Msolo 2
1
Pomwe iye adabwerera ku kaperenao patapita nsiku zing`onong`ono, bzidabveka kuti akhali pamuyi.
2
Azinji adagwezekana pamwepo ndipo pakhalibe mbuto, ndipo Yesu adalalikira mafala kwa iwo.
3
Kinangoka amuna winango adabwera kwa iye atatakula payi wakupunduka; adanyamuliwa na azipayi anayi.
4
Pomwe adatazira kufika naye pafupi na iye thangwe la chithimu, adapasula nsodzi yomwe mukhana Yesu, adabola una kupisa na pompale makha adagonesela payi ule.
5
Pakuona chikhulupiriro chao, Yesu adalewa kwa nyakupunduka ule, ''payi iwe, bzakuphonya bzako bzakhululukiwa.
6
Kenangoka alembi akhabzimvunza m`mitima mwawo,
7
''Payiwa akuseweleranyi mafala yamweya? anamakiriyado! mbani angakhululukire bzakuphonya ni mulungu yekha?''
8
Kakulumize Yesu adadziwa na mphamvu ya nzimu wache bzomwe wanthu wale akhakumbuka. Iye adalewa kwa iwo, ''Thangwe lanyi mukukumbuka bzobzi m`mitima mwanu?
9
Chapafupi nchani, kuwuza payi wakupunduka, 'bzakuphonya bzako bzakhululukiwa; kulewa kuti, 'Muka, nyamula mphasa yako ufambe`?
10
Tsono kuti mudziwe kuti mwana wamunthu ana mphamvu padziko lapansi yakukhululukira bzakuphonya,'' adalewa kwa nyakupundukayo,
11
''Ndikulewa kwa iwe, muka, takula mphasa yako, umbayende kumuyi kwako.''
12
Adamuka kankulumize nkunyamula mphasa, nkubula panja aliyense akuona, ndipo wense adadabwa nkuyamba kuthemba mulungu, achilewa kuti, ''Tikanati kuona kale bzobzi.''
13
Iye adayenda pomwe mphepete mwa nyanza, ndipo thimu lense lidabwera kwa iye, achiwa pfunzisa.
14
Pakuyenda, adawona Levi mwana wa Alufeyo atakhala pakakhumbu ka anyakukhomesa misonkho iye achiti kwa iye, ''Tewera ine. ''Adamuka nkumutewera.
15
Yesu akhadya mnyumba mwa Levi ndipo azinji wakukhomesa misonkho na nyaphonya akhadya naye pabodzi na wakupfunza wache, thangwe popo pakhana azinji ndipo adamutewera.
16
Pomwe alembi wale akhali wa kwa afalisi, adaona Yesu akudya pabodzi na anyakuphonya na wakukhomesa misonkho, adati wa wakupfunza wache, ''Thangwe lanyi akudya pabodzi na anyakuphonya?''
17
pomwe Yesu adamva ibzi adati kwa iwo, ''Wanthu wakulimba ambafunalini nyabezi; okhawo omwe akudwala ndiwo ambafuna. Ndilibe kubwerera wanthu wakulungama, so wakuphonya.''
18
Tsapano wakupfunza wa Yohani na afalisi akhasala kudya. Wanthu winango adabwera achiti kwa iye, ''Thangwe lanyi wakupfunza wa Yohani na wa afalisi ambasala kudya, koma wanu ambasala lini?''
19
Yesu adati kwa iwo, ''bzingakwanisike wanthu wapa chikwati kusala kudya nkwati akali naye popo? Nkwati angakhala alipopo angasele lini kudya.
20
Tsono nsiku zilikubwera nkwati anzatengiwa pakati pawo, ndipo nsiku zimwezo, adzasala kudya tsapano. Palibe munthu ambasonera chigamba chipsa pa chakumvala chakusakala.
21
Thangwe chigambacho chinganyothoke, chipsa kuchoka pa chakale, ndipo pambakhala kung`ambika kwakulemwa.
22
palibe amene angatsanulire bwadwa bwa tsapanopa mmitsuko ya bwadwa bwa kalekale. Achiterepoyo bwadwabo bungapse mitsukoyo.Mmalo mwache bwabwa bupsa bumbayikiwa mmitsuko yipsa.
23
Nsiku yasabudu Yesu akhafamba mminda ya tiligu, tsono wakupfunza wache adayamba kupulula njere zache. Afalisi achiti kwa iye,
24
''Nyang`anani, thangwe lanyi akuchita chinthu chakulambiziwa nsiku ya sabata?''
25
Iye achiti kwa iwo, ''Mukanati kuwerenga bzomwe Davite adachita pomwe akhana njala-iye na wanthu wache omwe akhanawo-
26
Momwe adayendera mnyumba ya Mulung pomwe Abiatala akhali mkulu wa ansembe, achidya mikate yomwe ikhadaperekedwa kuguwa, bzomwe mbzakuletsiwa kwa aliyense kudya kupambula wansembe okha, ndipo iye adapasa pomwe wanthu omwe akhanawo?''
27
Yesu achiti, ''Sabudu adayikira wanthu, neye munthu pala sabudu.
28
Kinangoko, mwana wa munthu ni mbuya, pomwe wa sabudu.''