¹ Yesu adanyamuka kuyenda kudziko la Yudeya ndipo adayenda ng'ambu ya nkulo wa Yolodano, tsono chithimu cha wanthu chidamutewera pomwe. Iye akhawapfunzisa pomwe, pakuti iwo akhadazerewera kale. ² Ndipo Afalisi adabwera kwa iye kudzamuyeza na kumubvunza, ''Kodi bzakubvumika kuti mamuna aleke mkazi wache?'' ³ Iye adawatawira, ''Mose adakulamulani chani?'' ⁴ Iwo achiyi, ''Mose adabvuma payi kunemba tsamba lakulekana na kulekana naye.'' ⁵ ''Thangwe kuyipa mitima yanu adakunemberani mtemo ,'' Yesu achiti kwa iwo, ⁶ Koma kuyambira pa kutoma, 'Mulungu adalenga mamuna na mkazi.' ⁷ Na thangwe limweli payi anzalekana na babache na mamache ndipo anzaphatinidzana na mkazi wache. ⁸ Ndipo awiriwa anzakhala thupi libodzi.' ⁹ Thangwe lache chomwe mulungu adamanga, palibe munthu omwe anzachigawanisa.'' ¹⁰ Pomwe iwo akhali mnyumba, anyakupfunza wache adamubvunza pomwe chinthu ichi, ¹¹ Iye adati kwa iwo, ''Aliyense wakulekana na mkazache achikalora mkazi winango wachita upombo. ¹² Ndipo mkazi angalekana na bayache achikalodwa na mamuna winango, iye wachita uputa,'' ¹³ Ndipo adachemeresa wana kwa iye kuti awaphate, koma wakupfunzira wache adawaletsa. ¹⁴ Koma pomwe Yesu adadziwa, iye adakalipa achiwauza, ''Lekani tuwana tubwere kwa ine, thangwe ufumu bwaku dzaulu buli kwa wana ang'ono. ¹⁵ Inde ndikulewa namwe, ngati munthu amtambira lini ufumu bwaku dzaulu ngati kamwana kang'ono anzapita lini,'' ¹⁶ Adatenga tuwana adatudalitsa pakutusanjizira maboko pa ito. ¹⁷ Pomwe adayamba ulendo bwache, mamuna m'bodzi adamuthamangila nakumugodamila ndipo adamubvunza iye, ''apfunsisi wabwino, ndichite chani kuti ndidzatambile moyo wakusaya kumala? ¹⁸ Yesu adalewa,thangwe lanyi ukundichemela ine wabwino? Palibe wabwino kupambula mbuya basi. ¹⁹ Umbadziwa M'temo; Nampodi kupha,nampodi kuchita uputa,nampodi kuba,nampodi kuchita umboni bwakunama,nampodi kunama,lemekeza Babako na mamako.'' ²⁰ Payi achiti, ''Bzensene nimbabzidziwa kuyambila ndili mwana.'' ²¹ Tsono Yesu adamunyang'ana ndipo adamufuna. Iye achiti kwa naye, ''Chinthu chibodzi chikusayika. Ugulise bzako bzense upase anyakusauka, ndipo kudala unzakhala nako kudzaulu. Ndipo bwera undilonde ine,'' ²² Namafala yamweya nkhope yache idatsulima pansi ndipo adachoka wakupasa nsisi, thangwe akhali wakudala kwenekwene. ²³ Yesu adayang'ana ndipo adawuza anyakupfunzira wache, ''Kodi nkwakunesa iwo anyakudala kudzapita ufumu bwa Mulungu!'' ²⁴ Anyakupfunzira adadabwa na mafala yache. Ndipo Yesu adawauza pomwe iwo, ''Wanamwe, Psakunesa kwenekwene kwa iwo omwe adadala kukapita mu ufumu bwa Mulungu! ²⁵ Psapafupi kuti ngamira iwone una bwansingano kuti nyakudala akapite mu ufumu bwa Mulungu.'' ²⁶ Ndipo iwo adadabwa kwenekwene adabvunzana; Tsono mbani omwe anzapulumuka?'' ²⁷ Yesu adawayang'ana achiti, ''Tsono psakukwanisika lini na wanthu koma psakukwanisika na Mulungu,'' ²⁸ Petulo adayamba kusewera naye, ''Onani, tidasiya bzense ndipo tidakulondani imwe.'' ²⁹ Yesu adati, ''Chadidi ndikulewa na imwe, palibe munthu adasiya nyumba, ne m'bale wache ne mlongo wache ne mayi ne baba ne mwana ne munda thangwe la ine koma ni mafala yabwino. ³⁰ Ndipo iwo omwe amtambira lini bzikwi bzitanthatu padziko; manyumba na azibale na alongo na mayi na baba na wana na minda, pabodzi na masautso, ndipo m'dziko ukubwera moyo wakusaya kumala. ³¹ Ndipo iwo wakuyamba anzamalizira, wakumalizira anzayambilira. ³² Iwo pomwe akhali munjira kuyenda ku Yerusalemu, koma Yesu akhayenda patsogolo pawo. Wakupfunzira wache adadabwisika, ndipo wense omwe akhamutewera pambuyo adachita mantha. Ndipo Yesu adatenga wakupfunzira wache khumi na awiri adayamba kuwauza ndicho chiniwachitikira pa nthaweyo. ³³ ''Onani, tikuyenda ku Yerusalemu, ndipo mwana wa payi ankaperekiwa kwa akulu wa nsembe na anyakunemba. Iwo anzalewa kuti iye akufuna aphewe ndipo adamupereka kwa wamitundu winango. ³⁴ Ndipo adamunyoza iye, achimupsipira mata, adamutchanga, ndipo adakamupha koma nsiku yachitatu adamuka. '' ³⁵ Yakobo na Yohani, wana wa Zabedeyo, adafika pa iye achiti, ''Pfunzisi tikufuna mutichitilile chilichense chomwe tinkubvunzani.'' ³⁶ Iye adawauza iwo, ''mukufuna ine ndikuchitileni chani?'' ³⁷ Adat, ''Tibvumeni ife kuti tikhale namwe mu ulemelero wanu, m'bodzi ku boko lanu la madidi ndipo winango ku manzere kwanu.'' ³⁸ Ndipo Yesu adawatawira, ''Mukudziwa lini chanu mukukumbira. Kodi imwepo mungakwanise kumwera mkombo ubodzi na ine kapena kubatiziwa na ubatizo omwe nim'batiziwa ine?'' ³⁹ Ndipo iwo adamutawira iye kuti, ''Inde tinkwanisa.'' Yesu adawauza kuti, ''Mkombo womwe ninzamwera ine munzaumwerambo, na ubatizo bomwe ine ndidabatiziwa nabo imwepombo munzabatiziwambo nabo. ⁴⁰ Koma iwo ndiwo an'khala kuboko langu la madidi na ine an'khala ku la manzere ne wangu wa kupa, koma iwo ndiwo adawakonzera.'' ⁴¹ Ndipo pomwe anyakupfunzira wache khumi adabva bzobzi, adayamba kukalipa kwa Yakobo na Yohani. ⁴² Yesu adawachemera kwa iye achiti, ''Kodi mukudziwa kuti iwo aniyesedwa na mbuya anzachita na iwo, ndipo ukulu wawo ambachita pa iwo. ⁴³ Koma kwa imwepo bzinzatelepoyo lini. Omwe amfuna kukhala nkulu pa gulu panupa akhale kapolo wanu, ⁴⁴ omwe amfuna kukhala wakutoma pa mwensemwe akhale kapolo wa mwense. ⁴⁵ Pakuti mwana wa payi alibe kubwera kudzatumikiriwa, koma kudzatumikira, nakupasa moyo wache ngati chuma kwa azinji.'' ⁴⁶ Adafika ku Yeriko. Pakuchoka ku Yeriko na wakupfunzira wache na chithimu cha wanthu, mwana wa Tomeyo, Batumeyo, zimola wakukumbira, adakhala pa nsewu. ⁴⁷ Pomwe adabva kuti akhali Yesu waku Nazareno, adayamba kukuwa achiti, ''Yesu, mwana wa Davite, ndichitirenimbo nsisi!'' ⁴⁸ Azinji ada mtsimula zimola ule, kumuwuza kuti anyamale. Ndopo adalemwa kukuwa basi, ''Mwana wa Davite, ndimverenimbo nsisi!'' ⁴⁹ Yesu adayima achitonga kuti amuchemere iye. Adamuchemera zimolayo, achiti, ''Limba mtima! Muka! Akukuchemera.'' ⁵⁰ Adathusa uko chakubvala chache, achidzudzundika, achiyenda kwa Yesu. ⁵¹ Yesu adamutawira achiti, ''Umfuna ndikuchitire chani iwepo?'' zimola ule adalewa, ''Rabbi, ndikufuna nditambire kuwona kwangu.'' ⁵² Naterepo Yesu adalewa kwa iye, ''Ndoko. Chikhulupiriro chako chakuchiza.'' Kankulumize adayamba kuwona pomwe, ndipo adamutowera mu njira iye.