¹ "Mtima wanu usazunzyiwe. Mucetekela Leza, cetekelani muli newo nasoti. Mu ² ng'anda ya wata muli muli vipinda vinyinji. Kuti zenze lini tetyo, sembe nakuuzyani, pakuti nikuya kukonza malo wanju. ³ Nga nukuya kuyo konza malo wanu, nikawere soti kuyomulandilani kuti konse uko kuti nikawe namwe mukaweko. ⁴ Muziba njila ya kwamene nukuya." ⁵ Thomasi eciti kwa Yeso," Asukulu, tuziwa lini kwamukuya, Ko tingaziwe tyani ulendo?" ⁶ Yeso eciti kwa eve," Nine njila, chilungamo na moyo; kuliye angaze kuli bata kano neo. ⁷ Sembe mweniziwa, nga mwewaziwa bata. Kufuma lomba mwawaziwa nipo mwawawona." ⁸ Filipo eciti kwa Yeso," Asukulu, tilangeni bata, nipo watikwane sewo." ⁹ Yeso eciti kuli eve," Nankhala nawe kwa nsita itali nipo uniziwa lini nalomba, - Filipo? aliwonse uyo wawona newo wawona wata.Ungalawile shani,' tilangingizye wata'? ¹⁰ Ucetekela kuti nili muli wata nipo wata wali muli newo? Malizu yanulawila kuli wewo nulawila lini kufuma ku ulamulilo wangu, koma wata wonkhala muli newo wocita cintho yawo. ¹¹ Nicetekeleni kuti nili muli wata nipo wata wali muli newo, kano cetekelani cikomo ca millimo. ¹² Leze, leze, nulawila kuli mwewo, uyo ocetekela muli newo acite nchito zunucita nipo acite nchito zikulu kuposa izi pakuti nikuya kuli wata. ¹³ Ivo vilivyonse vyamwasenga mu zina yangu, nicite pakuti wata wakalemekezyewe mu mwana. ¹⁴ Nga mwasenga ciliconse mu zina yangu, nicite. ¹⁵ Nga munitemwa, musunge matetulo wangu, ¹⁶ nipo nipemphele kuli wata nipo wakuponi mkoseshi umbi pakuti awe namwe nsita yonse- ¹⁷ niye mzimu wacendi. Calo sicingamupokelele cikomo cumuziwa lini kano cikaliye kumuwonapo. Koma mweo muwaziwa, pakuti wonkhala namwe nipo wali muli mwewo. ¹⁸ Nikusiyeni lini mweka; niikuza soti kwa mwewo. ¹⁹ Kasala ka nsita katontho nipo calo cikaniwonepo lini koma wewo ukaniwone. Cikoma nili moyo namwe muze muwe moyo. ²⁰ Pali ila siku mukuyo ziwa kuti nili muli wata nipo muli muli newo, nipo kuti nili muli mwewo. ²¹ Uyo an matetulo yangu noyasunga ni onitemwa, naye onitemwa azatemweke na wata, nanewo nize nimutemwe nolilangizya kwake." ²² Yudasi Isikaliyoti eciti kuli Yeso," Asukulu, ko ninji kuti mukalilangizye kuli sewo nipo kupula kuchalo?" ²³ Yeso eyasuka nipo eciti kwa eve," nga aliwonse onitemwa, asunge lizu yangu. Wata wamutemwe nipo nasewo timuzile nopanga ng'anda nayeve. ²⁴ Uyo asanitemwa, osunga lini malizu yangu. Mlizu yamukumvwa yofuma lini kuli newo koma kuli wata awo wenituma. ²⁵ Nalawila ivi vinthu kuli mwewo, panikali nunkhala namwewo. ²⁶ Motetyo mkoseshi- niye mzimu mtuwa, wati akatume wata mzina yangu, azomsambizyani vyonse nomkumbushani vyonse vinelawila kwa mwewo. ²⁷ Mtendele numusiilani; numupanimtendele wangu. Numupani lini muchupela calo. Mtima wanu usazuzyika, kano kucita mwezo. ²⁸ Mwamvwa kuti neciti kwa mwewo,' nukuya nipo nikuyo wela soti kwa mwewo.' Nga mwenitemwa, nga nimwe otemwa cikomo nukuya kuli wata pakuti wata niwakuli koposapali newo. ²⁹ Lomba nakuuzyani pavikaliye kucitiwa, apo vikacitiwa, mukacetekele. ³⁰ Nilawile lini soti namwewo malizu yanyinji, pakuti citungulula wa calo cino akuza. Aliye vizo vyopula newo, ³¹ koma kuti calo ciziwe kuti numutemwa wata, nucita tetyo mweciniuzyila wata. Imililani nipo tifumepo pano."