¹ Pe lelo tuliyanga shoni ukukti u Abrahamu , usekulu witu ukulingana kumuvili , ahashaga? ² Pe inga u Abrahamu azelufile ukujendela ku mbombo , ahondeye ukuva na pakuyitima , lole te pantanzi pa Mulungu. ³ Lelo amasimbo gakuyanga shoni? '' u Abrahamu ahamusuvila u Mulungu, havili vaha muvazya ukuva mugolosu." ⁴ Ishi kwa uno we akuvovomba , amalipo gakwe te gakuvazya ngati shavwila , lole ngati she walonka. ⁵ Nkandi ku we atakuvomba lole akusuvila mwa uno we akuvazelufya avasita Mulungu u lwitiho lwakwe vakuluvazya ukuva lugolosu . ⁶ U Deveti wope ahayanga izya vulote pa muntu we u Mulungu akumuvazya ukuva mugolosu ishisita mbombo. ⁷ Ahati, "valositwe vala ve uvu shila ndajilo vwavo vukutetelwa, havili ve uvutala malandu vwavo vukupishilwe . ⁸ Alositwe umuntu we u Mwene atalivazya uvu tala malandu vwakwe," ⁹ Pe ishi uvulote uvu vukuyangwa ku veka ve vavolwa, pamu na vala ve vahavolwa ? She tukuti , "ulwitiho luhapeliwa kwa aburahamu ukuva mugolosu." ¹⁰ zihapeliwa vuli vuli ku kwakwe ? pe ashili kuvolwa pamu lye avolwa ? te lwe avolwa hali hali , nkandi lye ashili! ¹¹ U Aburahamu ahaposhela ishimanyilo sha vu volwa ukuti shive shilemezyanyo sha vugolosu vwe amile navwo mu lwitiho pe ashili ukuvolwa. pa mulandu wakuti ave wu tata wa vonti ve vakusuvila lole te vavolwa , ukuti uvugolosu vuve kuvavo . ¹² We havili wu tata wa vavolwa ve vatahavolwa vulo nkandi ve havili vakujenda mu matamba ga lwitiho lwe utata witu u Aburaham amile nalwo lye ashili uku volwa ¹³ She ulufingwi kwa Abulahamu na valuho vakwe ukuti valiva pa vupyano uvwa nsi vutahinza kujendela mu lulajilo lole mu vugolosu vwa lwitiho. ¹⁴ She inga vala ve vakwihala kujendela mu lulajilo ukuva ve vakupyana, u lwitiho pe luhapeliwa shavwelele, havili nu lufingwi pe lutavomba nayimo. ¹⁵ She ululajilo lukuleta uvuhalazu , nkandi pe ululajilo nalumo, kutakuvanga ukushizanya. ¹⁶ Ku mulandu uno kujendela ku lwitiho, ukuti ulufingwi lwihale pa vwila nukuva shima ku vonti avaluho va Aburahamu te kuveka ve vali pansi pa lulajilo , nkandi na vope ve vakuvomvya ulwitiho lwa Aburahamu. we wutata witu iswe swenti, ¹⁷ inza she lisimvilwe , "Ine nakuseva iwe ukuva we yise wa nsi inyinji." u Aburahamu ali apazelu ku wula we uwene ahasuvilaga, we ali, wu Mulungu, we akuvapa uvulanzi avafwe nu kwitizya ivintu vye vitaliko ukuti viveko . ¹⁸ Mu lusuvilo uwene ahasuvila ukupingana nu lusuvilo ,ukuti aliva wutata wansi inyinji , ukulingana na she vahamuvuzya , "vunuvo she avaluho vakwe valiva." ¹⁹ Ishisita kuva muyeyevazu mu lwitiho ayisenzite umuvilivakwe ngati wuhafwa [mulandu asyaye hansi ukufiha amaha 100], havili nukufwa kwa mpapo ya Sara. ²⁰ Nkandi mulandu wa lufingwi lwa Mulungu , u Abulahamu ataha zyela nu vusita lusuvilo . mu vuzilo vwakwe pe vaha mugomya mu lwitiho hvili ahaviha uvushindamu Mulungu. ²¹ Uwene zyamuhozile nkani ukuti she u Mulungu ahafinga ahondeye shope akwanilisye . ²² lelo ishi shope vaha "muvazya ukuva mugolosu." ²³ Nkandi amazwi " ge gahayangwa pa wuyo" gata simvilwe pa zyakwe weka. ²⁴ Zyasimvilwe na ku kwitu iswe , havili ziliyangwa kwiswe twe tukusuvila mu mwakwe we ahazyusya u Yesu umwene witu ukufuma ku vafwe. ²⁵ Uno wewuno we ahamufumya mulandu wa mbivi zyitu havili ahazyuha ukuti tuzelupe.