¹ Ubu bobo buvumbuzi bwa yesu kilisitu bo u Chala akamupa ukubabonesya aba mbombo bache pa cho inthi chisenda amalo lunonyene. Akapanga ichi ukuti chimanyikwe pakutuma u wanthumi ku wambombo wache u Yohani. ² U Yohani akasimikizya ubukaboni pizwi lwa Chala sona ukusimikizya izya Yesu kilisitu, nivinthu vyonsi vyo akavilolela. ³ Musayiwa yo akubelenga umwakukwezya ubuchimi ubu nabonsi bo bakwivwa amazyu gha buchimi ubu sona nabo bakwivwila vyo visimbiwemo, chifukwa akabalilo kali pa pipi. ⁴ Yohani, ku vipanga seveni mu Asiya: Za ichisa chibe ku kwinu sona nu bufwase ukufumila kwa yo alipo, sona akabapo, sona yo akwiza, sona ukufuma kumizimu seveni yo yili panthanzi pa chitengo chache, ⁵ sona ukufuma kwa Yesu Kilisitu, yuyo we kamboni umusubaliwa, ukatote ukufuma ku bakufwa, sona umulamulili wa ba Mwene ba chisu. Kwa yumo yo atughanite uswe sona atusatwile uswe ku mbibi zitu nu daba wache _ ⁶ atupangite uswe ukuba chinamwene, baputi ba Chala wache sona nu Tata_ku kwache kube ubuchindamu sona na maka gha bwile na bwile. Ameni. ⁷ Linga, akwiza poka na mabingu; ilinso lyonsi lizukumulolela, poka na bobaka mudobola. Amaluko ghonsi agha mu chisu ghakwiza pakulila chifukwa chache. Naloli, Ameni. ⁸ ''Ne Alpha sona ne Omega,'' akuti u Mwene u Chala, ''yo alipo, sona yo akabapo, sona yo akwiza uwa maka ghonsi.'' ⁹ Une, Yohani_newamwinu sona ne yumo nenkugabana numwe muvyakutamiwa sona ni chinamwene nubufwase nukufwililila ko kuli mwa Yesu_kukaba pachisu chapakasi paminzi izina lyache Patmos chifukwa cha mazwi gha Chala sona nukusimikizya izya Yesu. ¹⁰ Nkhaba mu Buzimu pisiku lya Mwene. Nkhivwa ichongo kwisinda kwane ngati Lipati. ¹¹ Kukaneniwa, ''Simba vyo ukuvilolela mwi buku, sona utumizye ku vipanga seveni ku Ephesus, ku Smyrna, ku Pergamum, ku Thyatira, ku Sardis, ku Philadelphia, sona ku Laodicea.'' ¹² Nkhang'anamuka nu kulinga lizyu lyawenu lyo likunena ku kwane, po nkhati nang'anamuka nkhalinga ivyakubikapo abakoloboyi ba golide seveni. ¹³ Pakasi pavyakubikapo abakoloboyi pakabapo weka ngati mwana wa munthu, avwete ichakuvwala ichitali chochikafika muntende munsalala zyache sona akavwala icha golide ukuzyungulila ichifuba chache. ¹⁴ U mutu wache sona ni sisi likaba liswepu ngati we pamba_liswepu ngati wekabefu- sona na maso ghache ghakaba ngati chela cha moto. ¹⁵ Ivinama vyache vikaba ngati lisakalilo lya kufita, ngati po lyafulukila mu nganjo: sona na mazyu ghache ghakaba ngati kobela kwa minzi aminji gho ghakusamala. ¹⁶ Akaba ni nthondwa seveni kunyobe yache iya dyelo, sona nu phanga uwakukola yo ali nutwa songola tubili akafuma mumulomo wache. icheni chache chikabalanga ngati lizuba namaka ghache. ¹⁷ Bo namulinga u mwene, Nkhawa mu vinama vyache ngati munthu wakufwa. Akabika inyobe yache iya ndyelo pa une nukunena, '' U takoghope. Newabwandilo sona wabumalilo ¹⁸ sona ne webumi. Une nkhafwa, loli linga, Ne wabumi bwile! sona indi nivyakwighulila vya bufwe sona nu Hadesi. ¹⁹ Polelo simba vyo wa vilinga, vyoviliko, sona navyo inthi vize visende amalo pisinda pa ivi. ²⁰ Ukuba niching'anamulo ichakufisiwa ichakwanfyana ninthondwa seveni zyo mukazilinga kunyobe yane iya ndyelo, sona nivyakwikazizya abakoloboyi seveni ivya golide: I nthondwa seveni bo banthumi seveni aba machalichi, sona ivyakubikapo aba koloboyi seveni gho ma chalichi seveni.''