¹ Galaati yua Jefite den tie jakoandiciamo. poconconli n den mali o. O baa den yi Galaati. ² Galaadi pua moko den mali opo a bonjala. Ban den fandi bi den deli Jefite ki yedi a kan je faali ti baa diegu nni kelima a tie potoa yaa bige. ³ Lanwani Jefite den sani ki foagidi leni o naataani ki ban kaa Tobi diema nni. A poapuagila den taani ki ye leni o ki cangi o o goada nni. ⁴ Lan den waagi waamu, Amoni buolu yaaba den tuogi leni Isalele yaaba bu toabu. ⁵ Mi janjanma den fii, Galaadi yaaba nikpela den gedi Tobi ki ban woli Jefite. ⁶ Bi den yedi o: cuane ki tugi bi toa tieba yuli tin tuogi leni Amoni buolu yaaba. ⁷ Jefite den goa ki yediba: Yii den nani nni ki deli ki (())ani nni n baa diegu nni te? Be yaa po moala yin ji ye fala nni yeni ke yi cua ki woli nni. ⁸ Galaadi diema nikpela den goa ki yedi o: Ti cua ki wola moala ke han cua ki todi ti tin tuogi leni Amoni buolu yaaba, ki go tua ti yudaano, Tinba leni Galaadi yaaba kuli yaa yudaano. ⁹ Jefite den goa ki yedi bani Galaadi nikpela yeni: Yi ya taa nni ki guani ke n ban tuogi leni Amoni buolu yaaba bu toabu, ke Li Miali Diedo taaba ki teni n nuu nni, n baab tua yi yudaano. ¹⁰ Galaadi ni kpela den yedi o: Li Miali Diedo tie siedi,ti ba tieni han yedi yaala. ¹¹ Lanwani Jefite den yegi leni Galaadi nikpela. Isalele yaaba den kuani o bi liiga ki go tuni o: bi toatieba yuli. Metisipa dogu kani, Jefite den goa ki togidi Li Miali Diedo nintuali wan den kpa yedi yaala yeni kuli. ¹² Jefite den soani a tonda ban ban yedi Amoni buolu yaaba bado: Be ye mini leni fini siiga ke a cua ki baa n diema? ¹³ Amoni buolu yaaba bado den soani a tonda yeni ban ban yedi o: Li tie kelima Isalele yaaba n den (())ani Ejipiti, bi den gaa n diema ki cili Alinomi kpenu ki caa hali Jaboki kpenu leni Judana yaa kpenu. Moala han goa ki (())iani laa diema leni a yanbuama ¹⁴ Jefite go den soani a tonda Amoni buolu yaaba bado kani ¹⁵ Ki yedi o: Isalele yaaba ki ga Moabi yaaba diema, bi didi ki go ga Amoni buolu yaaba mo ya diema. ¹⁶ Kelima ban den (())ani Ejipiti bi den poandi mi fanpienma nne ki ban (())ani mi (())incianmoama k gedi Kadesa. ¹⁷ Ban den pundi lankani bi den soani a tonda ban ban mia Edomi diema bado wan pa ba u sanu ban poandi o diema nni. Ama waa den tuo. Bi den soani Moabi bado moko yaa kani ke o moko yie. Lanwani bi den ye Kadesa. ¹⁸ Li yaa puoli bi den fii ki goa ki tagini mi fanpienma nni ki lagidi Edomi leni Moabi diema, ki ban pundi Moabi puoli. Bi den kpaa bi nagili Alinoni duoli kaa kua Moabi diema nni kelima Alinoni den tie bi diema. ¹⁹ Bi den soani a tonda Amola yaaba bado Sihoni yua n den kaa Hesiboni kani, ki mia wan pa ba u sanu ban poandi o diema nni ki gedi ban ca naani. ²⁰ Ama Sihoni ki den pia Isalele yaaba po dugidi ki baa cedi ban poandi o diema nni. O den taa o toatieba kuli ki gedi ki kpaa o toanagili Jatisi ki tuogi leni Isalele yaaba bu toabu. ²¹ Li Miali Diedo, Isalele yaaba Tienu den taa Sihoni leni o toatieba kuli ki teni Isalele yaaba nuu nni ke bi paadi ba. Isalele yaaba den diedi Amola yaaba yaaba n den ka laa tinjaali nni kuli yaa diema. ²² Bi den diedi Amola yaaba diema kuli, ki cili Alinoni ki yaa ca hali Jaboki, ki goa ki taa mi fanpienma kani ki yaa ca hali Judana. ²³ Li Miali Diedo Isalele yaaba Tienu n ga Amola yaaba diema ki teni tinba O niba, a mon yedi ke a ba fie ma ti kani? ²⁴ A bulo Kemosi n puni a han yaa die yaala haa diedi laa? Lanwani, ti moko Li Miali Diedo ti Tienu n puni ti yaala yeni ti kan yaa die laa? ²⁵ Naani a tama ke fini n cie Tisipoli bijua Balaka, Moabi diema bado? Waa den nia leni Isalele yaaba, waa den tuogi leni ba bu toabu. ²⁶ Dunla n tie bina kobitaa ke Isalele yaaba ka Hesibo leni Aloyeli leni yi gaanma leni ya dogi n ye Alinoni balinma kuli. Be yaa po ke yii fie bi kani laa diema laa bina kuli? ²⁷ Mini ka tudi apo, fini n tieni nni yaala n bia ki tuogi leni nni bu toabu. Li Miali Diedo n jia ti buudi dinla Isalele yaaba leni Amoni buolu yaaba siiga. ²⁸ Amoni buolu yaaba bado ki den cengi Jefite n den soani ke bi yedi o yaala. ²⁹ Li Miali Diedo fuoma den kua Jefite nii nni. O den gaani Galaadi leni Manase diema nni. O den guani ki tagina Galaadi ya Mitisipa ki kua Amoni buolu yaaba diema nni. ³⁰ Jefite den niani Li Miali Diedo li nianli ki yedi: A ya taa Amoni yaaba ki teni n nuu nni, ³¹ N ya paadi ba ki goa ke yua n (())ani n diema nni kuli n ba pa ha o ki padi o li padijuukaali. ³² Jefite den tuogi leni Amoni buolu yaaba bu toabu ke U Tienu taa ba ki teni o nuu nni. ³³ O den paadi ba cain ki cili Aloyeli dogu ki yaa ca hali Minite dogu ki fie dogi piilie. O den paadi ba ki ban pundi Abela Kelemimi dogu. Isalele den paadi Amoni buolu yaaba ki diedi ba. ³⁴ Jefite n den lebidi ki kuni o denpo Metisipa, O bisilo den (())ani ki tuogi o ke a gangaana pua ke o jeli. wani n den tie o bonpoyenyenga waa den pia bi toaga. ³⁵ Jefite n den laa o, o den padi o tiadi ki yedi: hain n bisalo! A kuani nni u nufanu nni, a tie yaaba n kpendi nni n paboanli siiga yendo. N niani Li Mialio Diedo li nianli, n kafi kaa ba tieni min niani yaala mo. ³⁶ O bisalo den goa ki yedi: Baa, a ya niani Li Miali Diedo u (())oanianu, han soani nni nani han niani o maama kelima o tu apo li panli A yibalinba Amoni buolu yaaba kani. ³⁷ O go den yedi: Ama han pa nni hmaali lie min gedi a juana po mini leni n danlinba min ban buudi min ba kpe kaa kuni joa yeni yaa po. ³⁸ Jefite den puni o hmaali lie. Lanwani o den gedi a juana po wani leni o danlinba ki ban buudi wan ba kpe kaa kuni ja yeni yaa po. ³⁹ Hmaali lie n den pendi, o den guani o baa kani ke o taa o ki kuani wan den niani ya (())oaninu. o den kpe kaa kuni joa. hali mani li den bili Isalele nni ⁴⁰ ke binli kuli Isalele jafanba caa ki tiendi dana naa ki buudi Galaadi yua Jefite bisalo po.