wache adalewa nawo,
2 ''Ndikubva nsisi na wanthuwa thangwe ndakhala nawo nsiku zitatu tsono alibe bzakudya. 3 Ndikawauza kuti neye kudya, angayambe kukomokera panjira . Winangowa achokera kutali.'' 4 Anyaku pfunzra wache adamutawira iye, ''Nkhuponi tingamane na bzakudya mchipululu muno kuti wanthu akwane?'' 5 Tsono adawabzunza, ''Muna mikate mingasi? iwo adalewa, ''Minomwe.'' 6 Iye adalilamula thimulo kuti likhale pansi. Iye adatenga mikate minomweyo,achiyi pempherera,achii bedula iyo. Iye adayipereka kwa anyakupfunzira wache akanati kuwapasa, pambuyo pache adalipasa thimulo. 7 Tsono akhana pomwe tunsomba tung'onong'ono, tsono atamaliza kupemphera, iye adalamula anpfunza kuti awapase. 8 Iwo adadya achikhuta, adalokotesa bzakusala bzisero bzinomwe bzakudzaza. 9 Pakhana wanthu pafupifupi bzulu bzinai. Kinangoka adawauza kuti ayende. 10 Pomwepo iye adakapita mwadiya na anyakupfunira wache, tsono iwo adyenda ku mzinda wa Dalmanuta. 11 Tsono Afarisi adachoka nkhuyamba kubvana na iye. Iwo adafuna iye awaonese chidziwiso cha kudzaulu, kukhali mmuyezera utowa. 12 Iye adabulusa moyo na mzimu wache achilewa, ''Thangwe m'badwo uwu ukufuna chidziwiso? Mchadidi ndikulewa kuna imwe, kulibe chidza perekiwa na m'badwo uno.'' 13 Tsono iye adawasiya iwo, achipita pomwe m'mwadiya, achiyenda ng'ambu inango. 14 Tsono anyakupfunza akhada yebwa kutenga mikate , Iwo akhalibe kutakula mizinjikoma koma m'bodzi m'mwadiyamo. 15 Iye achiwalangiza iwo, achilewa, '' Nyang'anani ndipo nyang'anisisani bzakudya bza Afarisi na bza bzakudya bza Herodi.'' 16 Anyapfunzira adang'aniza winango na mwanzache pankhani mkate. 17 Pamene iye dadziwa ibzi, iye adawabvunza iwo, ''Thangwe lanyi muku yang'anizana kuti mulibe mkate? mpakana lero munat kuona neye kuddziwa? kani muna mitima yakuuma? 18 Maso munayo, soma imwe mukuona lini? Makutu munayo soma imwe mukubva lini? 19 Imwe mukukumbukani? Pamene ndidabedula mikate michanu pampikiti wa wanthu bzulu bzichanu ,nimadengu mangasi yadasala yakudzaza yamikate yomwe muda lokota?'' Iwo adatawira, ''Khumi na miwiri.'' 20 ''Pamene ndidabedula mikate minomwe pampikiti pa wanthu bzulu bzinai, nimadengu mangasi yadasala ya mikate kakudzaza?''Iwo adamutawira, ''Minomwe.'' 21 Iye adalewa, ''Imwepo mukudziwa lini?'' 22 Iwo adayenda ku Betisaida.Wanthu adabwera naye munthu zimola kuna iye achikumbira Yesu kuti am'phate iye. 23 Yesu adam'phata boko munthu zimolayo achi choka naye kunja kwa muyi. Pamene adapsipirara mata m'maso mwaso mwache achi sanjika manja pa iye , iyeadabvunza iye, ''Ukuona chinthu chili chense?'' 24 Iye adajiguma, achilewa ,''Ndikuona wanthu ngati miti iku fambafamba.'' 25 Kinangoko adaika manja pa im'maso mwache ,tsono maso yache yada funguka, iye maso yache yadabwerera, iye achiona bzinthu bzense bzakuchena. 26 Yesu adamuuza iye ayende kumuyi kwache a chimuuza, ''Nampodi kuyenda pomwe m'muyi.'' 27 Yesu adabula na anyakupfunzira achiyenda ku miyi ya Kaisala wa Filipi. Ali m'njira iye adawabvunza anyakupfunzira, ''Wanthu akambandiona ambati ndine mbani?'' 28 Iwo adamutawira iye achilewa, ''Yohani M'batizi. Winango ambalewa, Eliya; na winango, 'M'bodzi wa aneneri,'' 29 Iye adawabvunza, ''Apa imwepo mumbati ndine yani?'' Petulo adamutawira iye, ''Ndimwe khilisitu.''30 Yesu adawacheuza nampodi kuti alewe kwa munthu aliyense. 31 Iye adayamba kuwapfunzisa kuti Mwana wa Munthu adzabva kuwawa bzinthu bzizinji, adza lambiwa na akulu na akulu wa nsembe na anyakunemba, achidzaphewa, pakumala kwa nsiku zitatu adzamuka. 32 Iye adasewera mafalaya padecha.Tsono Petulo adamutenga pambali achiyambna kumgaza iye. 33 Tsono Yesu adacheuka achinyang'ana anyakupfunzira wache adamugaza Petulo achilewa, ''Choka ndoko kumbuyo kwangu, Satana! '''Iwepo ukuyang'ana lini bzinthu bzinthu bza Mulungu, koma bza wanthu.'' 34 Tsono iye adacchemera thimu pabodzi na anyakupfunzira wache, iye adalewa na iwo, ''Penu munthu akufuna kundtewera ine, iye ayambe kubzilambiza yekha, anyamule mtanda wache, achindi tewera ine. 35 Tsono wense afuna kusunga moyo iwo adzauluza, na iye aniluza moyo na chifunilo cha ine na mafala adzaugumana. 36 Munthu adzapindula chiyani kutambila dziko lense lapansi achitaya moyo 37 wache?Munthu ankapereka chiyani chaku chinjana na moyo wache? 38 Tsono wense wakuchita manyazii thangwe la ine na mafala yangu mu m'badwo uno wauputa na wakuphonya, Mwana waMunthu adza nchitirambo manyazi pamene iye adzabwera muulemero wa Babache na agelo wakuchena.''