LUKA 14
1
Zikabombiwa pisiku lya sabata weka, akabuka kunyumba ya mulongozi yumo umufalisayi ko bakaya pakulya ivibama, sona bakamubendelanga vyo akubomba.
2
Polelo, panthazi pache pakaba umunthu yumo yo akayimbanga nimphepo imbibi izya Edema.
3
U Yesu akamubuzikizya yumo yo akamanyanga indaghilo zya bayuda nabafalisayi, "ka lolulaghilo pakupozya umunthu pisiku lya sabata, pamo hagha"?
4
5
6
Loli bakaba bwaka myaa, Po U Yeso akamukola, sona akamupozya nukumubuzya ukuti bukanga.Akababuzya akati,"wewenu papinu yuyo nanti umwana pamo in'gombe ya wila muchibwina pa sabata mutanga mutumyamo nalubilo?'' Loli bakapotwa pakumwagha kansala kuvyo akabalalusya.
7
8
9
Bo U Yeso azimanya ukuti abanthu babo bakabitizya mobakasalila ivitengo vya muchinzi, Akababuzya ichili ichakuti."pala bakwitizya kubukwati numunthu yumo,utakaye wikale pachitengo chaba chindamu,papo angiza yumo yowe muchindamu ukulusya uwe.Nanthi umunthu yo abitizya mwensi mwafika ,inti ababuzye, 'mupe ichitengo umunthu uyu,'po umwansoni inti ukaye pabuyo ubwabumalilo
10
11
Loli pala bakwitizizye, Uye wikale panzi ba buyo ubwabumalilo,Po nanti yuyo abitizizye iza. Yo ize ati, 'bamanyani,nyamuka wikale apo.' po inthi bakuchindike pamaso gha banthu bonsi bo mwikalite nabo patebulo.Wensi yuyo akwikwezya inti baka mwisye sona yo akwiyisya inti bakamukwezye
12
U Yesu akamubuzya umunthu yo akamwitizya, ''nanthi ukwitizya abanthu ukuti ubape ivyakulya utakitizyenge umwangali, uwamwinu,umupalamani,pakuti nuwe ukulonda ukuti unyosye, sona inti bakakulipile.
13
14
Loli nanti kuli ulusekelo, ubitizye aba pina, abalemazu abafwamaso, po inti ukasayiwe, chifukwa batanga kulipa nachimo. pakuti inti ukalipiliwe ukuzyuka kwache.''
15
16
17
Bo yumo yo akikala pitebulo poka nu Yesu ivwa zizyo akanenanga, akanena ''Basayiwa babo inti bakalye ichibama kuchinamwene cha chala:'' Loli uyesu akati kukwache,'''umunthu yumo akapiya ivyakulya ivinji sona akitizya abanthu abinji.Bo akabalilon kakulyela kafika akatuma abambombo bache kubo akabitizya, zanga, chifukwa vyonsi vyayana.''
18
19
20
''bonsi bakaba ngati bapanganite.Uwabwandilo akati ,'naghula ichalo, po inthanga nyoka ukuti inje indinge, napela muhobokele temfike.'' ''umunyabo akati,' naghula ing'ombe zyakulimila Ten[10] po naya pakulinga mozikulimila, napela temfikeko. ''umunyabo akati,'nasenya umwanakazi umonyene, potenizeko.
21
22
''Uwambombo akiza nukumubuzya vyoni mo endela. Po umwene nyumba akakalala po akamubuzya akati,' bukanga lubilo mubisebo namumbali mutwaya wize nabanthu aba pina ,abachikwefu aba fwamaso naba lemazu bonsi.' ''uwa mbombo akati,' mwene ko wantumite naya nabomba inti pope pakusobela inyumba yitizwile,'
23
24
''mwene akamubuzya uwambombo wache akati,' bukanga mumisebo iyikulu na muzya mphasa uye witizye wensi yo wamwagha izekuno mupaka inyumba yizule.Pakuti inkubabuzya uwe, nayumo pabanthu bo bakabitizya inti akaghonje ichakulya chane.'''
25
26
27
Po abanthu abinji bakabukanga nawe, akang'anamuka akababuzya akati, ''Nanti wensi yuyo akwiza kukwane sona ata kubengana nu tata wache, numayi wache, numukazi wache, nabana bache, nabawamwabo, naba yemba bache, nu bumi bwache, atangaba mumanyili wane.Nanti yuyo atakunyamula impinjika yache loli akwiza kukwane atangaba mumanyili wane.
28
29
30
Ka papinu nanti yuyo akulonda ukuzenga intuli atakwikala pansi ukuti abelengele vyovikulondiwa ukuti imbombo yonsi yimale? nanti utachebite ,ungazenga lolufula lwene upotwe pakumalizya ubuzengi, bonsi babo balinganga loli bada pakukusekela.Bakanena,'' umunthu uyu akanda pakuzenga loli akapotwa pakumala.
31
32
33
Pamo mwenebulo yuyo nanti akuya pakulwa mkhondo numunyabo bakwikala pansi nukumulalusya pala naba bwite ten sausandi (10,000) ukulwa numwene yo ali twente sausand (20,000)? Pamo nanti ababwite balikubutali akutuma umunthuukuti aye alalusye izya mutende. Polelo nanti yumo mumwinu yuyo nanti atakuvileka vivyo alinavyo atangaba mumanyili wane.
34
35
Imbeya yonyiza, loli nanti yasupa, chochinganyosezya ukuti yibenyia sona chochoni?Yitakuba nimbombo nayimo kwilyengo na kuchilundilo chansakwi. yikutayiwa kubutali.Yuyo alinamakutu ghakwivwila leke ivwe.''