¹ Tsono Farisi na anyakunemba winango adabwera kuchokera ku Yerusalemu mkugwezekana mwaku mzungulira iye. ² Tsono adawona akupfunzira wache winango akhadya na kusaya kusamba mmanja, mukhali mwakupswipa. ³ (Nakuti Afarisi na yuda wense ambadya lini neye kusamba mmanja, mwa mwambo wamakolo yawo. ⁴ Tsono Afarisi pakucholera kumsika, ambadya lini neye kusamba mmanja, nakuti akaphata nkutamira bzinthu, ninga mikombo, bzikakalango,bzisero, na bzinango bzakunyamulira bza kudya.) ⁵ Tsono Afarisi na anyakunemba amdabvunza Yesu, "Thangweranyi anyakunzira wanu akueweza lini mitemo yamakolo, iwo aili kudya neye kusamba mmanja? ⁶ Tsono adalewa kuna iwo, ''Yesaya adaleweratu bwino bza mtsogolo kwa imwe. Ninga kudambiwa, 'Wanthu awa ambanditenda ine namilomo yawo, soma namitima yawo aliktali na ine. ⁷ Mmwa iwo ambanditumikira ine ,nakupfunzisa malangizo kwa wanthu.' ⁸ Imwe mwaleka malamulo ya mulungu mukoya miyambo ya makolo wanu.'' ⁹ Iye adalewa nawo iwo, ''Mukulamba kukoya ya Mulungu soma mukukoya miyambo ya chikiunja! ¹⁰ Tsono Mose adalewa, 'Lemekeza babako na mamako ;nakuti, 'Iye wakuwa chakuipa babache neye mamache afe basi.' ¹¹ Tsono imwe mukulewa, 'Penu munthu anilewa babache pinango mamache, ''Chilichonse chomwe chimbaku thandizani Corban''' (iyi timbalewa kuti 'Chakupasa cha Mulungu',), ¹² tsono anibvumiziwa lini pomwe kuchita kuchita chili chense kuna babache neye mamache. ¹³ Imwe mukuipisa mafala ya Mulungu na miyambo yomwe mwaphata. Na bzinthu bzinango bzizinji ibzo mwachita,'' ¹⁴ Iye adachemera pomwe thimulire achiliuza kuti, ''Nditetekerani ine, mwensene, ndipo mubvesese. ¹⁵ Palibe chinthu chakuchoka kunja chomwe chingamuipise chikapita mthupi mwache, soma chomwe chimba choka mthupi ndicho chinga muipise.'' ¹⁶ Mubzakunembera bzakale mulibe ndime imweyi. Penu munthu anamakutu, abve. ¹⁷ Tsono pamene Yesu pa thimupo adapita nyumba, ankupfunziraadabvunza mwakumuyesa. ¹⁸ Yesu adalewa, ''Imwepo mukubvesesa lini basi? Mukuona lini kuti chilichense chakupiita mwa munthu kuchokera kunja chingamuipise lini, ¹⁹ thangwe chimbapita lini mumtima, soma chimbapita m'mimba nkhukachoka kuthengo?'' Nakulewa terepoyo Yesu adachenesa bzakudya bvensene. ²⁰ Iye adalewa. ''Chomwe chimba choka mthupi mwa munthu ndicho chimbamuipisa. ²¹ Nakuti mkati mwa mtima munthu, ndimo mumba chokera nzeru zakuipa,chilakolako cha chigololo,umbava na kupha, ²² chigololo, kuphakuba masiliro, bvakuipa,chinyengo, chinyanso, makiliyado, kubzikuza, kupusa. ²³ Bzakuipa bzensebzi bzimbachokera nkati mwache,ndibzo bzimba muipisa munthu.'' ²⁴ Iye adamuka achichoka komweko achiyenda kumzinda Turo naku Sidoni. Kumweko adatita nyumba, kuti wanthu nampodi adziwe komwe iye ali, koma alibe kukwanisa kubisala. ²⁵ Pomwepo mkazi winango akhana mwana wa mkazi ankhagwa bziwanda adabva bza iye adabwera kudza godamapa nzayo zache. ²⁶ Tsono mkaziyo akhali Muherene ntundu wache Msurofonika. Tsono adamukumbira iye kuti afuluse bziwanda mwa mwanayo. ²⁷ Iye adalewa naye, ''Mudikireni mwana ayambe kudya. Poti m'bzabwino lini kutenga mkate wa mwana kupasa mbwaya.'' ²⁸ Tsono iye adatawira achilewa kuna iye, ''Inde, Mbuya, neye mbwaya zimbadya bzakusala pa meza ya kudyera wana.'' ²⁹ Iye adalewa kuna iye, ''Thangwe la bzomwe walewa, podi kuyenda. Chiwanda mwa mwanako chachoka.'' ³⁰ Iye adabwerera kuyenda kumuyi kwache achikagumana mwanayo atagona pa talima, na chiwandacho chita choka. ³¹ Kinangoka adayendapomwe ku mzinda wa Turo, achidzera ku Sido mpakana ku nyanza ya Galileya mpakana kumbuto Dekapoli. ³² Adabwera naye kwa iye munthu winango akhali nkhuthwi na chikukumira, iwo adamukumbira kuti amubzatike manja. ³³ Kinangoka achiyenda naye patali na thimu payekha, iye adapisa bzala mkhutu mwache ,ndipo ampsipira achiphata lilime lache. ³⁴ Kinagoka adajiguma kudzaulu, achipuma mwakuwusa moyo achilewa kuna iye, ''Ephphatha,'' ndiko kulewa kuti, ''Fungula!'' ³⁵ kabodzi nakabodzi makutu yache yada funguka, chaku manga lilime lache chidatsudzuka,pomwepo adayamba kulewalewa bzakubzeka bwino. ³⁶ Yesu adawatsinda kuti nampodi awuze munthu aliyense, kuwatsinda adachita kule ndiye lemwe kufamba achilewa bzobzi. ³⁷ Iwo adabwa kwenekwene, achilewa, ''Wachita bzinthu bzensene bzabwino. Iye akuchitisa akhuthwi kuyamba kubva na abewewe kulewalewa.''