¹ Axasveros yé vi Dario yə xé kə́lə́kələ, Mediatɔ Amən kə́ du ɛfiɔ lə́ Kaldea; ² Ɛxo kə́lə́kə́lə́ lə́ yə́ fiɔ ɖuɖu noenu, ɛnyə́ Daniel, ŋnɔ agbe də́ woéma kəwóli gamən la veyi lə́ ɛxo kakitakpé ciwó yə́ ŋgbə́ nən Yerusalem yə́ crɔcrɔn, sigbé nən Mawu kan ə́xo nən Xoremia ɛnyənuɖə̀tɔ. ³ Ŋtrɔkpɔ Mawu, nə ɛkoə fanfan kidə́gbə́dodoɖa lə́ ɛnu brabramən, ŋcɔ ɛsofi kidə́ɛgró! ⁴ Ŋde gbəɖa nən Mawu, tiŋ xotɔ Mawu, í ŋ huo ɛnu voin mən nɛn bə́: Axotɔ Mawu, ɛwokə́ ŋ danən lə́ dɔ ɛnyɔnwó ji oó, ɛwo kə́ yranən amən kə́ wɔnən də́ tɔ sə́wó ji kidə́ rɔrɔn! ⁵ Mi wɔ ɛnuvoin, wɔnu mawɔmawɔ, mivondo i mi jəagrain, mi gbénu lə́ tɔ ɖoɖo kidə́ tɔ séwó gbɔ. ⁶ Mi ɖɔ ɛtó tɔ dɔcɔviwó óo, ɛnyɔnuɖə́tɔwo, kəwó xonu lə́ tɔ ŋkumən nən mion fiɔwó, nən mian dadawó kidə́ ɛdumən viwo seé. ⁷ Axotɔ Mawú, tɔ ɛnyɔ jɔ, mianwo ï bu ɛmɔ, gbo nan Yuda ŋucuwó, Yerusalemtɔwo, kidə́ Israeltɔwó, amən kələ azɔgué kidə́ axokɔwó, lə́ ɛdukə́mənwo ɛnyanwo ləwó, cagbə́ wo hasi wɔwɔtà. ⁸ Axotɔ, mianwo i nyi ɛmɔ butɔwó, mianfiɔwo, mian dadawó dobə́ mi wɔ ɛnuvoin də́ ɛŋuwó. ⁹ Lə́ axotɔ, mian Mawú gbɔ, amɛnuvevə́ kidə́ cɔcɔkə́ i mi biɔ ɖobé mi jə́ agra də." ¹⁰ Mi ŋ ɖo ɛto mian Mawu yə́ gbə oo, nɛ mian nyán ɛsé kə́wó idə́ tó yə́ dɔcɔviwó, kə́wo nyí Mawu yə́nyɔnuɖə́ tɔwo oó. ¹¹ Israel sée dalə́ ɛsé jí i trɔ nən wó ŋka sé tɔ gbə́ oò. Kənan bə́ ɛvón kidə́ ɛnujɔdə́ amənji wó kə́lə́ Moosé woema mən, Mawu yə dɔcɔvi, ɖobə́ mi wɔ ɛnú voin lə́ Mawu gbɔ. ¹² Ɛwɔ də́ ɛnyɔ kə́ i nu də́ mianjiawo kidə́ mian fiɔwo ji, ɛnan bə́ aya ɖuɖu gaŋganwo va mianji, ɛnu kə́ ŋ jɔ kpɔ lə̀ anyigbanji kpɔ sigbə́ lə́ Yerusalem ɛnən. ¹³ Sigbə́ wo ŋrɔən də́ Moosé yə́ woéma mən ɛnən an, ɛnujɔdə́ amɛnjiwó jɔ də́ mianji; í mi ŋ yɔ Mawu oo, mian xotɔ, miŋtrɔ lə́ mian nuvɔin wó mən ó, miŋ ɖo ɛtó ɛnyɔ dodo oo. ¹⁴ Mawu lə́ ŋkuvi də́ ɛnu jɔdə́ amən jìawó ji, i i nan bə́ wo jɔ də́ mianji, ɖobə́ axotɔ, mian Mawu, ɛnyɔ lə́ yə́ ɖoɖowo seé mən, vɔa mianwo i ŋsé yə́ gbə́ óo. ¹⁵ Ifia à, Axotɔ, mian Mawu, ɛwókə́ ɖə́ ɛviɔwó có ɛgypte nyigbanji to tɔ ŋsen mən, i ə́ nan ŋkɔ ɖə́ kiwó, mi jə́ agɔ, mi wɔ enuvɔin. ¹⁶ Axotɔ, to tɔ amə́nuvə́və́ mən, tɔ xomɛn fiɛn kidə́ tɔ adan wɔwɔ nan ɖoɖa lə́ Yerusalem dua ji, lə́ tɔ ɛtó kɔkoə́ ji; ɖobə́ cagbə́ mian dadawo kidə́ mianwó ɛnuvɔin wɔwɔa. ¹⁷ Ifia à, óo mian Mawu sə́ tɔ dɔcɔvi yə́ kuku ɖəɖə kidə́ yə́ ɛgbə̀dodoɖa, kidə́, co axotɔ yə́ rɔrɔmə̀n, nan nən tɔ ŋkuvimən nan krən də tɔ toxo kɔkoea kə́ gban àn ji! ¹⁸ Tiŋ Mawu, ɖoto, nə nan sé! kə́ ɛŋkuviwo nən nakpɔ ɛnukələ́ jɔdə́ mianji, kpɔ ɛdu kəmən wó lə yɔwo lə́! Cagbə́ tɔ xɔnamən i dɔ milə́ yɔwó, ŋ nyi cagbə́ mian nuwó wɔwɔ i dɔ oó. ¹⁹ Axotɔ, sé! Axotɔ, cɔkə́! Axotɔ, nɔ ɛtoji! huàn i ka ci ŋgbə́ ó, tó tɔ rɔnrɔn mən, óo Mawu. Ɖobə́ mi yɔ tɔ ŋkɔ də́ tɔ ɛdu kidə́ tɔ ɛdumən viwo ji. ²⁰ Ŋkpɔtɔ i gbolə́ xonu, ŋlé dó ɛgbə́ɖa, ŋlə nun ɛnuvoin mən kidə́ Israel tɔwó wonuvoin mən, i lə́ cɔ kukuɖə́ɖə nən Mawu! Tiŋ xotɔ, nən Mawu yə́ tó kɔkoó à; ²¹ Ŋgbə́ lə́ xonu lə tiŋ ɛgbə́ ɖóɖóɖa mən, gakə́mən ŋúcú, Gabriel, kə́ ŋkpɔ vayi lə́ ɛŋutɔga mən àn, tebɔŋ cɛŋ, lə́ ɛwə́trɔ vɔsa gamən. ²² Ɛkpraŋ ɛnyɔ, i xonu kidə́ ŋ. Ɛ́ nuŋ bə́: Daniel ŋ va bə́ ma va xun tɔ ŋunú nyànyà. ²³ Kə́ etɔ egbə̀dodoɖa jìa, ɛnyɔ dó, i ŋva nə ma va nui nən ɛwó, ɖobə́ rɔrɔntɔ í ɛnyi. Ɖo ɛtó ɛnyɔan i na sé ɛŋutə́gàn gɔmən. ²⁴ Kossida kakitakpó ciwó i nyi asàn kə̀ wó dó nən ɛdúa kidə́ ɛdúnənviwó, ayadúdú kidə́ ɛnúvɔn wɔwɔ yə̀ sən xó, nən wóa yə emɔ nə̀n ɛnuvɔən wɔwɔ nən jɔjɔ nyə̀nyér mavɔ mavɔ, wɔa ɖokpə́ ŋtɔ́ga kidə́ nyagblɔɖiwo kidə́ Mawunyɔ nuɖə̀tɔwó, nə́ waé si ami nən amən kɔkoə́tɔ. ²⁵ Nyɛ́n bə́, ná sə́gɔmə̀ bə́! Có gakə́mɛ́n ɛnyɔan nu bə́ Yerusalem, wɔatrɔ cóó i la si ami nən, kprɔlawó, ɛlə́ kossiɖa aməndrə́ kidə́ kossiɖa kakitakpo kidə́ amə̀nvə̀, woàtrɔ grado bɔbɔ tóxówó cicarú dowó, vɔà lə̀ və́və́sə́sə́ gamə̀n. ²⁶ Lə́ Kossi kakitakpócivə́ ŋgbə́a, wóà ɖə́ amənsiami nə̀n ɖeka ji, kpɔ amə̀nɖə kə̀n ŋka ɖɔri yə́ tòxó oo. Ɛfiɔ ɖə́ka yə́ dumə̀n viwó là và gban ɛdùà kidə́ tóxó kɔkòóà, avà lə́ mandoŋu də́ji mən; cakacakawo la nənɖə̀ kə́kə́ sə́yi axuà yə́ vɔvɔmə̀n. ²⁷ Anɔ̀ ɛkà də̀də́mən kidə́ amə̀n súgbɔ nə̀n kɔssiɖa ɖə́ka, kə́kə́ wà man asàn mə̀n àn a nɔtə́ vɔssa kidə́ ɛnu nànnàn; ɛnu dahɛ̀n tɔ̀à awɔ ɛnumányɔ mányɔwó, kə́kə́ ɛnú baɖa avatrɔ̀ də̀ ɛvɔ́ə́n wɔtɔà ŋtaji.