¹ Pala po ulu patalipo inongwa ku bo bali mwa Kilisitu Yesu. ² Pakuti ilamulo lya Muzimu nu bumi mwa Kilisitu Yesu lwakusatula ukufuma mu lulaghilo lwa mbibi nimfwa. ³ Vyo indaghilo zikapotwa pakupanga, chifukwa cha kufoka ukwendela ku mubili, gho uChala akapanga. Akatuma umwana wache umwayana nu kunanga kwa mubili ngati chabupi ku mbibi, sona akasula imbibi ku mubili. ⁴ Akabomba ichi ukuti vyo vikulondiwa mu ndaghilo vibaghile vifisiwe mwa uswe, uswe swe tutakwenda ukuyana ku mubili, loli ukuyana ku Muzimu. ⁵ Bonsi bo bakwikala ukuyana nu mubili bakubika insibo ku vinthu vya ku mubili, loli bonsi bo bakubika ukuyana na ku Muzimu bakubika insibo zyabo ku vya Muzimu. ⁶ Insibo zyo zili ku mubili yomfwa, loli insibo zyo zili ku Muzimu bo bumi nu mutende. ⁷ Insibo zya mubili bulwani panthanzi zya Chala, papo zitakwavwa ku lulaghilo lwa Chala, sona chitangabombwa ngati ulu. ⁸ Bonsi bo bali ku mubili batakumuhobosya u Chala. ⁹ Nanga buli, mute ku mubili loli ku Muzimu, nanthi naloli u Muzimu wa Chala wukwikala mumwinu. Loli nanthi nayumo ate nu Muzimu wa Kilisitu, ate mu mwache. ¹⁰ Pala u Kilisitu ali mu mwinu, po umubili ghufwile nu muchinzi ku mbibi, loli u Muzimu ghuli nu bumi nu muchinzi ku bugholosu. ¹¹ Nanthi u Muzimu wa yuyo yo akamuzusya u Yesu ukufuma ku bufwe akwikala mu mwinu, yuyo akamuzusya u Kilisitu ukufuma ku bufwe akwiza ukubapa ubumi sona ku mibili iyakufwa ukwendela mu Muzimu wache, yo akwikala mu mwinu. ¹² Po apo, ba wa mwitu, swe bangongole, ku mubili hagha loli ukuyana na ku mubili. ¹³ Pakuti ukwikala ukuyana nu mubili muli papipi ukufwa , loli pala mo mwa Muzimu mukubika imbombo zya mubili ku bufwe, muzukuba nu bumi. ¹⁴ Ku bonsi bo bakulongoziwa nu Muzimu wa Chala, bobo bana ba Chala. ¹⁵ Mutakapokele umuzimu wa buzya ukuti mwikale mu bogha; loli mupokelite u Muzimu wakupokeliwa, gho uswe tukulila nagho, ''Abba, Tata!'' ¹⁶ U Muzimu uwenecho weyo we kamboni ni mizimu yitu ukuti swe bana ba Chala. ¹⁷ Nanthi swe bana, po sona swe bampyana, abampyana ba Chala. Sona ba mpyana poka nu Kilisitu, nanthi naloli tukutamiwa nawe inthi twize tube nawe ku buchindamu bwache. ¹⁸ Nkupima ukuti inthamyo zyo tukomana nazyo pa kabalilo aka zitangayana nu buchindamu bo buliko bo bukwiza ukuvumbukwa ku kwitu. ¹⁹ Pakuti ichisu chonsi cho chipeliwe chikulindilila ukulinga abana ba Chala ²⁰ Pakuti ichisu chonsi cho chikapeliwa, chitanging'anamula chene ukuba cha bwaka, loli kukaba kwa yo achipelite, mu bwighane ²¹ ukuti ukupeliwa kwa chicho chene chizukupeghiwa ukufuma ku buzya ukuya ku kubola, sona chikwiza ukubikika mu bwabuke bwa buchindamu bwa bana ba Chala. ²² Pakuti tukumanya ukuti ichisu chonsi icha pansi nulu chikwivwa ukubaba ngati mwanakazi yo ali papipi ukupapa. ²³ Tepo apenyene pene, loli nuswe bwaka, swe tuli ni mphumba zya Muzimu, tukutamphila mukasi, ngati po tukulindilila mubwighane ukunyonywa kwitu, ukusatuka kwa mibili yitu. ²⁴ Po mubusubalile bwitu tupokiwe. Po ulu ubusubalile bo bukuboneka te busubiliwa. Pakuti yo akusubalila pa cho akuchilinga? ²⁵ Loli nanthi pa chinthu cho tutakuchilinga, po tukuchilindilila ichinthu icho mu bololo. ²⁶ Munzila yoka iyonyene, u Muzimu ghope ghukutwavwa mu budedenazu bwitu. Pakuti tutakumanya mo tungiputila, loli u Muzimu ghukutwavwa mu nzila yo tutangayimanya. ²⁷ Kwayo akulonda umoyo akumanya inyinong'ono zya Muzimu, chifukwa weyo akutwavwa mumalo mwa banthu abaswepu aba Chala ukuyana nu bwighane bwa Chala. ²⁸ Po tumenye ukuti bo bamughanite u Chala, bakubomba ivinthu vyonsi poka mu bwiza, pa bonsi bo bakwitiziwa ukuyana ni mbobo zyabo. ²⁹ Chifukwa bonsi bo akubamanya ulu bope akubasenda ukuti baboneka mu chifwani cha mwana wache, ukuti lumo angaba we katote mukasi mu ba wamwabo abinji. ³⁰ Bonsi bo akubasenda, akubitizya sona. Bonsi bo akubitizya, bobo sona biza. Bonsi bo bo biza, bobo baliza bachindame. ³¹ Ka po inthi tunene ichoni pa vinthu ivi? Nanthi u Chala ali nuswe, ka wewenu yo angalwana nuswe? ³² Yo atakupasikizya u mwana wache, loli akamubika pa mwanya mumalo mwa uswe twebonsi, po wepe atazukuba nubwanuke pa vinthu vyonsi vyo akutupa? ³³ Ka wewenu yo angize asusye nukulwana na bonsi abasaliwa ba Chala? U Chala weyo akubayania. ³⁴ Ka wewene yo akususya? We Kilisitu Yesu yo akafwa--ukubala kwa ubonye, weyo akazyuka---yo ali ku nyobe iyamalyelo iya Chala, sona weyo akutulambila uswe. ³⁵ Ka wewene yo akwiza ukutulesania uswe ukufuma ku lughano lwa Kilisitu? Ka vingaba vyakupinga, pamo vyakubaba, pamo kwimiwa, pamo buvwaluke, pamo nzala, pamo bulughu,pamo we panga? ³⁶ Ngati mo visimbiliwe, '' Chifukwa cha bwanduzi bwinu tukukomiwa isiku lyonsi. Tusendiwe ngati yo ng'onzi yo yikuya ukukomiwa.'' ³⁷ Mu vinthu vyonsi ivi tuli ngati wakupota ukwendela mwa yumo yo atughanite uswe. ³⁸ Bo nikutisiwa ukuti kali yomfwa, kali bumi, kali bandumi, kali maboma, kali vinthu vyo vilipo, kali vinthu vyo vikwiza, kali maka, ³⁹ kali butali, kali buye, kali vyonsi ivinthu vyo vipeliwe, vibaghile ukutulesania uswe ukufuma ku lughano lwa Chala, lo luli mwa Kilisitu Yesu u Mwene witu.