¹ Itete likapewa kukwane ngati kakomo ka kupimila. Nkhabuziwa, '' Nyamuka upime i tempeli lya Chala sona ni chighemo, na bonsi bo bakwiputa mumo. ² Loli utakapime umusolo gho ghuli panzi pa tempeli, pakuti ghupeghiwe ku bakunzi. Inthi bakanyilile akaya akaswepu pa myiezi fote tu. ³ Inthi mbape abakaboni bane babili amaka gha kulota pa masiku 1,260 ba vwikiwe amasaka.'' ⁴ Abakaboni aba gho makomo ghabili agha mafilu sona ni vyakwikazyapo inyali vibili vyovimilile panthanzi pa Mwene wa chisu. ⁵ Nanthi yumo asala pakubavulazya, umoto ghukufuma mu milomo yabo nukubamala abalwani babo. Wensi yo angalonda pakubavulazya abaghile ukukomiwa munzila ngati iyi. ⁶ Abakaboni aba bali namaka gha kwighalila ku mwanya umwakuti invula yitakawepo mu masiku gha bughonela bwabo. Bali namaka agha kung'anamula aminzi ukuba we daba sona nukuma ichisu ni chiswigho icha mutundu ghonsi po bangighana. ⁷ Nanthi po biza bamalizya insimikizyo zyabo, ichinyamana cho chikufuma pansi pa chibwina chizukwanda ubwite nabo. azukuvipota sona nukuvikoma ⁸ Imibili yabo yizukughona mu mbali mwa kaya akakulu (cho chimanyisyo cha Sodomu sona Igiputi) ko u Mwene akapamanthiliwa. ⁹ Pamasiku ghatatu na hafu bamo ukufuma ku munthu wensi, umutundu, ineno, sona ichisu chizukulinga imibili yabo. batazukwitika ukuti ba babike mwi pumpha. ¹⁰ Ku bobakwikala pa chisu bazukuhoboka sona nu kusekela. Bazukutuma ni vyabupi kwa weka nu yunji chifukwa cha ba ghonela babili bo bakavwalikiwa bo bakaba mu chisu. ¹¹ Pisinda pa masiku ghatatu na kanandi umuyi wa bumi ukufuma kwa Chala ghuzukubinjila, sona bazukwimilila pa matamba ghabo. Ubogha ubukulu buzukubakola bonsi bo bazukubalinga. ¹² Po bazukwivwa amazyu amakulu ukufuma ku mwanya nukunena ku kwabo, ''Zakuno!'' Po bazukubuka ku mwanya mwi bingu po abalughu bakubabona. ¹³ Pa kabalilo kala kuzukuba ichindindi ichikulu, sona ichigabo cha teni chikuzukuwa. Abanthu seveni sauzandi bazukufwa ni chindindi abakupona bazukoghofiwa nukubika ubuchindamu kwa Chala uwa kumwanya. ¹⁴ Umukosi wa bubili ghubukite. Linga! Umukosi wa butatu ghukwiza lunonyene. ¹⁵ Po uwanthumi wa seveni aputa ipati lyache, sona amazyu amakulu ghakivwika kumwanya nukunena, ''Ubumwene bwa chisu bwiza ku bu Mwene bwa Mwene witu u Kilisitu, sona inthi ize alaghile bwile na bwile.'' ¹⁶ Po abasongo twente folo, bobakikala mu vitengo vyabo pa maso gha Chala, bakinama ivyeni vyabo pansi sona bakiputa u Chala. ¹⁷ Bakanena, ''Tukubika amapalo ku kwinu, Mwene Chala wa maka, yo aliko, sona yo akabako chifukwa wasenda amaka ghako aghakulu sona wanda pakulaghila ¹⁸ Amaluko gha kakalala, loli ubukali bwinu bukiza. Akabalilo kafika ukuti abakufwa balongiwe sona ukuti ubalipile abambombo ba baghonela na banthu abaswepu aba Chala, sona na bobakoghopanga izina linu, bonsi abasita kulondiwa na bapamwanya. Akabalilo kafika ukuti ubanange bonsi bo bakunanga ichisu.'' ¹⁹ Po inthempheli lya Chala ku mwanya likighuka sona nibokosi lya ndaghilo likaboneka mukasi mwa tempheli. Pakaba ukwaka kwatumesya, kubuluma, ukukwelana kwa vyongo, na kandindi, sona ni mphepo iyikulu iya mabwe.