¹ Nkhalingisya nu kulinga ing'onzi yimilile pi pili lya ziyoni. Poka na yuyo bakaba 144,000 bo bakaba ni zina lyache sona ni zina lya Baba wache pa cheni chabo. ² Nkhivwa mazyu ukufuma ku mwanya ghakivwika ngati ku buluma kwa minzi aminji sona nu kubuluma ukukulu. I chongo cho nkhivwa chikaba ngati abalizya mapati bakulizya amapati ghabo. ³ Bakimba ulwimbo ulupya panthanzi pa chitengo sona na panthanzi pa vipeliwa ivyabumi folo na pabasongo. Nayumo yo akamanyila ulwimbo loli bene mu 144,000 babo bo bakaghuliwa ukufuma pa chisu. ⁴ Bano bo bene bo batakinyazyapo na banakazi, pakuti bakisunga bene akiza ku buhule. Bo bano bo bakukonka umwana wa ng'onzi konsi ko akuya. Aba bakapokiwa ukufuma pakasi pa banthu ukuba chikomwa chabwandilo kwa Chala sona na ku ng'onzi. ⁵ Ubu myansi butakaghiwamo mumilomo yabo; chitalipo nachimo ichakubasuysa. ⁶ Nkhalinga uwanthumi akughuluka pakasi pa phepo, yuyo ali na mazyu agha bwile na bwile agha kulumbilila ku bo bakwikala mu chisu_mu visu vyonsi, ku luko, ku neno, na ku banthu. ⁷ Akitizya nizyu ilikulu ''Oghopa u Chala sona mupe ubuchindamu. Pakuti akabalilo ka bulongi kafikite. Mu bungulukile yuyo, yo akapela ku mwanya, ni chisu, ni nyanja, sona ni mbwibi ya minzi.'' ⁸ Uwanthumi uyunji_ u wanthumi uwabubili akakonka, akati, Awa, Awa we Babeloni umukulu, yo akapusika abanthu ba mitundu yonsi pakungwa ubwalwa mu vinyonywa ivibibi.'' ⁹ Uwanthumi uyunji_ uwabutatu uwanthumi_akabakonka akanena nizyu ilikulu, ''Nanthi yumo akubumguluka ku chinyamana ni chifwani chache sona nukupokela ichimanyikwilo pa cheni chache pamo pa nyobe, ¹⁰ azukungwa sona ubwalwa ubwa bukali bwa Chala, ubwalwa bo bakusizye mwa komeji ubusita kusungulusya mu bukalale bwache. U munthu yo angwa akwiza pakufundiwa nu moto wa sulefuli panthanzi pa ba nthumi aba swepu aba Chala sona panthanzi pa na ng'onzi. ¹¹ I lyosi lya lufundo lwabo likubukilila bwaka bwile na bwile, sona bate nukutuzya kwa mu sanya pamo ubusiku_ aba aba bungulukila ichinyamana sona ni chifwani chache, sona nawensi yo apokela ichimanyilo cha lizina lyache. ¹² Ulu lo lwito lwa bo bakujimbilila nu bololo bwa banthu abaswepu aba Chala, bonsi bo bakusunga indaghilo zya Chala nu lusubilo lwabo mwa Yesu.'' ¹³ Nkhivwa izyu likufuma ku mwanya likuti, ''simba ichi: Basayiwa abakufwa bo bakufwila mwa Mwene.'' '' Naloli,'' umuzimu ghukunena, '' pukuti ba kutuzya ku mbombo zyabo, pakuti ivya kubomba vyabo vikuzukubakonka.'' ¹⁴ Nkhalinga, sona kukaba ibingu iliswepu. ikalite mukasi mu bingu ngati mwana wa munthu. Akavwala i mphuphu ya golide ku mutu wache sona ni chigwangwa ichakukola nkhani mu nyobe zyache. ¹⁵ U wanthumi uyunji akiza ukufuma mu tempheli sona akitizya na mazyu aghakulu kwa yuyo akikala pi bingu: Senda ichigwangwa chako anda pa kwinula. Pakuti akabalilo ka kwinulila kafika , nukuti ivi byalwa vya mu chisu vyacha.'' ¹⁶ Po yumo yo akikala pa bingu akasumba ichi gwangwa pa chisu, sona ichisu chikavuniwa. ¹⁷ Uwanthumi uyunji akafuma panzi ukufuma mu tempheli ku mwanya; wepe akaba ni chigwangwa ichakukola. ¹⁸ Uyunji sona uwanthumi akafuma panzi mu chighemo chvya kununkila, yo ali nu bulaghilili pa moto. Akitizya nizyu ilikulu kwa yuyo yo akaba ni chigwangwa ichakukola , ''Senda ichi gwangwa chako sona bunganika ivibunga ivya magelepusi ukufuma muvikomwa vya chisu, pakuti amagelepusi ghabo ghatona,'' ¹⁹ Uwanthumi akasumba ichi gwangwa chache pa chisu nu kubunganika ivikomwa vya magelepu vyo vikavuniwa pa chisu. Akavisumba mu chibwina ichikulu ichakukamilamo amaphesya icha bukali bwa Chala. ²⁰ I chakukamilamo amaphesya bakachikumba kunzi kwa kaya akakulu, sona nu daba akakupuka ukufuma mumo ukuchila ubutali bwa phunda amamitala 1,600.