¹ Pakabalilo kalanyene, pakabapo abanthu bamo, bobakamubuzya nizyaba Galileya bo u Pilato akabakoma bobakubika ivyakuyipa kwa chala. ² U Yesu akamula nukunena kukwabo akati, '' Ka mukwinong'ona ukuti abanthu ba mu Galileya, bobakakomiwa bunonyene bakaba babibi nkhani ukuchila abanthu aba mu Galileya abanji pakuti bakayimba mnzila iyi? ³ Awe, nkhubabuzya. Loli nanthi mutakupinduka, mwebonsi umwe muzukupyutiwa mnzila yinonyene. ⁴ Ka nizya banthu 18 balaku Sloam babo inyumba iyakuyelenkhana yikabawila nukubakoma, ka mukwinong'ona ukuti bakaba batulanongwa ababibi nkhani ukupota abanalume abanji mu Yelusalemu? ⁵ Awe, Nkhubabuzya. Loli nanthi mutakung'anamuka, numwe mwebosi mukuya pakupyutiwa. ⁶ U Yesu akababuzya ichili chino, '' Kukabako yumo umunthu yuyo akaba ninikomo lya chikuyu chicho akabyala mumuwunda po akiza pakulingamo ivikomwa mulanyene loli atakachagha nachimo. ⁷ Po umunthu yula akamubuzya umulimi, ' linga, pamyaka yitatu niza nukuyezya ukwagha ivikomwa mu chikuyu chino. chidumule. Chifukwa buli chicho chibukililenge pakukomania ichisu. ⁸ '' Umulimi yula akamula akati, ' Wuleke tasi umwaka wuno po kumbili ichibwina ukuchizyungulila nukuchibikila umuvundo. ⁹ Nanthi chingela ivikomwa umwaka wuwo wukwiza, chili akiza; loli nanthi pope chapotwa, wize uchidumule!'' ¹⁰ Pakabalilo kamo u Yesu akamanyisyanga mubuyo bumo ubwa Masinagogi pisiku lya Sabata. ¹¹ Linga, umwanakazi akaba palanyene yuyo pa myaka 18 akaba nu mzimu uwubibi. Akaba wakukonkhonyala sona atakaba nu lusako ulwakuti anginuka wensi. ¹² Bo u Yesu amulinga umwanakazi uyu akamubuzya akati, '' we mwanakazi we, wasatukako kubukonkhonyale bwako.'' ¹³ Akatambalasya inyobe zyache papache , po pakabalilo akonyene akawololoka wensi sona akampalizya uchala. ¹⁴ Loli abalongozi ba mumasinagogi bakakalala papo u Yesu apozya pisiku lya sabata. Umulongozi yula akamwamula akati kuchilundilo, '' Pali amasiku 6 ghagho ghakwitikiziwa pakubomba imbombo. Za kukwane ukuti mupole, loli pisiku lyasabata.'' ¹⁵ U Mwene akamwamula akati, '' Mwebazimbuli! Nayumo umunthu mumwinu yo akusatulanga ing'ombe pamo imphunda pakubuka nayo pakuya pakuying'wensya amizi pisiku lya Sabata? ¹⁶ ngapo ulu kuli buli ku uyu uwa luko lwa Aburahamu, yo usatana akamupinya ku myaka 18 kale, kakoti apotwe ukusatuliwa pisiku lya Sabata?'' ¹⁷ Bo anena ivinthu vino, bonsi bo bakamususyanga insoni zikabakola, loli ichilundilo chonsi chikasekelanga pa vikulu vyonsi vyo akabomba. ¹⁸ Po u Yeso akati, ''ka ubumwene bwa Chala buyanite nichoni, sona ningabombela ichoni pakubufwanikizya? ¹⁹ Viyanite bwaka nu munthu yo akapesa imbeyu mu munda wache. Ichakubyala chikakula nukuba chikomo, mwakuti iviyuni vikizanga nukupangamo ivivulumbo munsamba.'' ²⁰ Sona akati, '' ka ningafwanikizya nichoni ni vya bumwene bwa Chala? ²¹ Kuyanite bwaka nu mwanakazi yo akasenda ichilungo nukongania na butatu bwa kapimilo ka busu mpaka ukumala ubusu bonsi.'' ²² U yeso akabuka ukudumunsania mu kaya akakulu nutwaya utunandi, akamanyisyanga nukupanga inzila ukuya ku Yelusalemu. ²³ Yumo akalalusya akati, ''Wee Mwene, ka banthu banandi bwaka bo bakwiza ukupokiwa? ²⁴ Yezya nkhani pakwinjila pa mulyango ughufinyu, chifukwa, nkhukubuzya, abinji bakwiza ukuyezya ukwnjila, loli bakwiza ukupotwa ukwinjila. ²⁵ Nanthi umwenecho wa nyumba akwiza pa kunyamuka nu kwighalila umulyango po mukwiza ukwumilila kunzi sona nu kukong'onsya pa mulyango nukuti, 'Wee Mwene, We Mwene, twighulileko. ''Akwiza ukumwamula nukunena ku kwinu, nthabamenye pamo pamo nako mukufuma.'' ''' ²⁶ Po mukwiza ukuti, 'tukalyanga nu kung'wanga pa nthanzi pako sona ukatumanyisyanga mu nzila.'' ²⁷ Loli akwiza ukwamula, nukunena ukuti, nthamenyeko ko mukufuma. Fumapo papane, mwe banthu ababibi!' ²⁸ Kula mukwiza ukulila nu kusya amino po mwamulinga u Abulahamu, u Ayizeki, nu Yakobo na bonsi abaghonela mu bu Mwene bwa Chala, loli umwe mutwyiwe kunzi. ²⁹ Bakwiza ukufuma ku bufumilo na ku bwijililo, kululu na ku nthende, nukwikhala pa chitengo mu bu Mwene bwa Chala. ³⁰ Mumanye ichi, bonsi bo batabelengiwa bakwiza ukuba ba bwandilo , sona bo bakubelengiwa bakwiza ukuba ba bumalilo.'' ³¹ Pakabalilo kalanyene, aba Falisi bakiza nukunena kukwache, ''Buka nu kufumapo chifukwa u Helodi akulonda ukukoma.'' ³² U Yeso akati, nukumubuzya ukambwe, 'Linga, nkhufumya imizimu iyibibi nu kupozya abalwale ilelo ni ndabi na pisiku ilya butatu po nkwiza pa malizya imbombo yane.'' ³³ Mu nzila chakulondiwa ku kwane ukubukilila ilelo, idabi, sona ni siku lyo likwiza panthanzi pache, pakuti vitakwitikiziwa ukuti umughonela anangikile kunzi kwa Yelusalemu. ³⁴ Yelusalemu, Yelusalemu, yo akakoma abaghonela nu kubadinya na mabwe bo nkhabatuma. Akabalilo konsi konsi nkhulonda ukubungania abana bako ukuyana namo inkhuku yikubatila utwana twache mu mapapindo ghache loli utakanyenywa ivi. ³⁵ Linga, inyumba yako chisami. Nkhunena kukwako, te mukandinge sona mpaka munene ukuti, ' U Chala amusaye yo akwiza mwizina lya Mwene.'''