¹ Lə́ əxò jəŋ̀kɔ̀tɔ̀ kə Belschatsar, Babylonìantɔ̀ wò fíɔ yi zìkpí a jíà. Daniel, kpɔ̀ gbɔngbɔn mə nùwò, íkùdrɔɔ́ kə ì lə́ danrɔn an. Ǝ̀ŋrɔn ənù kə ì kpɔ̀ à wò ɖɛ́. ² Daniel tɔ̀jì, í bə́ yé kpɔ̀ lə gbɔngbɔn mə bə́ àyá xɔ̀xɔ̀ ámənə xo có jiŋ́kori, i kakà də̀ axù ji. ³ Í əran gán rangan wò dò có mə kídé nɔnnɔn mə vovovo wò. ⁴ Jə́ŋ̀kɔ̀tɔ̀ à ɖí jaŋ̀tà, í wɔ̀ awà ɖɛ́ sigbə́ blazí ənə́. Ŋ̀lə̀ kpɔɛ̀ kəkə̀,í wò ɖə̀ àwà wa də́ anyiggban mə, í ì còcìtə́ də afɔ̀və jí sìgbə́ amə gbətɔ̀, í lə̀ wɔ̀ nù sigbə̀ aməgbətɔ́ ənə́. ⁵ Ǝran vəàtɔ́ ɖí əraa í lə́ akpáɖəká ɖɛ, í ənù amɔntɔn ləsí kídé aɖùwò, í wò lə̀ nùnə́ bə́: có cìtə̀ nə́ nan ɖú ə̀ran wó səə́ə́. ⁶ Ŋ́nan ŋ̀gbə́ à, ŋgbə́ kpɔ̀ bù, kə ɖí əkpɔn an, í mi àwà amənə́ ləŋgbə́ sìgbə́ xə̀ví ənə́. Ǝran ŋ̀nan wɔ̀ ətà amə̀nə̀ ɖɛ́, í kpàcɛ́ nə́ əran wò səə́ə́. ⁷ Ŋnan ŋ̀gbə̀ à, ŋgbə̀ kpɔ̀ ə̀ran àmə̀nə́ an tɔ̀, kə sɛnŋ́, í jíɔ́n, aɖù ganŋ̀gan lə́ nùmə nə́ í nyi gakpò. Ǝɖù ɖəsiaɖə́ kə í dògò a, ətòvò nə́ əran wò səə́ə́, í mìzò amɔnwò. ⁸ Ŋlə̀ kpɔ́ əzoa wò í cùkùví ɖə̀kà gbə́ và mi lə doŋ̀dòmə nə wò, í amɔntɔ̀ lə ə̀zòà mə mù. Yé ŋ́kùvíwɔ̀ɖɛ sigbə àmə tɔ̀ ənə̀, í wɔ ənú ɖɛ́ í lə̀ sə̀ xònù kìdé ganganŋ̀gan. ⁹ Ŋ̀gbə́ lə̀ kpɔ́ bə́, kəwò lə ɖó əfiɔ zìkpìà wò à, aməɖə̀kà và kancrɛn, í yé wù yé pilipili sìgbə ahùcì ənə́, yé ɖawò yɔé sigbə́ ɖətífu; yé zikpi wɔ̀ɖɛ sìgbə̀ əzò yé ɖə́ ənə́, í zíkpì a yè fɔ̀ti wowɔ̀ ɖɛ sìgbə̀ wò lɔ̀zò ɖɛ ənə́. ¹⁰ Ǝtɔ ɖəkà cà tó ŋ̀kɔ̀ nə́ kídé ə̀zò gɛ́gɛ́. Amə sùkí-sàkí wò lə́ sùbɔɛ, í sàkímillion wò lə́ ŋ̀kɔ́ ɖɛ nɛn kojòɖòtɔ́wó kanrɛn ɖɛ́ kídé́ wó wə́man wò, íwohun ŋɩ́ ɖe. ¹¹ Kə ŋlə́ kpɔ́ sigbə əranzoa lə xonu kídé ganganŋgán, ŋkpɔ́ bə́ wó wú əran án, í jɛn wriwri í, tɔ́zoé. ¹² Ǝran kpɔ́tíawo á, wó xɔ́ gan lə́ wosi, í wo nɔ́n àgbə nɛn ŋ̀kəkə ɖəwó. ¹³ Lə tinŋ nù kpɔ̀kpɔ́ lə əzan mɛn án, ŋ́lə́ kpɔ́ gbɔnɔn có akpɔkpɔmə lə́ jiŋ̀kórí àmɛn ɖəká kə ɖí àmɛn gbətɔ yé ví ənɛn, í zrɔ́n yikɔ́ Mawu gbɔ́, í ì và kprɔɛ̀ yì. ¹⁴ Wó cɔ́ àcɛ́kpàkpà, kpɛnkpɛmɛ kídé əfíɔɖuɖu nɛn də́ àmɛnwo, dùkɔ́ wo, amɛn kələ́ do əgbə vovovo wó nɛ́n woá lə́ subɔɛ́. Yé cɛkpàkpà nyin acɛ́kpàkpà kə lá subɔɛ́. Yé cɛkpàkpà nyin acɛ́kpàkpà kə lá lɛ́ɖɛ́ tɛgbɛɛ, í ŋ̀kaa vɔn gbəɖəwo,í yé fíɔduxo ŋ́kaa gban gbəɖəwo. ¹⁵ Ǝnyə, Daniel, tinŋ́ súsú cáká, í vɔnvɔ́n jíŋ kəŋ kpɔ́ ənú ŋ́nan wó. ¹⁶ Ŋ̀gbó təbɔ́ wó domɛntɔ́ ɖəká, í lə́ fíɔɛ́ sə bə́: ənú dodó kə́í ənù ŋnan wó lə́ ɖə dísa, í ɖəgɔmə ŋ́: ¹⁷ Ǝran gán àmənɛn ŋ́nan wóá, yé í nyin əfíɔ àmənɛn kə kàvà kpácɛ́ lə́ ànyingbán jí; ¹⁸ Vɔ̀a kɔkɔtɔ́ wó kələ́ jiŋ́kórí a láxɔ́ əfiɔdùxo á lə́ wo sí, í lá dù fiɔa tɛgbɛ́ɛ́, səyìmanvɔ-manvɔ. ¹⁹ Ŋ́jibə́ man ka àdodo sə́ cɔ́ əran àmənə a tɔ́à kə tóvo nɛn wó seéé à, í wɔnɔn adan, í yé duwo nyin gakpo, í yè fun wó nyin gajɛn, í ì dùnɔn nù, kàkà nɛn nù, í kúnən ənú ɖəsiaɖə́ kídé àfɔ̀; ²⁰ Í əzo àmɛnwó kə́ lə́ ətádómə nɛn an kídé əbúwo kə̀ gbə̀ mi í àmɔntɔn mú lə́mə an, í ə̀zó kə́wɔ ŋkuvíwo ɖɛ́, í wɔ ənu ɖɛ́ i nán ləsə́ xó ganganŋgan nuxóó í tóvo nɛn wò seéé. ²¹ Ŋkpɔ̀ əran zoa lə́ wɔ́ àhùà kídé kɔ̀kɔétɔ̀ wò, í ì lə́ dú wójí, ²² Kə̀kə̀ gbɔ̀xò Mawu nán vá í ɖə̀gbə̀ nɛn kɔ̀kɔ̀tɔ́ wó lə́ jiŋ̀kórí bə́ gàmə̀ sún nɛn wóá xɔ fíɔ̀dùxò a. ²³ Í ì lə̀ nù bə̀: əran àmə̀nə à tɔ̀á yé nyin fíɔdúó àmə̀nə an tɔ́, kə kaà vá nɔn ányíngbanjí, kə tovo nɛn wó seéé, í lá vúvú wò, ì lá grɛn wò,í túkúwó. ²⁴ Ǝran zo àmɔnwó a í nyín əfiɔ̀ àmɔnwó kə káa có də́ fiɔdúxò a ŋ́. Ǝ́bu cá là gbə́ có də́ woŋ́, kə tòvò nɛn jɛŋ̀kɔ̀tɔ́a í lá ɖiɖi əfíɔ àmɔntɔn. ²⁵ Í lá lə́ nù nyɔn man ɖínyɔn có jiŋ̀kórítɔ́ ŋ, í jí bə́ yə́wo a trɔ gàmə wò kídé əsəàwò. Í wò a cɔ́ kɔ̀kɔ̀ tɔ̀ wò də̀ àsí nɛ́n wó kəkə nɛn gàɖə̀wòmə, sə̀yì gàɖə̀mə, səyì gàmə yé manman mɛn. ²⁶ Gaŋ́nán mə án kojoɖóɖó yé gàmɔ̀ láɖó í wóá xɔ́ àcɛ́kpákpá lə́sí, í fiɔɖùxo lá gban í káká sə nyi manvɔ́ manvɔ́. ²⁷ Ǝfiɔ dúdú, acɛ́kpákpá, əganyinyi nɛ́n fíɔɖúxó kə̀lə̀ jiŋ̀kóri à, nɛn kɔ̀kɔ̀ jiŋ̀kóri tɔ́wò. Yé fiɔdùdù lə̀ tɛ́gbɛ́ɛ́. Í acɛ́kpanamətɔ́ wò lá lə́ súbɔɛ́ i lə́ dó bùbù ŋ́. ²⁸ Ǝnyɔn à wò vɔ̀xó nɛn. Ǝnyə, Daniel tinŋ súsú wò càká, ŋɖɔ́rí àgbàzɛí ŋ́ lə́ ənyɔ̀n ŋ́nan wo seéé də́ tinŋ jímə.