¹ Bo umwana wa Nang'onzi ighula ichifundikizyo cha nambala seveni, kumwanya kukaba mya ukwakulingana bo pendapo akabalilo. hafu ya awala. ² Po nkhalinga abandumi seveni bimilile pa nthanzi zya Chala, sona amapati seveni gha kapeghiwa ku kwabo. ³ Uwandumi uyunji akiza, ichililo ichakununkila icha golide, akimilila pa chighemo ichakununkila. ichakununkila chikapeghiwa ku kwache ukuti avipeleke poka ni nyiputo zya banthu abaswepu aba Chala pa chighemo ichakununkila icha golide panthanzi pa chitengo. ⁴ Ilyosi ilya kununkila_ninyiputo izya banthu abaswepu aba Chala_ akimilila panthanzi pa Chala ukufuma ku nyobe iya wandumi. ⁵ Uwandumi akasenda ichililo icha vyakununkila cho chikizula nu moto ukufuma ku chighemo. Po akachisumba pansi pa chisu, sona kukaba ukubuluma, ukubuluma kwa panandi panandi ukubala kwa tumesya, sona ni chindindindi. ⁶ Abandumi seveni bo bakaba na mapati seveni bakasenganya ukuti babalizizye. ⁷ Uwandumi wa bwandilo akaputa ipati lyache, sona pakaba imvula ya mabwe nu moto ghugho ghonganite nu daba. bakatayila pansi pa chisuukuti ichabutatu chikochiwa bwaka, ichachitatu chamakomo chikochiwa, nisote lyonsi ilya gilini likochiwa. ⁸ Uwandumi uwa chibili akaputa ipati lyache, sona chimo chochikaba ngati chipili ichikulu chochikakanga nu moto chikasumbiwa mu nyanja. ubutatu bwa nyanja bukaba daba, ⁹ ichipeliwa ichachitatu ichipeliwa icha mu nyanja chikafwa, sona ubutatu bwa sitima bukakomanika. ¹⁰ Uwandumi wa chitatu akaputa ipati lyache, sona ulutondwa ulukulu lukawa ukufuma kumwanya, ukubala ngati lolukozyo, pabutatu bwa nsoko sona ni mbwibwi zya minzi. ¹¹ Izina lya lutondwa lyo libaba. ubutatu bwa minzi bukiza libaba, sona abanthu abinji bakafwa ukufuma ku minzi gho ghakababa. ¹² Uwandumi uwa folo akaputa ipati lyache, sona nu butatu bwa lizuba likazima, ngati butatu bwa mwezi nu butatu bwa nthondwa. Po ubutatu bwabo bukang'anamuka chisi; ubutatu bwa musanya nu butatu bwa busiku butaka nu bwelu. ¹³ Nkhalinga, sona nkivwa inzwanga yoyikabetanga pamwanya pa mutu yo yikakutanga na mazyu, aghakulu, mukosi, mukosi, mukosi, ku bo bakwikala pa chisu cha pansi, chifukwa cha mapati ghoghakasyalikila ukuti gha puntheghakaba ukuti ghoivwike na bandumi batatu.''