ⁴ Bi den taa bi bulo Baali-Beliti dieli nni kujapiena piilele ki puni o. O den taa laa ligi ki yini ti yoyuodi leni a puapuagila ke bi hoadi o. ⁵ O den gedi Ofili ki kua o baa diegu nni ki kpa o kpeliba Jelubaali bijaba piilele yeni, tanyengu po. Jelubaali bijuogu yotami bebe n den ciadi kelima o den wuoni. ⁶ Lani Sikema yaaba leni Bati-Milo yaaba kuli den taani. Bi den gedi Seni tibu kani Sikema dogu nni ki kuu ku tangu kani ki dini Abimaleka li bali ⁷ Yotami den gbadi yaala n tieni, o den gedi ki sedi Galisima juali yuli po ki yedi Sikema yaaba: yinba Sikema yaaba, yin cengima nni keli Li Miali Diedo mo n cengi yi. ⁸ Danyenli i tiidi den fii ke bi ba dini o bado wan yaa tugi bi yuli. Bi den yedi Olife tibu: tugi ti yuli. ⁹ Ama Olife yeni dden goa ki yedi ba: Naani yi tama ke n ba haa n kpama, ban kpiagidi Li Miali Diedo leni bi nisaaliba yaama, ki gedi ki ban yaa laani i tiidi yuli po? ¹⁰ Lani i tiidi den yedi bu kankanbu: Fini n cua ki tugi tio yuli. ¹¹ Ama bu kankanbu den goa ki yedi ba: Naani yi tama ke n ba haa n manu leni n bonluonkamanla ki gedi ki ban yaa laani i tiidi yula po? ¹² Lane i tiidi den yedi duven tibu: Fini n cua ki tugi ti yuli. ¹³ Ama duven tibu den goa ki yedi ba: Naani yi tama ke n ba haa n duven yua n mangidi Li Miali Diedo leni bi nisaaliba pala ki gedi kio ban yaa laani i tiidi yula po? ¹⁴ Lanwani i tiidi kuli den yedi ku konkongu: Fini n cua ki tugi ti yuli. ¹⁵ Ku konkongu den goa ki yedi; Li ya tie leni yantiahanle ke yi bua min tua yi bado, yin cua mani n soangu nni. yeni yaaka mi fantama ba (())a ku konkongu nni ki buoni Libani Sedili tiidi. ¹⁶ Lanwani yin dini Abimaleka li bali yeni, naani yi tieni yaala n hani ki tiegi? Naani yi tieni Jelubaali leni o deni yaaba po yaali n hanii? Naani yi guani o mi hanma wan tieni yi po ya hanbili kuli po? ¹⁷ Wani n baa den tuogi yi po bu toabu leni yi yibalinba ki luni o miali ki faabi yi Madiana yaaba nuu nni. ¹⁸ Ama yi mo fii dinla ki sedi o diegu po ki kpa o bijaba, jaba piilele, tanyengu po. Yi dini o po tuado bijua Abimaleka li bali ke o tua yinba Sikema yaaba bado kelima o tie yi kpiilo po. ¹⁹ Lamwani yin tieni Jelubaali leni o diegu yaaba yaala dinla, yi ya tienila o po leni yantiahanle, Abimaleka n mangi yi pala, yi mo n mangi o yaali. ²⁰ Ama li yaaa tie yeni mi fantama n (())a Abimaleka kani ki buoni yinba Sikema yaaba leni Milo yaaba, ki gop (())a Sikema yaaba leni Beti-Milo yaaba mo yaa kani ki buoni Abimaleka. ²¹ Li yaa puoli Yotami den fii ki sani ki gedi Beedi ki ban ye lan kani ki foagidi leni o kpelo Abimaleka kelima o den jie o. ²² Abimaleka den diedi Isalele yaaba bina taa. ²³ Li yaa puoli Li Miali Diedo den soani mi paadima yantiali Abimaleka leni Sikema yaaba siiga ke bani Sikema yaaba den fiini mi yiema Abimaleka po. ²⁴ Yeni bi kuli den ba gaa ban tieni Jelubaali bijapiileleediba ya biadima panpaani. Bi soama ba goa ki jiidi bi naataanu Abimaleka yua yua n den kpaba yuli po, ki go jiidi Sikema yaaba yaaba n den todi o ke o kpa ba mo yaa yula po. ²⁵ Sikema yaaba den bua ki tieni Abimaleka yaala n bia bi den wuoni bi niba a juana yula po ke bi fenli yaaba n tagi u sanu nni ki pendi bi kani. Bi niba den waani Abimaleka laa bonla. ²⁶ Danyenli Ebeti bijua Gaali den cua Sikema, wani leni o naataani. Sikema den taa bi dugidi ki bili bili opo. ²⁷ Bi den kua bi kuani nni ki cie bi duven tiidi bonluonkaala ki (())iani ki (())ani mi (())ima, ki tieni u badu. Bi den kua bu bulo dieli nni ki dini, ki (())uni, ki soli Abimeleka. ²⁸ Ebedi bijua Gaali den yedi: Ti tie be yaa ni buolu yo Sikema nni ki baa cedi Abimeleki n yaa die ti? Wani Abimeleka tie hme yo? Waa tie Jelubaali bijua kaa? Waa teni ke Sebuli kaa gobidi u dogu? Tin yaa hua mani Amoti wani yua n cilini Sikema dogu. Ti nan ba ga lede ki yaa hua Abimeleka. ²⁹ N ya bi tugi Sikema yaaba yuli, n bi ba jiini Abimeleka. O den kpaani ki yedi: Abimeleka pugini a toatiadio ki cua ki tuogi leni nni. ³⁰ U dogu gufeneeli Sebuli n den gbadi Ebedi bijua Gaali n tua yaala, o pali den beni. ³¹ O den soani a tonda hasiili nni ban ban le Abimeleka ki yedi o; Ebedi bijua Gaali leni o naataani cua Sikema ki tudi u dogu yaaba ban fiini a po mi yiema ³² Lanwani han fii ku (())iagu, fini leni yaaba n ye leni a, ki wuoni i kuani nni. ³³ Han faa ki cua ku tasoanpanpangu, u yienu n pudi ya yogunu ki baa u dogu. Gaali leni yaaba n ye leni o ya (())ani ki ba tuogi leni a, han soani o nanio han fidi maama. ³⁴ Abimeleka leni yaaba n den ye leni o kuli den fii ku (())iagu ki boagidi caga naa ki ban wuoni ki kuu Sikema. ³⁵ Ebedi bijua Gaali den (())ani ki sedi u dogu bilinciami buli(())oabu kani. Abimeleka leni yaaba n den ye leni o kuli den ()ani bi wuonkaani nni. ³⁶ Gaali den laa ba ki yedi Sebuli: Diidi, bi niba n ban (())a a juana po ki ji yeni. Sebuli den goa ki yedi o: a juana junjunde ke a nua ki tua niba. ³⁷ Gaali den yedi: Laa pia kuli tama niba n li (())a u dogu siiga juali po ki ji, bi ne mo tagi bi baabuuba tibu Seni yaa sanu ki kpendi ne. ³⁸ Sebuli den goa ki yedi o: A macianma yeni kuli ye le? Fini ka den yedi ke Abimeleka tie hme ke yi baaq ya hua o? Han den fali yaaba naani n yeni. Nan ji gedi ki ban tuogi leni ba. ³⁹ Lanwani Gaali den ga Sikema yaaba liiga ke bi tuogi leni Abimeleka bu toabu. ⁴⁰ Abimeleki den hoadi ki deli o ke o sani. Bi den poagili bi niba boncianla ke bi baa ki kpe ki ban tuoni hali u dogu bilinciami buli(())oabu kani. ⁴¹ Abimeleka den ban sedi Aluma dogu. Sebuli mo den deli Gaali leni o naataani ki (())aniba Sikema ki kuani ba ban da go hmaa li kani. ⁴² Li denlieli Abimeleka den gbadi ke Sikema yaaba bogindi ke bi ba gedi i kuani. ⁴³ O den taa o toatieba ki boagidiba caga taa ke bi wuonwuoni i kuani nni wan den laa ke Sikema yaaba (())a u dogu nni, o den fii ki tuogi ki pua ki paadiba. ⁴⁴ A cagilieda n den baa ya niba n ye i kuani nni ki kpaani ba ya yogunu, Abimeleka leni o yaa cagili den jaligi ki ban jia ki sedi u dogu bilinciami buli(())oabu po. ⁴⁵ Abimeleka den tundi ki moa leni u dogu. O den paadi u ki kpa u niba. O den bolini u cain ki taa mi yaama ki pagi li kani. ⁴⁶ Yaaba n den ye Sikema diefoaga nni n den gbadi laa laabaalo, bi den kua ya dieli n ye o bulo Beleti tii po. ⁴⁷ Bi niba den waani Abimeleka ke bi kuli kua ki wuoni lienni ⁴⁸ Lanwani abimeleka den doni Tisalimoni juali po, wani leni ya niba n den ye leni o kuli. o den taa li yali ki pedi u tibenu ki bugi. o den yedi yaaba n ye leni o: Yi laa min tieni yaala. Yi mo n jaligi tonma ki tieni yeni. ⁴⁹ Yua kuli den pedi u tibenu ki hoadi Abimeleka. Bi den taa i tibeni yeni ki tabinitabini tiipo dieli yeni ki juuli leni yaaba n ye lie nni. Sikema diefoagili niba kuli den bodi yeni bi coali den bua ki pundi tudili, bi jaba leni puoba. ⁵⁰ Abimeleka den (())ani Sikema ki gedi ki baa Tebetisi dogu. O den lindi ki cebini u ki paadi u. ⁵¹ U dogu siiga den pia li diefoagili. U dogu yaaba kuli, bi jaba leni bi puoba, den kua ki wuoni laanni. Bi den kua ki luoni ki doni li dieli tanpoli. ⁵² Abimeleki den pundi hali li diefoagili yeni kani ki baa li. O den nagini bu buli(())oabu kani ke o baa juu li. ⁵³ O pua den taa u bindu ki madi ki mudi o yuli. ⁵⁴ Abimeleka den jaligi ki yini ya jawaalo n tugi o toatiadi ki yedi o: Noadi a jugisiega ki dudi nni ban dati yedi ke pua n kpa nni. ⁵⁵ Isalele yaaba n den laa ke Abimeleka kpe, yua kuli den lebidi ki kuni o denpo. ⁵⁶ Yeni, Li Miali Diedo den guani Abimeleka wan den kpa o naataani jaba piilele yeni ki tieni o baa ya biadima. ⁵⁷ Li Miali Diedo go den guani Sikema yaaba moko bi biadima. Yeni Jelubaali bijua Yotami solindi den cuo ba.