¹ Yeso eciya kulupili ya Oliva. ² Mumamawawa eciza soti mu cipupilo ca Leza, na wanthu wonse eciza, enkhala pansi nawosambizya. ³ Alembi na Afalisi wemuleta mwanakazi ula wecikata ocita ucende nipo wemunkhazika pakati. ⁴ Nipo weciti kwa Yeso," Mwalimu, uyu mwanakazi wakatiwa enzocita ucende. ⁵ Mwamatetulo, Mose elamula kumuponya myala oteti; munenapo chinji zyake?" ⁶ Elawila eciti popangwa kumukovya nomunenela vyawenye, nipo Yeso elozya pansi notatika kulemba na cikumo cake. ⁷ Pecipitilizya kumukonshya makonshyo, epanama nonena kwao," pakati pa mwewo niwuni akaliye kuluvyapo, lekani yeve awe oyamba kumutema mwala." ⁸ Ezyoplika soti, nipo elemba pansi na cikumo cake. ⁹ Pecimvwa ici, etatika kufumapo umo umo, kutatika na kulu. Posilira Yeso esala yeka, na ula mwanakazi enzepakati. ¹⁰ Yeso enyamuka eciti kwake," wewo mwanakazi, alikuni akuyepezya? paliye wakususha?" ¹¹ Yeso eciti, kuliye Asukulu." Nane nikusushe lini." Usakaluvye soti. ¹² Yeso elawila nawo soti, eciti," ndine nyale ya calo chonse; ula onikonkha newo sazayenda mu mfinzi koma ankhale na nyali ya umoyo." ¹³ Afilisi eciti kwake," uzicitile umboni wako, umboni wako niwa wenye. ¹⁴ Yeso eyasuka eciti kwa weve," Olo kuti nizicitile umboni, umboni wangu niwavyendi. Nuziwa kunufumila na kunu kuya, koma muziwa lini kwini fumila nakunu kuya. ¹⁵ Mupingula kulingana na muwili; kuliye unu pingula. ¹⁶ Motetyo ngati nupingula, kupingula kwangu ndiye kwacendi cikomo nili lini neka, koma nili na wata enituma. ¹⁷ Chendi, na mumatetulo wanu nivyolembewa kuti umboni wa analume awiri niwacendi. ¹⁸ Ninewo ocitila umboni wangu, na wata enituma ocitila umboni wangu. ¹⁹ Eciti kwake," alikuni wata wako?" Yeso eyasuka, muniziwa lini newo na wata wangu; angati mwenzo niziwa, sembe na wata wangu mwenzo waziwa." ²⁰ Elawila malizu awa pamene penzo sambizya mcipupilo pamalo wotwalila vyomulumba, nipo kuliye emumanga cikomo nsita yake yenze ikaliyo kuza. ²¹ Tetyo eena nawosoti," nufumapo nukuya mukanisakile nipo mukafwe muviipa vyanu. Kunikuya simungazeko." ²² Ayuda eciti," Ko azipaye yeka?" Niye cakulawilila kuti,' kunikuya newo simungazeko ²³ Yeso eciti kwawo," mufumila pansi, newo nufumila kumulu. Nimwe a chalo cino, nine lini wa calo cino. ²⁴ Motetyo ninena namwe niciti mukafwile muviipa vyanu. Peka apo mukacetekele kuti ninena kuti mukafwe muviipa vyanu." ²⁵ Motetyo eciti kwake," niwe wani?" Yeso eciti kwa weve," Vinalawila kwanu kufuma potatika. ²⁶ Ninavyo vyolawila vinyinji na kuyeluzya. Tetyo, enituma nawo niwacendi, navinthu vinicimvwa kufuma kwake , ivi vyunulawila kuchalo." ²⁷ Waliyo mvwisha kuti enzolawila vya wata kuli weve. ²⁸ Yeso eciti," pamuti mukamuyimye mwana wa munthu, nipimuti mukaziwe kuti nine, nipo paliye chanuzicitila paneka. Mwecinisambizyila wata, nulawila ivi. ²⁹ Ula enituma ali nanewo, nipo aliye nisiya neka, cikomo nsita zyonse nucita comutemwisha. ³⁰ Pala Yeso penzolawila malizu awa, wanyinji wemucetekela. ³¹ Yeso eciti kwa Ayuda emucetekela," mukawa m'malizu yangu, cendi nimwe asambili wangu; ³² Nipo mukaziwe chacendi, nipo cacendi cikakupuzumusheni." ³³ Emuyasuka," sewo nise mbuto ya Abraham nipo tikaliye wapo wazya wa aliwonse; unganene shani kuti mukamangululiwe, Ukamasuliwe? ³⁴ Yeso eyasuka," leze, leze numuuzyani aliwonse ocita viipa nimuzya wa viipa. ³⁵ Muzya sakuwa mung'anda nsita yonse; koma mwana onkhalilila. ³⁶ Motetyo, kano mwana wamunthu wakumasulani, nimwe womasuliwa chendi. ³⁷ Nuziwa kuti nimwe mbuto ya Abraham; mufuna kunipaya cikomo malizu wangu aliye malo muli mwewo. ³⁸ Nulawila vyunawona na wata, soti nawe ucita vyuwiwona kwa wata wako. ³⁹ Eyasuka eciti kwake," wata wasu ni Abraham." Yeso eciti kwawo," kati mwenze wana wa Abraham, angati mucita milimo ya Abraham. ⁴⁰ Teto, mupangwa kunipaya, munthu wamene wanena ca cendi kuti wamvwa kufuma kwa Leza. Abraham aliye kucita izi. ⁴¹ Mucita milimo ya wata wanu." Eciti kwake," Tiliyo vyaluka mu ucende, tilinawo wata wamo: Leza." ⁴² Yeso eciti kwa weve," kano Leza enze wata wanu, sembe munitemwa, poti nifuma kwa Leza nipo nilipano, niliyokuza mukupangwa kwangu, koma enituma. ⁴³ Cikomo nicinji mukumvwa lini malizu wangu? Nicikomo cakuti simungamvwe malizu wangu. ⁴⁴ Nimwe amwa awusu wanu, muweki nipo mupangwa kucita mapangwiloa awusuwanu. Enze cipaya kufuma potatika nipo oimilila lini muvyendi mlandu wakuti muliye vyendi muli weve. Nipo kati olawila wenye, olawila vyaunkhalo wake cikomo ni wa wenye ni wisi wa wenye. ⁴⁵ Tetyo cikomo nulawila cendi, simunicetekela. ⁴⁶ Niwani pa mwewo onipa mulandu wa viipa? kano nulawila vya cendi, cikomo nicinji simunicetekela? ⁴⁷ Ali mwa Leza akumvwa malizu ya Leza; mukumvwa lini cikomo nimwe lini wa Leza." ⁴⁸ Ayuda eyasuka eciti kwake," Ko nicendi lini kuti nimwe a samaliya nipo muli na ciwanda?" ⁴⁹ Yeso eyasuka," niliye ciwanda, koma nucinzika wata, koma mwewo simunipa mchinzi. ⁵⁰ Sunusaka mchinzi wangu namwine; alipo umo osaka kupingula. ⁵¹ Leze, leze, numuuzyani, kano umo osunga malizu wangu, sazawona imfwa." ⁵² Ayuda eciti kwake," Lomba taziwa kuti munaciwanda. Abraham na aneneri ecifwa koma ukuti,' aliwonse osunga malizu wangu saza lawa imfwa,' ⁵³ Niwe lini mkulu kupula wata wasu Abraham wamene ecifwa, niwe mkulu? Aneneri nawo ecifwa. Uzicisha kuti niwe wani?" ⁵⁴ Yeso eyasuka," kati nulicinzika neka mcinzi wangu niwa tyala; ni wata wonicinzika newo kufuma kwa wala umukonsha kuti Leza wanu niwuni. ⁵⁵ Muliyo muziwa, koma newo numuziwa. Ngati nikanena kuti,' sinumuziwa,' Niwe nga nimwe wa wenye. Motetyo, nusunga malizu wake nomuziwa. Awusuwanu ⁵⁶ Abraham etemwa powona siku yangu, eyiwona soti etemwa." ⁵⁷ Ayuda eciti kwake," mukaliye kukwanisha vyaka makumi asanu(50), nipo nimuwona Abraham?" ⁵⁸ Yeso eciti, leze, leze, numuuzyani, pakaliye Abraham,nenzepo." ⁵⁹ Nipo etola myala kuti amuteme, apo Yeso efisama nofuma na kufuma mcipupilo.