¹ U Yesu akaleka amalo ghala nukuya ku chigaba cha Yudeya, na malo ghakupululila ulusoko lwa Yolodani, abanthu bakiza sona kukwache. Akabamanyisyanga sona ngati akabombelanga. ² Po aba falisi bakiza kukwache ukuti bamuyezye, nukumulalusya, '' Ka lulaghilo ukuti umwanalume amusoke umwanakazi wache?'' ³ Akamula, '' Ka u Mozesi akabalamula ichoni?'' ⁴ Bakamula, '' u Mozesi akitikizya umwanalume ukuti amusimbile u mwanakazi ukalata wakusoka nukumubinga.'' ⁵ '' Ichi chikaba chifukwa chakuwoma kwa myoyo yinu ukuti asimbe nululaghilo ulu, '' u Yesu akanena kukwabo. '' ⁶ Loli ukufuma pabwandilo bwakupela,'' uchala akapela umwanalume numwanakazi. ⁷ '' Pachifukwa ichi umwanalume inthi akalekenge utata wache nu mama wache nukuya pakwikala numwanakazi wache, ⁸ bonsi babili bakuzukuba umubili woka.'' po te sona babili loli weka. ⁹ cho uchala achibika poka manyi pabe yumo uwakuchilesania. ¹⁰ Po bonsi bakaba munyumba abamanyili bakamulalusya sona ivya nkhani iyi. ¹¹ Akanena kukwabo, '' wensi yo amusoka umukazi wache, nukusenda umwanakazi uyunji bo akupanga bwaka ubwamalaya. ¹² Numwanakazi nanthi amusoka umulume wache nukusendwa numwanalume uyunji wepe akupanga bwaka ubwamalaya. ¹³ Bakiza nabana kukwache ukuti angabakola, loli abamanyili bache bakabachemela. ¹⁴ Bo u Yesu azyaghania, chitakamuhobosya po akanena akati, '' bitikizye abana abanandi bize kukwane, mutakabakanizye pakuti ubufumu bwa chala buli mu bo bakayana nabo. ¹⁵ Nkhubasimikizya wensi yo atakupokela ubufumu bwa chala ngati bana abanandi nubwanaloli te akingile. ¹⁶ Po akabanyamula abana munyobe zyache nukubasaya pakubika inyobe pamitu yabo. ¹⁷ Bo anda ubulendo, umwanalume yumo akamusamalila nukumufugamilila panthazi pache nukulalusya, '' manyisi umwiza, ningapanga ichoni ukuti nkhabwaghe ubumi bwa bwila na bwila?'' ¹⁸ u Yesu akati choni cho ukunizya une umwiza? patalipo umwiza nayumo loli uchala mwene. ¹⁹ Uzimenye indaghilo: utakakome, ukabe we malaya, utakibe utakasikizye ivyabumiasi, utakasende ichinthu chimo kumunyako mnzila iyibibi, uchindike utata wako nu mama wako.'' ²⁰ Umwanalume akati, '' ivinthu vyonsi ivi nvichindikite pakufuma pakabalilo ka bulumendo bwane.'' ²¹ U Yesu akamulingisya nukumughana. Akati kukwache, '' ichinthu choka cho chikuba. Uye uwulizye vyonsi vyo uli navyo nukubagabila abapina, po ukuzukuba ni chuma chakumwanya, po unkhonkhe. ²² Chifukwa cha mfundo iyi akaba wakukalala nkhani po akubuka mwakukwinyilila chifukwa nama budindo aghinji gho akaba nagho. ²³ U Yesu akalinga pamalo po bakaba nukunena kubamanyili bache, '' Bupala buli bobulipo ku banthu abakabi ukuti bingile mubufumu bwa chala!'' ²⁴ Abamanyili bakachinthukila na mazyu ghache. Loli u Yesu akanena sona kukwabo, '' bana pali bupala buli pakwingila mu bufumu bwa chala! ²⁵ chipepe ku mphunda ukuti yinjile pakabwina ka sindano ukulusya ukulusya umunthu umukabi pakwingila mubufumu bwa chala. ²⁶ Bakachinthukila nkhani nukunenezania pa weka nu munyanche , ngapo wewenu yo angapokiwa?'' ²⁷ U Yesu akabalingisya nukunena ukuti, '' kubanthu chipala loli kwa chala awe. Ivinthu vyonsi vipepe nu chala.'' ²⁸ U Petulo akanda pakunena kukwache, '' Linga tulekite vyonsi nukukonkha uwe.'' ²⁹ U Yesu akanena, '' nubwanaloli nkhunena kukwinu, patalipo umunthu alekite inyumba yache, umukulu wache pamo umuyemba wache, pamo u baba wache, pamo u mama wache, abana pamo amalo chifukwa chane na mazyu. ³⁰ Yo te akapokele ivinthu ''handiledi'' nukupululila mu chisu; inyumba, abakulu, abayemba, abamama, aba baba, abana na malo kunyaziwa nichisu cho chikwiza, nubumi bwa bwile na bwile. ³¹ Loli abinji bobakaba babwandilo bakwiza ukuba babumalilo, nababumalilo babwandilo. ³² Bakaba pa musebo ukuya ku yerusalemu, u Yesu akatangila panthanzi. abafundiwa bakaswigha, nabonsi bobakabakonkha mwisinda bakaba nu bogha. U Yesu akabasenda sona abamanyili twelovu pambali nukwanda ukubabuzya vyo inthi vimuchitikile. '' ³³ Lolela, tukuya ku yerusalemu, umwana wa munthu akuya pakupelekiwa ku basongo baba puti na balembi. Bakuya pakumususya ku bufwe nukumupereka ku bakunzi. ³⁴ Bakuzukumobezya, ukumusyempha nukumukoma. Loli akwiza ukuzyuka pala penda amasiku ghatatu.'' ³⁵ U Yakobe nu Yohani abana ba zebediya, bakiza kwa Yesu nukuti, '' manyisi, tukulonda utubombele vyo tungakulalusya.'' ³⁶ Akati kukwabo, '' ka mukulonda ichoni ichakuti mbabombele.'' ³⁷ Bakati, '' utwitikizye ukuti twikale nuwe mubumwene bwako, yumo kunyobe iyandyero uyunji ku nyobe iyamongo.'' ³⁸ U Yesu akabamula, '' mutakuchimanya cho mukulalusya. mungakwanisya ukung'wela ukomeji yo ningang'wela pamo ukupokela ulozyo lo nkhuzukoziwa?'' ³⁹ Bakamwamula, '' Tungakwanisya.'' u Yesu akati kubabo, ukomeji yo inthi nkhang'wele inthi mukang'wele ni vya lozyo lo nkhoziwa inthi mukoziwe. ⁴⁰ Loli yo inthi akikale kunyobe yakundyelo kwane pamo kunyobe yaku mongo kwane tenene ne nkhuzukusala, loli bo abo bo u baba asenganizye.'' ⁴¹ Bo abamanyili abanyabo teni bivwa ivi bakanda ukubakalalila nkhani u Yakobe nu Yohani. ⁴² U Yesu akabitizya bene nukuti, '' mumenye ukuti bobakasaliwa balongozi babanthu aba kunzi bakubabonvya, sona abasongosongo bakubapa amaka. ⁴³ Loli temomo inthi vikabele kukwinu. Wensi yo akwipa ukuba we songo pakasi papinu abe mubombi winu, ⁴⁴ yo akulonda ukuba wabwandilo pakasi papinu, abe mutumwa pa mwebonsi. ⁴⁵ Pakuti umwana wa munthu atakiza ukuti achindikiwe, loli ukuti umwene achindike abanthu sona nukubika abanthu abinji ukuti batakamulambile.'' ⁴⁶ Bakiza ku Yeliko. Bobafuma mu Yeliko nabamanyili bache nabanthu abinji, umwana wa Timaeus, yo we Balatumeyo, yo akaba mufwa maso, yo akalengalenga akikala mumbali mu musebo. ⁴⁷ bo ivwa pakuti we Yesu waku Nazareti, akakuta nukuti, '' Yesu, mwana wa Davide, umphelele ichisa!'' ⁴⁸ Abinji bakamususya umufwa maso yula, nukumubuzya ukuti teba bwaka. akalila inkholo inkhulu, '' mwana wa Davide umphelele ichisa!'' ⁴⁹ U Yesu akimilila nukubalamula ukuti bakamwitizya u mufwa maso yula, nukuti '' Ujimbe! nyamuka! u Yesu akukwitizya uwe.'' ⁵⁰ Akataya pansi amalaya ghache, nukunyelela mu mwanya nukuya kwa Yesu. ⁵¹ U Yesu akalalusya akati, '' ka ukulonda ukuti nkhubombele ichoni?'' umufwa maso akati, '' manyisi nkhulonda ndinge sona.'' ⁵² U Yesu akanena kukwache akati, '' Buka, ulwitiko lwako lwakupozya. aponyene akanda pakulinga nukumukonkha u yesu pa musebo.