¹ Vikachitika isiku limo ukuti u Yesu akiputanga amalo ghamo. Bo amala, umumanyili weka akati, '' Mwene, tumanyisye ukwiputa ngati mumo u Yohani akabamanyisizya abamanyili bache.'' ² Uyesu akati kukwabo, '' nanthi mukwiputa mutingi, 'Baba, Izina linu lichindikiwe ukuba likemo. Ichitangalala chinu chize. ³ Mutupe ichakulya chitu ichi siku ni siku. ⁴ Mutuhobokele imbibi zyitu, ngati mumo nuswe tukubahobokela babo batunangila. Mutakatubike mungelo.'' ⁵ U Yesu akati kukwabo, ''wewenu mwa umwe angaba numunyabo, nukubuka kukwache pakasi pabusiku, nukunena kukwache, ' munyane, nkhulengako ivibama vitatu. ⁶ Lyo umunyane iza ukufumila kumusebo, nthakaba nacho nachimo ichakuti mupangile pamaso pache'? ⁷ Po weka uwa mukasi yuyo akamwamula akati, ' mutakanthamyenge. Umulyango wighaliliwe kale, sona abana bane, balinune, bali pachitala. Nthangakwanisya pakwimilila nukubapa ichibama. ⁸ Nkhunena kukwinu, napo te imilile nukubapa umwe ichibama chifukwa mwebanyanche, nanga buli pachifukwa chakuti mungakoziwa insoni inthi anyamuke nukubapa ivibama ivyinji ngati namumo mungalondela. ⁹ Nune nkhunena kukwinu, lenga, sona po ukuzukupewa; londa, po ukuya pakuchagha, kong'osya po ukuya pakwiwuliliwa. ¹⁰ Umunthu wensi yuyo akulenga akupokela; Londalonda ukuya pakuvyagha; yuyo akukong'onsya akuya pakwiwuliliwa. ¹¹ Baba buli mumwinu, nanthi umwana wako akulenga inswi, ungamupa injoka mumalo mwanswi? ¹² Baba buli yuyo pala umwana wache akulenga ichibama angamupa ibwe? olo nanthi akulenga ifumbi, angamupa unkhonya? ¹³ Polelo, pala mwebabibi mungabapa abana binu iviza, po vingaba bulibuli kwa baba wako uwakumwanyaukubapa umbepo mwikemo kubabo bakulenga? ¹⁴ Uyesu akafumyanga imphepo imbibi. Bo imphepo imbibi zyafuma, umwanalume uchinunu akanena, abanthu abinji bakaswigha. ¹⁵ Bamo abanthu bakati, '' We Belezebule, umulaghili wamphepo imbibi, ali pakuzifumya imphepo imbibi.'' ¹⁶ Bamo bakamuyezya nukulondalonda ichimanyisyo ukufuma kumwanya. ¹⁷ U Yesu akamanya inyinong'ono zyabo akanena akati, '' Ubufumu bonsi bubo bugabinkhanite mwene butangabukilila, sona ninyumba yiyo yikunyamukilana payene yikuwa. ¹⁸ Pala usatana akugabinkhana mwene, ngubufumu bwache bungimilila bulubli? Po mukuti nkhufumya imphepo imbibi ukwendela mwa belezebule. ¹⁹ Pala nkhufumya imphepo imbibi ukwendela mwa belezebule, ngakokwendela mwawenu yuyo babo bakubakonkha bakuzifumizya? Pachifukwa ichi, inthi bize babe balongi binu. ²⁰ Loli nanthi nkhufumizya imphepo imbibi ninyobe ya Chala, po fwandi ichinamwene cha Chala chiza kukwinu. ²¹ Nanthi umunthu uwamaka yuyo avikililiwe nabavikilili panyumba yache, ukatundu wache akuba akiza, ²² loli nanthi umwanalume uwamaka amupota, umwanalume uwamaka yula akusenda akusenda ubuzighilili bubo umwanalume umusubaliwa sona akumupoka wensi ukatundu wamwanalume. ²³ Yuyo atenune ansambukile une, sona yuyo atakubunganikila poka nune akusasania. ²⁴ Nanthi ichimuzimu ichibibi chafumamo mumunthu, chikupulunsani muminzi sona chikulonda po chingatuzizya. Nanthi chapotwa, po chikuti, ' inthi nyokele kunyumba yane kuko nkhafumila.' ²⁵ Pala chanyokela, inga chagha inyumba yila yili bwazi sona vili mumalo ghache. ²⁶ Po chikunyokela nukuya ukusenda ivinyabo ivimizimu seveni ivyakupulila pa chabwandilo po vyonsi vikwingila ukwiza pakwikala mulanyene. Po akabele kabumalilo akamunthu yula kakuba kabibi ukupota pabwandilo.'' ²⁷ Vikachitika ukuti, bo anena ivinthu vino, umwanakazi yumo akakwezya amazyu ghe kumwanya ku mabingu nukuti kukwache, '' Lusayiwa ulwanda lulo ukafumamo sona namabele ghagho ghakakulela.'' ²⁸ Loli akati, '' Pakuti, basayiwa bala babo bakwivwa izwi lya chala nukulisunga.'' ²⁹ Bo ichilundilo chikwendela ukuvula U Yesu akanda ukunena, '' inkhulile yino yonkhulile yambibi. yikulonda ichimanyikwilo, nanga buli nachimo ichimanyikwilo chicho chikuzukupeghiwako chene ichimanyikwilo cha Yona. ³⁰ Ngati namumo u Yona akiza aba chimanyilo chabaku Ninive kunkhulile iyi. ³¹ U Kwini wa kunthende aliyimilila pabulongelo poka na banthu abankhulile yino sona ukubanangania, papo akafuma kubumalilo ubwansi pakuzukwivwa amahala gha Solomoni, sona lolela, yumo umukulu ukulusya u solomoni ali panonyene. ³² Abanalume baku Nininive baliyimila pabulongi poka ninkhulile ya banthu bano sona alibanangania, pakuti bakapinduka pabulumbilili bwa Yona, sona lolela, yumo umukulu ukulusya u Yona ali panonyene. ³³ Nayumo, yuyo akukozya ukoloboyi, nukumubika kumalo aghabufisamu olo pasi pa chitundu, loli pachakwikazyapo u koloboyi. ³⁴ Ilinso lyako we koloboyi wa mubili. Nanthi ilinso lyako lyoliza, umubili wonsi wukwanilisiwe nubwelu loli nanthi ilinso lyako libibi, umubili wako wizwile nichisi. ³⁵ Polelo, uchebe papo uchebe papo ubwelu bubo buli mumwako techisi. ³⁶ Po nanthi umubili wako wizwile nu bwelu, kwambula ichigaba chimo ichamuchisi, po umubili wako wonsi inthi wukabe ngati popala po nanthi inyali yikwaka poka nu bwelu mumwako. ³⁷ Bo amalizya pakunena, umumanya ndaghilo akamulenga ukuti aye alye nawe kunyumba yache, po u Yesu akingila nawe nukumuswefya sona. ³⁸ Umumanyandaghilo yula akaswighaukuti u Yesu atakasukusula mnyobe pakulya ichakulya chachamabwila. ³⁹ Lolo u Yesu akati kukwache, '' polelo, umwe mwebafalisayi mukuswefya kunzi kwa lubako , loli mukasi mwinu mwizwile nubupafu sona nububibi. ⁴⁰ Mwebanalume mwebasita mahala! Teweweka yulanyene yuyo akapanga kunzi weyo sona apngite na mkasi? ⁴¹ Bape abapina vyovili mukasi, po ivinthu vyonsi vikuzu kuswepa kukwinu. ⁴² '' Loli mukosi ku mwebamanya ndaghilo, chifukwa mukupa akabibi sona umwakwibonesya sona nichibyalwa chilichonsi icha mumiwunda yinu, loli ubwanaloli mukubukana poka nu lughano lwa Chala. chinthu chakubaghila ukubomba mubwanaloli poka nukumughana u Chala, kwambula ukupotwa pakubomba ni vinthu ivinji. ⁴³ Mukosi kukwinu umwe mwebafalisayi, pakuti mughanite imipando iyapanthanzi mumasinagogi sona nukulamuka ukwamuchinzi mumisika. ⁴⁴ Mukosi kukwinu, pakuti muli ngati mapumpha ghoghatakumanyikwa ghagho abanthu bakulinga kunzi loli kwambula ukughamanya.'' ⁴⁵ Uwabamo uwaba kaswili mundaghilo akati kukwache, '' Manyisi, vyo ukunena zyonthusi kukwitu.'' U ⁴⁶ Yesu akati, ''' zyamukosi kukwinu, mwebamanyisi ba ndaghilo! pakuti mukubanyamulisya abanthu ivinyamulwa iving'wamu, loli umwe mutakupalamasyako ivyakatundu ninyobe zyinu. ⁴⁷ Mukosi kukwinu, papo mukuzenga amapumpha ghabakubwi, sona bakaba banyenya binu babo bakabakoma. ⁴⁸ Po mwebakaboni sona mukakatile imbombo zya banyenya binu, pakuti naloli babakoma sona mukazenga namapumpha ghabo. ⁴⁹ Pachifukwa chino, amahala Ghakati, ' ndibatumila abakubwi na batumiwa, po balinyoza nukubaghogha ababamo,' ⁵⁰ Inkhulile yino, yoyo, yiliyamulapo pi daba lyosi ilya bakubwi lilyo likakupuka ukwanda mumo ichisu chikandila, ⁵¹ ukwandila pi daba lya Abelo mpaka kwidaba lya Zakaliya, yuyo akaghoghiwa pakasi pa chighemo nubuyo ubwakwiswefyezyapo. Naloli nkhubabuzya, inkhulile iyi yoyo yilikhuzika. ⁵² Zyamukosi kukwinu mwebakaswili mundaghilo, pakuti musendite kale amaki ghabumanyi; mutakwingilamo mkasi mwebenecho, sona mukubafubila babo bakwingila. ⁵³ Bo u Yesu afumapo pala, abaputi abasongo nabamanyandaghilo bakamususya nukudalinkhana nawe mu vinthu ivinji, ⁵⁴ ukuyezya ukumutegha ukwendela mumazyu ghache.