¹ Bo u Yeso apulusania akamulinga umunthu yo akapapiwa atalinga. ² Abamanyili bache bakamulalusya bakati " mumanysi, wewenu yo akatulamo inongwa, weyuyo pamo bapapi bache,pati apapiwe atalinga". ³ U Yeso akamula akati, " tewe yuyo akananga sona tebapapi bache, loli pati imbombo zya Chala zibonekelemo mumwache. ⁴ Tubaghile pakubomba imbombo zya yuyo yo akanthuma une boghuchili musanya ubusiku bukwiza bonayumo atabaghile ubomba imbombo. ⁵ Bonchili ndimuchisu chapansi , une nebwelu bwa chisu." ⁶ Bo u Yeso amala pakunena izi, akafwina amati pansi, akang'anya ilyongo namati po akamupaka mumaso ghache. ⁷ Akamubuzya akati, " buka usukusule pa chiziba icha Silowamu." ( Silowamu chikung'anamula pakuti " umutumiwa") Po umunthu yula akabuka akaya asukusula kumaso, po akanyokela akulinga. ⁸ Abanthu abapalamani nabobakamulinga bwila bo akulengalenga bakanena bakati ka uyu teweyuyo akikala pansi nukulengalenga". ⁹ Bamo bakati "weyuyo" abanji bakati , Awe bayanite bwaka," Po umwene akababuzya, "akati nene". ¹⁰ Abene bakamulalusya bakati, " Ka amaso ghako ghighukite bulibuli? " ¹¹ Umwene akabamula akati , " umunthu yo bati Yeso akang'anya ilyongo nukumphaka ku mumaso pachiziba icha Silowamu. Po nkhabuka nkhaya nasukusula, po nkhagha nanda palinga." ¹² Abene bakanena bakati, " kha alikwi?" akabamula akati " une nthamenyeko". ¹³ Po akamusenda umunthu yo kale atakalinga nuya nawe kuba Falisi. ¹⁴ Likaba lisiku lya sabata lyo u Yeso akanghanya ilyongo nukwighula amaso. ¹⁵ Po sona Abafalisi bakamulalusya mumo andulolelera. Umwene akati kukwabo, ''Akandite ilyongo nukumbika mumaso, po nasukuswile, chochobene nkhulinga. ¹⁶ Bamo aba Falisi bakati, '' U munthu uyu atafumite kwa Chala chifukwa chakuti atakusunga isiku lya sabata.'' Abanji bakati, '' Ka bulilbuli umunthu yo munanzi angabomba ivinthu ivi? Po pakaba ukugabinkhana pakasi papabo. ¹⁷ Po bakamulalusya umufwa minso sona, Ka ukunena choni ivya uyu, pakuti akwighule amaso?'' Umufwa maso akati, ''Mughonela.'' ¹⁸ Aba Yuda batakamusubila ukuti akaba mufwa maso sona akapokela ukulinga mpaka po bakabitizya aba papi ba yo akapokela ukulinga. ¹⁹ Po bakabalalusya aba papi, ''Ka uyu mwana winu yo akapapwa mufwa maso? Ngapo bulibuli pano akulinga?'' ²⁰ Aba papi bache bakabamula bakati, '' Tumenye ukuti uyu mwana witu sona akapapwa mufwa maso. ²¹ Ngapo bulibuli ilelo akulinga, tutakumanya, sona yo akamwighula amaso, tutamumenye. Mulalusye, we songo. nginenela mwene.'' ²² Aba papi bache bakanena ivinthu ivi, pakuti bakoghopanga aba Yuda. Pakuti aba Yuda bakivwana ukuti nanthi yumo akwitikizya ukuti we Kilisitu, bakwiza ukumufumyamo mu chalichi. ²³ Pa chifukwa, chochobene ababapapi bache bakati, ''We songo, mulalusye'' ²⁴ Po akabubili bakamwitizya u munthu yo akaba mufwa maso sona bakati kukwache, ''Umupe u Chala umuchinzi. Tukumanya pakuti umunthu uyu munanzi.'' ²⁵ Po umunthu yula akamula, ''Nthakumanya ukuti angaba munanzi. Ichinthu choka cho nkhumanya: Nkhaba mufwa maso, sona ilelo nkhulinga.'' ²⁶ Po bakanena kukwache, '' Ka akabomba ichoni kukwako? Akighula bulibuli amaso ghako?'' ²⁷ Akati une nababuzya kale sona mutakwivwisya! Ka choni cho mukulonda pakwivwa sona? Ka mutakulonda ukuti numwe mube bamanyili wache. mukulonda? ²⁸ Bakamutuka sona bakati, ''We mumanyili wache, loli uswe swe bamanyili ba Mozesi. ²⁹ Tumenye ukuti u Chala anena kwa Mozesi, loli tutamenye umunthu uyu ko afumite.'' ³⁰ Umunthu yula akabamula kukwabo , ''Ichi chakwitabizya, ''Ukuti mutakumanya ko uyu afumite, sona loli akighula amaso ghane. ³¹ Tumenye pati u Chala atakubivwa abananzi, loli nanthi yumo wa bwanaloli sona akubomba ubwighane bwache, akwivwa kukwache. ³² Ukwanda ko kubwandilo bwa chisu chapansi tutivwilepo nalumo pati umunthu akighula amaso agha munthu yo akapapiwa wakufwa amaso. ³³ Nanthi umunthu uyu atakufuma kwa Chala, atanga bombapo nachimo chimo". ³⁴ Abene bakamula bakati, "uwe ukapapiwa mumbibi nkhani mumbibi, po utumanyisya uswe?" po bakamufumya kunzi. ³⁵ U Yeso akivwa pati bamufumya mu sinagogi. Bo amwagha akamulalusya akati, "kha usubila umwana wa munthu." ³⁶ Umunthu yula akamula akati, " wewenu, mwene, une nsubalile mumwache?" ³⁷ U Yeso akanena akati , " yo mwamulinga sona weyo munena nawe". ³⁸ Munthu yula akati, " mwene nkhusubalila, " akamwiputa yuyo. ³⁹ U Yeso akati, " nkhwiza palonga muchisu chapansi pati bo bafwile amaso balinge sona bo bakulinga baleke pakulinga." ⁴⁰ Aba Falisayi bobakaba nawe palanye bakivwa amazwi agha bakamulalusya bakati, " kha ukunghanamula wati nuswe tufwile amaso?" ⁴¹ U Yeso akababuzya akati, " nanthi mukafwa amaso, ngatemwebatulanongwa, loli pati mukwinena pati mulinga, " ching'anamula pati mwebatulanongwa.