¹ I chimanyikwilo ichikulu chikaboneka ku mwanya: u mwanakazi avwete izuba, poka nu mwezi pansi pa vinama vyache sona ni mphuphu ya nthondwa twelovu pa mutu wache. ² A kaba ni nthumbo, po akalila nu bubavu bwa kupapa, pakutamiwa ukupapa umwana. ³ Po ichimanyikwilo ichinyabo chikaboneka ku mwanya: Linga! pakaba injoka iyikulu yo yikaba ni mitu seveni, sona nimphembe teni sona mu mitu mukaba imphembe seveni. ⁴ U musinda wache ghukapyela inthondwa zitatu izya ku mwanya sona akayisumbila pa chisu. I njoka inyivwila yikimilila panthanzi pa mwanakazi yo akaba pa pipi pa kupapa, ukuti nanthi apapa asende umwana. ⁵ A kapapa umwana umwanalume, yo azukulamulila ivisu vyonsi ni nkhomo iya chela. U mwana wache akapokiwa nu Chala ku chitengo chache, ⁶ Po u mwanakazi akasamalila ku nkholongo, ko u Chala akamusenganizya ubuyo bwache, ukuti asungiweko pa masiku 1,260. ⁷ Po kukaba ubwite ku mwanya. U mikayelo na banthumi bakalwa ni njoka, sona injoka na banthumi bache bakalwa. ⁸ Loli injoka yitakaba namaka nkhani ukuti yipote ubwite, Po kutakaba amalo sona kumwanya aghache nabanthumi bache. ⁹ I njoka inkhulu_yo iyakale yikwitiziwa ukuti we Satana, akapusika ichisu chonsi ichapansi_akasumbiwa pa chisu poka nabanthumi bache bakasumbiwa poka nawe. ¹⁰ Po nkhivwa amazyu amakulu ku mwanya: '' Po bwiza ubupoki namaka sona ni chinamwene cha Chala wutu, sona namazaza gha Kilisitu wache. Pakuti asumbiwa pansi we akabasusya aba wamwitu, yo akabasusya pamaso gha Chala witu umusanya, nu busiku. ¹³ Bo injoka yamanya pakuti ya sumbiwa pa chisu, yikamulondalonda umwanakazi yo aka papa umwana umulumendo. ¹⁴ Loli umwanakazi akapeghiwa amapapindo ghabili agha nzwanga ukuti abukile ku malo gho akapeghiwa mu nkholongo. agha ghaka malo gho inthi asungiweko, pakabalilo, mutubalilo sona akabalilo akanandi_ukufuma pamaso pa njoka. ¹⁵ I njoka yikakupula aminzi ukufuma mu mulomo wache ngati lusoko ukuti yipange aminzi aghinji gha mupyele. ¹⁶ Loli ichisu chikamwavwa umwanakazi. ichisu chikighula umulomo nu kumila ulusoko lo injoka yikakupulila ukufuma mu mulomo wache. ¹⁷ Po injoka yikakalipila umwanakazi yikabuka nukusengeniya ubwite nu lunyungu lwache lonsi, bo bakwivwila indaghilo zya Chala sona baku simikizya izya yesu. ¹⁸ Po injoka inyivwila yikimilila pa musesenga wa mumbali mu nyanja.