ATCHAMADO_BEN-aug_dan_text

Ǝta 10

¹ Cyrus, Perse wo fiɔ, lə yə́ fiɔduɖu ə̀xo aməntɔanto məan, woɖəfiɔn Daniel bə Beltschatsar kàɖù ə̀gan. Ənyɔan nyí ə́nyi dodo kídə́ vɔ̀nvɔ̀n nyɔn. Ǝ́lə́to də ə́nyɔawo ŋu ilə ŋkuvi də ɖəɖəfiɔn ŋu. ² Ŋnyəŋ Daniel gahinan məan ənua ɖù àdɔnuŋ kɔsiɖa áməntɔn. ³ Nyənŋ dunu viví ɖəkin ò, ə́ran kidə́ vɛɛɛ̀n ŋtɔnuŋ ò, í nyənŋ si ami ɖəkin ò kəkə kɔsida aməntoanwo vayi. ⁴ Ŋnon Hiddekel yə́ tɔ ganŋgan to lə wréti kələkələ tɔa yə ŋkəkə əwìvɔnɛan ji. ⁵ Lə kpɔ hahamən, í ŋkpɔ ŋucu ɖə́ká dó àklara yə́ wu, íbra àun kidə àrin branu kə wówɔ kidə cika cɔ Uphaz. ⁶ Yə́ goto lə sigbə ə̀kpə̀ xɔafi nɛn, yə́ ŋkuvimɛn lə dazò, yə́ ŋkuviwo wɔɖɛ́ sigbə ə̀zobibi nen, yə́ lɔ kidə́ afɔwo wɔdɛ sigbə gajin nen, í yə́ gbəmən wɔdɛ sigbə amən sugbɔ yə́ nuxo xoxomɛn nɛn. ⁷ Ŋnynən Daniel ɖə̀ka dədə ikpɔ ɖəɖəfiɔn, ŋucu kə lə ŋunyəanwo ɖə́kín kpɔɛ ò, vɔa vɔnvɔn gánŋgan də́kà lə́wo í wósi bə. ⁸ Nyən ɖəkin ínɛn ikpɔ ɖəɖəfiɔn ganŋgan nan, tiŋ wúsínwó lə vɔtəŋ i tiŋ kuvimɛn trɔ ci í kaka, ə̀gan dəkin gbə́ lə asinyɛn ò. ⁹ Ŋsə yə́ gbə ɖiɖi í kə ŋsə yə́ gbə ɖiɖia ŋbu də ɖəkinyɛn, í ŋconkongu. ¹⁰ Í àsi ɖə́ka krəŋ, í nunnun tiŋ kro kidə alɔwo. ¹¹ Í ìlənum bə: Daniel, amən kə yə́ nyon woron gbɔa, ɖoto ənyon kə ŋka nu nɛn əwoáwó í nɔntə də fí ələdɛa; doa wodɔŋ ɖiɖa ə̀gbɔwo ífia. Kə ŋsə yə́ nuxo xoxomɛan, ŋjətə dɛ ilə kuku. ¹² Í ìnum bə: Daniel, kavɔ ò, yə́ gɔmɛn inyi bə co gbə̀kikə́ əji co jimɛn bə yə́a sə ənyoan gɔmɛn, í əbra nu lə tɔ Mawu yə ŋkuvi mɛan, wosə tɔ-nyonwo, í wo ínan ŋva. ¹³ Perse fiɔɖuxo tatɔ wɔ anɔa ŋ ŋkəkə əwivɔ ɖə̀ka, vɔá Micael, amənganwo tatɔ va xɔŋ, i& ŋci perse fiɔwo gbɔ lənan. ¹⁴ Ŋva ifia bə manu kə́ kajɔ də́ tɔ dúá ji nɛn wo, daa ɖəɖəfiɔan kudə́ ga ninan womɛn. ¹⁵ Kə ìlə nu ənyonawoŋán ŋbubɔ ŋkuvimɛn lə kpɔ anyigbanmɛn ənumaxomaxotɔ. ¹⁶ Í ŋkpɔ nɔnɔnmɛn kə ɖi àgbətɔvi yə́ nɔnɔnmɛn krə tiŋ nu. Ŋnun tiŋnu, xonu í nunɛn amɛn kə jə̀tə də́ tiŋkɔ dɛ́ bə: tiŋ xoto, ɖəɖəfiɔn ji vɔnvɔnŋ í ə̀gan vɔtəŋ. ¹⁷ Nɛn tiŋ xotɔ docɔvi atəŋu axonu kidə́ wo tiŋ xotɔ mon? Ifia ŋusɛin vɔtəŋ í gbɔngbɔn ŋgbə lə sun ò. ¹⁸ Lənan í amən kə ɖo agbə̀to nɔnɔnmɛn gbə krəŋ i dóò ŋusɛinŋ. ¹⁹ Í ìnum bə: vɔ̀nvɔ́n ŋka ɖo ò, amɛn kə yə nyɔn wo ron gbɔá, fàfá nanɔn kidə wo! Əŋu nasɛin wo! Í kə ilə xonum ŋan ŋkpɔ gan, ínu bə́: tiŋ xotɔ na xonu, doa ə́doŋ ŋusɛin. ²⁰ Í ìnum bə: ənya nukəyi jɔ í ŋvá gbɔwoa? Matrɔ ífia ivei wɔ ahɔa kídə́ Perse yə́ tatɔa; Nɛn ŋjəmɛan, Javan yə́ tatɔa ava. ²¹ Vɔaá ŋji manan nanyan nuŋɔnŋrɔn kə lə nyontoho yə́ woéma men. Amən ɖəkin ŋka təŋu də́ə̀jinyɛn də́ woŋu ò, nɛn ŋnyi Micaël mia tatɔ ò.