¹ Mupokele wensi yo uwa kufoka mu lwitiko lwache, kwambula ukumususya ukudalika kwache. ² Yumo akuba nu lwitiko ulwakulyela vyonsi, uwa kufoka akulya inyanyi ya mani yene. ³ Yo akulya vyonsi atakapepule yo atakulya; sona wepe yo atakulya nachimo atakamulonge yo akulya chonsi. Pakuti we Chala yo amupokelile. ⁴ Wewenu, we ukulonga uwa mbombo uwa yunji? U mwenecho mwene yo akuwa pamo akwimilila kwa bwana wache.Loli angabuziwa ukuti imilile chifukwa umwene yo ali namaka ukuti imilile. ⁵ U munthu akulipala isiku limo ukulusya ilinji. Yumo akughapala ghonsi ukuti ghayanite bwaka. Umunthu wensi ikutisiwe ni nyninong'ono zyache. ⁶ U munthu yo akulinong'onela isiku, akulinong'onela chifukwa cha Mwene; sona yo akulya, akulyela chifykwa cha Mwene, pakuti akubika amapalo kwa Chala. Wepe yo atakulya akuleka pakulya chifukwa cha Mwene; wepe akumusalifya u Chala. ⁷ Pakuti pate nayumo yo akwiyikalila mwene, sona nayumo akwifwila mwene. ⁸ Pakuti nanti swe babumi, swe ba bumi chifukwa cha Mwene, sona nanti tukufwa, tukufwa chifukwa cha Mwene. Po kali tube bumi pamo tufwe, swe bache ba Mwene. ⁹ Pa chifukwa ichi u Kilisitu akafwa akaba nu bumi sona, ukuti abe we Mwene wa bonsi bafwe na ba bumi sona na bonsi bo bali nu bumi. ¹⁰ Loli uwe, ka choni cho ukulonga uwa mwinu? Sona uwe, ka choni cho ukumupepula uwa mwinu? Pakuti twebonsi tukwiza pakwimilila panthanzi pa chitengo cha bulongelo icha Chala. ¹¹ Pakuti visimbiwe, ''Ngati ne mumi,'' akunena u Mwene, '' kukwane ichimpemvu chonsi chikwiza ufugamila, sona ululimi lonsi lukwiza pakwitikizya u Chala.'' ¹² Pakufuma apo, wensi wa uswe akwiza pakwinenela pamwene kwa Chala. ¹³ Polelo, za tutakalonganenge, loli mubuyo bwache twinong'one ichi, nayumo atakabike ichakupunuzya pamo ichakuwisya umunyabo. ¹⁴ Une nkumanya sona menye mwa Mwene u Yesu ukuti pate nachimo ichakusita ukuswepa pa chene. Loli kwa yuyo akuti chakusita kuswepa, weyo chikubanga chambula kuswepa. ¹⁵ Nanti uwa mwinu akalala chifukwa cha chakulya chako po mutakwenda mu lughano. Utakamunangenge ni chakulya chako yo Kilisitu akamufwila. ¹⁶ Po mutakitikizyenge vyo musenda ukuba viza ukuti vibe vibibi. ¹⁷ Pakuti ichnamwene cha Chala te kulya nu kung'wa hagha, loli nu bugholosu, mutende, sona nu kusekelela mu Muzimu Umuswepu. ¹⁸ Pakuti yo akumubombela u Kilisitu mu nzila yinonyene wakwitikiziwa nu Chala sona nukupaliwa na banthu. ¹⁹ Po ulu, zanga tukonke ivinthu vyo vikuzenga weka nu yunji. ²⁰ Mutakanangenge imbombo zya Chala chifukwa cha vyakulya. Ivinthu vyonsi viswepu, loli chikuba chibibi nanti yumo alya cho nanti uyunji alya chikumunanga. ²¹ Chizapo ukuleka ukulya inyama, pamo ukng'wa ubwalwa pamo nukubomba chonsi cho chingapanga uwa mwinu ukuti anange. ²² Usungilile ulwitiko lo uli nalo pakasi pa uwe nu Chala. Musayiwa u munthu yo atakwisusya mwene pacho achitikizizye. ²³ Yo akukayikila akususyika nanti angalya, chifukwa chitakufumila ku lwitiko. Sona chonsi cho chitakufuma ku lwitiko ko kunanga.