¹ Po Nkhalimga uwandumi wamaka akwiza pansi ukufumila kumwanya. Avwalikiwe ni bingu, sona pamwanya pa mutu wache pakaba upingopingo pamaso pakaba ngati lizuba sona ivinama vyache vikaba ngati mphanda zya moto. ² Akivwa akabuku akanandi, ko kakighuka mu nyobe zyache. akabika ichinama icha ndyelo mu nyanja sona ni chinama chache ichamongo pa chisu. ³ Akakolomoka na mazyu aghakulu ngati nkhalamu ya kubuluma. bo akalipa, ivyongo seveni vikanena umwakukwezya amazyu ghabo. ⁴ Bo ivyongo seveni vyanena umwakukwezya, nkhawa wakuti nsimbe, loli nkivwa amazyu ukufuma kumwanya ukuti, '' sunga ichinsinsi cha vyo ivyongo seveni vinenite. utakasimbe pansi.'' ⁵ Uwandumi yo nkhamulinga imilile pa nyanja sona pa chisu imikite inyobe yache ku mwanya. Akalapa kwa yo akwikala bwile na bwile, ⁶ yo akapela kumwanya na vyonsi vyo vili kulanye, ni chisu na vyonsi vyo vilimo, sona ni nyanja na vyo vilimo, sona nu wandumi akanena, ''kutakuzukuba sona ukuchedwa. ⁷ Loli mwisiku lyo nanthi uwanthumi wa seveni ali pa pipi pakulizya ipati lyache, po ivyakuvwama vya Chala vizukufisyika ngati mazyu amiza gho ghakalumbililiwa na ba mbombo abaghonela.'' ⁸ Amazyu gho nkivwa ukufuma ku mwanya ghakanena sona kukwane: ''Buka, senda akabuku ko kali munyobe izya wa ndumi yo imilile mu nyanja na pa chisu.'' ⁹ Po nkhabuka ku wa nthumi nukumubuzya ukuti amphe akabuku akanandi. Akanena ku kwane, ''Senda akabuku sona ukalye. inthi kapange ukuti munthumbo mwako mu babe, loli mu mulomo wako kazukunona ngati buchi,'' ¹⁰ Nkhasenda akabuku akanandi ukufumila mu nyobe zya wa nthumi nukukalya. kakanona ngati buchi mu mulomo wane, loli bo nakalya, mu nthumbo mwane mukanda pakubaba, ¹¹ Po yumo akanena kukwane, '' ubaghile u kunguluke sona ivya banthu abinji, ivisu, ivineno, sona nama bufumu.''