¹ Po nkhalinga ichinyamana chikufuma mu nyanja. chili ni mphembe teni sona ni mitu seveni. Pa mphembe zyache pakaba imphuphu teni, sona pa mitu yache pakaba amazina gha musamu. ² I chinyamana cho nkhachilinga chikaboneka ngati we nzyela. ivinama vyache vikaba ngati we nzyela, ni milomo yache yikaba ngati milomo ya nkhalamu. I nyivwila yikachipa amaka ghache, ni chitengo chache, sona na mazaza gha bulaghili ubukulu. ³ Umutu ghoka uwa chinyamana ghukaba ni nkhonko, ( chilonda ) loli inkhonko yila yikapola. I chisu chosi chikaswigha nu kuchikonka ichinyamana. ⁴ Bakayiputa injoka, pakuti yikachipa ubulaghilili ichinyamana. Ba kachiputa sona nichinyamana, nukunena ukuti ''Wewenu yuyo ali ngati chinyamana?'' sona ''Wewenu yo angalwa nacho?'' ⁵ I chinyamana chikapeghiwa umulomo uwakuti chinganena amazyu agha kwitunvwa, sona na ghamusamu. chikapeghiwa imbombo ya bulaghilili pa myezi fote thuu. ⁶ Po ichinyamana chikighulanga umulomo wache nukunena ukumusamula u Chala_nu kusamula izina lyache, nu buyo bo akwikala, sona nabonsi bo bakwikala ku mwanya. ⁷ I chinyamana chikitikiziwa pakulwa ubwite na banthu aba swepu aba Chala nu kubapota. sona , amaka gha kapewa ku chicho pa mwanya pa mitundu, abanthu, ineno, sona ni visu. ⁸ Bonsi bo bakwikala mu chisu bazuku chibungulukila , wensi yo izina lwache litasimbiwe, ukufuma pakupeliwa kwa chisu, mu buku lya bumi, lilyo likwimilila u Mwana wa na ng'onzi yuyo yo aka komiwa. ⁹ Nanthi yo ali namakutu, leka ivwe. ¹⁰ Nanthi yo abaghile ukuya ku buzya, ko kubuzya ko azukuya. Nanthi yo abaghile ukukomiwa ni chipeni, nichipeni chilanye azukukomiwa. Kuno kuli ulwito lwa bololo mukwipa sona aba bwanaloli abanthu ba Chala abaswepu. ¹¹ Po Nkhalinga sona ichinyamana ichinji chikwiza pa chisu, chikaba ni mphembe zibili ngati we na ng'onzi, sona chikanena ngati njoka. ¹² Chika langizya amaka ghonsi agha chinyamana cha bwandilo muka bonekele kache, sona chikapanga ichisu na bonsi bobakwikalamo nukuchifungamilila ichinyamana ichabwandilo_cho inkhonko yache yikapola. ¹³ Chikapanga iviswigho ivikulu. Chikapanga umoto ukufuma ku mwanya ukwiza pansi pa nthanzi pa banthu. ¹⁴ Mu vimanyikwilo vyo chikapewa amaka mumalo mwa chinyamana, chikabatamanthizya bonsi bo bakikala pa chisu, nu kubabuzya ukuti bapange ichifwani cha chinyamana_cho chikavulaziwa ni chipeni, loli chi chili chili nu bumi. ¹⁵ Chikitikiziwa ukupa umuyi ku chifwani cha chinyamana ukutu ichifwani chope chinene nukupangisya bonsi bo bakukana ukuchibungulukila ukuti bakomiwenge. ¹⁶ Chikababonvwa pa maka, uwamusita kulondiwa na yo abaghile, umukabi nu mupina, umusatuke mu kapolo, ukuti ba bikiwe ichidindo ku nyobe yabo iya ndyelo pamo pa cheni. ¹⁷ Patakaba pakuti ungaghula olo ukughuzya mupaka ube ni chidindo cha chinyamana, cho inambala yikwimilila izina lyache. ¹⁸ U lwito ulu lwa mahala. Nanthi wensi yo angalinga, leka abelengele inambala ya chinyamana. Pakuti yo namnbala ya munthu. I nambala yache we 666.