¹ Ù yesu akanda pakubamanyisya mu vili, akati, '' Umunthu akalima umuwunda, akazenga ulupaso uzyungulila umuwunda wonsi, sona akakumba ichibwina ichafululimo ivikomwa. Akazenga akatembe ko akabazimya abalimi bavikomwa, po umwene akafumapo. ² Akabalilo bo kakwana akatuma uwambombo kubobakabyala ivikomwa, ukuti aye asende ivikomwa vimo mumuwunda. ³ Loli bakamusenda nukwanda ukumuma, nukumubwezya kwambula ukumupa nachimochimo. ⁴ Akatuma sona uwambombo, bakamuvuluzya mumutu nukumunyazya hee. ⁵ Akatuma uyunji, uyu yo bakamukoma. Abanji bakabanyazya munzila yilanyene, pakubuma nukubakoma abanji. ⁶ Akaba sona nu munthu uwakumutuma yo akaba mwana wache umughaniwa. Akaba wabumalilo pakumutuma. Akanena akati, inthi baye bamuchindike umwana wane. '' ⁷ Po loli abalimi bakanenezania bene na bene ukuti, za tumukome umwana wa mphyana, vyonsi vibe vitu. ⁸ Bakamukoma nu kumutaya kunzi kwa muwunda. '' ⁹ Ka umwene muwunda akiza apanga ichoni?'' Aliyiza nukomania kubo bakalima nukubapa abanji. ¹⁰ Ka mutabelengite izwi lino? '' Ibwe lyo abazengaji bakalikana balipangite lya pakona. ¹¹ Ichi chikufuma kwa chala sona chiswigho ku maso ghitu. ¹² Bo vyapangiwa vino usongo waba yuda akati baye bamukole u Yesu. Chifukwa bakamanya ukuti akanena ichili chakubasusya babo. Bakaba nu bogha bwibumba bakamuleka banda ukubuka. ¹³ Bakiza batuma kukwache abafalisi, naba kwa Herodias pakuti baye bamukole namazyu. ¹⁴ Bobafika bakati, '' Manyisi tumenye wewabwanaloli sona utakowopa nayumo, sona mukupanga ngati mo u Tata uchala akamanyisizya. '' Ka imisonkho yikulonda ukusonkhanga pamo tutakasonkhenge?'' ¹⁵ Loli u Yesu akamanya ivyakupanga vyabo akati, choni cho mukunjezyanjezya? senda bwaka indalama yilolele. ¹⁶ Bakasenda yoka bamupa u Yesu, akati, '' ichithuzi chawenu chino?'' Bakati cha Kesali. ¹⁷ U Yesu akati, '' ivya kwa Kesali viye kwa Kesali sona ivya kwa chala vibe vya chala, bakivwa bo anena. ¹⁸ Po aba Saduki bobakunena ukuti ukuzyuka sona nakumo, bakiza kukwache, bakamubuzikizya bakati, '' ¹⁹ Manyisi, u Mozesi akatubuzya uswe ukuti, nanthi uwamwinu afwa, aleka umwanakazi yo ate numwana, umuzuna wache akwenela ukusenda ukuti apapemo umwana nawe. ²⁰ Pakaba abanthu ba mutundu woka seveni. Uwabwandilo akasenda umwanakazi afwa, nokupapa nawe umwana. ²¹ Po uwabubili akasenda wepe afwa kwambula mwana, uwabutatu akasenda wepe akapanga ngati mo abanyabo bapangila. ²² Uwa nambala seveni wepe akafwa no mwana nayumo. '' ²³ Ka pakuzyuka umwanakazi aliba wawenu?'', po bonsi seveni bali balume bache. ²⁴ U Yesu akanena nabo akati, '' Ka chochifukwa mukusobela,'' mutamenye amazyu gha chala? ²⁵ Pakuti nanthi bazyuka ku bufwe, batakusendana napo kupewa insendwa, loli bali ngati bangelo bakumwanya. ²⁶ Ukulingana na bo bakafwa inga bazyuka, mutabelengite ukalata wa Mozesi, panongwa iya chivwati, mumo uchala akanenela kukwache nukuti, ne chala wa Abulahamu, chala wa yisaki, sona chala wa Yakobu? ²⁷ Tewe chala wa bafwe, loli uwabumi. Mupuvanikite. ²⁸ Yumo balembi akiza nukwivwa vyo bakanenezanianga; Akalinga ukuti u Yesu akabamula akiza. Akamulalusya, '' Ka lukomelezyo buli lolwakubaghila hee pa zyosi? ²⁹ U Yesu akamwamula akati, Ichakubaghila nkhani chakuti, '' teghelezya, izilayeli, uchala witu ali weka. ³⁰ umughane uchala wko nu moyo wako wosi, nubumi bwako bosi, namahala ghako, sona namaka ghako. ³¹ ulukomelezyo lwabubili lwakuti umughane umunyako ngati namo wighanile. patali sona inkhomelezyo inkhuku ukupululila pa izi. ³³ Umulembi akati, '' we manyisi! wanena ubwanaloli ukuti uchala ali weka sona ataliko nayumo uyunji. ³² Ukumughana nu moyo wako wonsi, sona namahala ghako sona na maka ghako, sona nukumughana umupalamani wako ngati mo wighanile chipotite ni sembe izyakwikemesya. ³⁴ Bo u Yesu amanya ukuti apeleka ilyamulo ilyamahala, akati kukwache, '' Ute pabutali nichinamwene chachala.'' pakufuma apo nayumo yo akamulalusya sona uyesu amalalusyo. ³⁵ Bo U Yesu akumanyisya mu Tempeli akanena akati, '' vilibulibuli po abasimbi bakunena ukuti, u Yesu mwana wa Davide? ³⁶ Umwenecho u Davide, mumuzimu umuswepu akati, '' umwene wane akati kwa chala wane, '' wikale kunyobe iya ndyero, mpaka abalwani bako mbabike mumatamba ghako. ³⁷ U Davide umwenecho akumwitizya ukuti, '' chala'' Ka bulibuli po u Yesu abe mwana wa Davide?'' Ichilundilo ichikulu chikivwisya kukwache. ³⁸ Muchimanyisyo chache u Yesu akati, '' muchebe nabasimbi bo baghanite ukuvwala ivimalaya ivitali nukupokela imichizi mumisika, ³⁹ sona baghanite ukwikala mumipando iyiza mu ma sunagogi nubuyo ubwiza muma lusekero. ⁴⁰ Batakubelengela inyumba zya ba fwilwe sona baghanite ukwiputa iviputo ivitali ukuti abanthu babalinge. Abanthu aba balipokela ulufundo ulukulu.'' ⁴¹ Po u Yesu akiza ikala papipi nichakusopela mu Tempeli; Akalinganga abanthu mo bakusopela. Abakabi abinji bakasopanga indalama inkhulunkhulu. ⁴² Po umupotwe yumo akiza asopa utundalama tubili, utwakukwana wanu peni. ⁴³ Akabitizya abamanyili bache nukubabuzya ukuti, '' naloli nkhubabuzya, ukuti umupotwe umufwilwe uyu weyo apa nkhani ukupota bosi. ⁴⁴ pakuti bosi bobapanga ukulingana nubwinji bwavyo bali navyo. Loli umufwilwe uyu mubupotwe bwache, apa indalama yosi yo ali nayo iyakumusunga mu bumi bwache.''