¹ Bopenda ivinthu ivi, u Yesu akabuka kumbali iyinji iya nyanja iyikulu iya Galileya , yo yikwitiziwa sona ukuti njanya iyikulu ya Tibeliyasi. ² Ichilundilo ichikulu chikamukonkhanga chifukwa bakalinga ivimanyisyo vyo akabombagha pabo bakaba balwale. ³ U Yesu akabuka ku chipili sona kulanyene akikala pasi poka nabamanyili bache. ⁴ Po ukusekela kwaba Yuda kukaba papipi. ⁵ Bo u Yesu alinga kumwanya ichilundilo ichikulu chikwiza kukwache, akanena kwa Philipu, " inthitughule kwi ichibama ukuti aba balye?" ⁶ ( loli u Yesu akanena ichi kwa Filipu ukuti amuyezye, pakuti yuyo umwene akamanya cho inthabombe) ⁷ U Filipu akamwamula, " ichibama cha 2 handiledi denali chitangayana aliwesi napo panadi. ⁸ Weka wabamanyili, Andileya uwamwabo wa Simoni Peteli, akati kwa Yeso. " ⁹ Pali umulumendo pano we ali nivibama fayivi nutuswi tubili, loli totuchoni tuno kubinji?" ¹⁰ U Yeso akati, " ikazyani abanthu pansi." Po pakaba isote pamalo pala. Po abanthu bakikala pansi bobaka fayivi sauzande. ¹¹ Po u Yeso akasenda ivibama pabo apalizya akabapa bobakila pansi. Akabomba ubunye nutuswi, mubwinji ngati mobakalonde. ¹² Bo abanthu bikuta, akanena kubamanyili bache, " sengania utumenyamenya totwasyala, ukuti nakamo katakatayiwe". ¹³ Po bakasengania nukwizuzya ividunga twelve ivya tumenyamenya ukufuma muvibama fayivi vyobakalya nukuvileka. ¹⁴ Po bo abanthu balinga ichimanyisyo ichicho akabaomba bakati, " uyu naloli we mughonela yo akwiza kuchisu chapansi." ¹⁵ Bo u Yuso amanya pakuti bapalamila pakwiza numukolapamaka ukuti abe wemmwene, akabuka sona ku chipili mwene. ¹⁶ Pachamabwila, abamanyili bache bakisika ukubuka ku nyanja iyikuylu. ¹⁷ Bakinjila mu bwato,sona bakenda pa nyanja iyikulu pakuya ku kapelenamu.kukila pa kabalilo aka,u Yesoakaba achili atababonekile. ¹⁸ Imphepo iyamaka yikakukanga,po ni nyanja iyikulu yikakalipa. ¹⁹ Bobenda amaawala aghakukwana twente fayivi pamo sate,bakamulinga u Yeso kawenda panyanja iyikulu sona akwiza kupipi nubwato, po ubogha bukabakola. ²⁰ Loli akanena kukwabo," nene! mutakoghope." ²¹ Bakalonda pakumupokela mubwato, po nakalubilo ubwato bukafika amalo ghobakabukanga ²² I lyandabi lyache , ichilundilo chochikimilila kumbali iyinji iya njanya iyikulu chikalinga ukuti patabapa ubwato nabumo ukupatulo boka, nukuti u Yeso atinjilemo abamanyili bache loli ukuti abamanyili baache bafumitepo bene. ²³ Nangabuli , pakabapo amabwato ghamo ghoghakafuma ku Tibeliyasi kupipi namalo gho bakalya ivibama bo u Mwene apalizya. ²⁴ Bo ichilundilo chamanya pakuti u Yeso pamo abamanyili bache balipo pala, abene bakinjila mumabwato nukulya ku kapelinaumu pakumulondu u Yeso. ²⁵ Bobamwagha kwisila ilinji ilya nyanja iyikulu bakanena kukwache" mumanyisi, wizite kabalilo buli kuno?" ²⁶ U Yeso akabamula , nukuti," naloliloli, mukundonda techifukwa chakuti mukalinga ivimanyisyo, loli chifukwa mukalya ivibama vimo sona mukikuta. ²⁷ Mutakiyule pavyakulya vyo vikunangika, loli mubombehee pavyakulya vyovikwikala mpaka kubumi bwabwile nabwile bo mwana wa munthu alibapa, pakuti u Chala u Tata abikite ichinthu ichi papache." ²⁸ Po bakati kukwache, "Tubombechi, ukuti tubombe imbombo zya Chala?" ²⁹ U Yesu akamula nukunena kukwabo ukuti " iyi mbombo ya Chala, ukuti musubalile mwa yo amutumite." ³⁰ Po bakanena kukwache, " chimanyisyo buli cho inthubombe? ukuti tulinge nukukusubalila inthubombechi? ³¹ Aba tata bitu iviyuni munkolongo, ngati mo visimbikile, akabapa ichibama ukufuma kumwanya ukuti balye." ³² Po u Yesu akabamula , " naloliloli , atakaba we Mozesi we akabapa ichibama ukufuma kumwanya, loli we tata wane yo akubapa ichibama ichanaloli ukufuma kumwanya. ³³ Pakuti ichibama cha Chala chochila cho chikwiza pansi ukufuma kumwanya nukupa ubumi kuchisu chapasi. ³⁴ "Pobakanena kukwache "songo, tupe ichibama ichi akabalilo konsi." ³⁵ U Yeso akanena nabo, ne chibama chabumi yo akwiza kukwane te abe nizala, sona we akusubalila mumwane te abe lumo ninyota. ³⁶ Loli nkhababuzya ukuti naloli mwandinga une, sona mutakusubalila. ³⁷ Wensi we u Tata ampha une aliza kukwane po nawe akwiza kukwane temutaye kunzi. ³⁸ Pakuti niza pansi ukufuma kumwanya , tekokuti nkulonda mbombe ubwighane bwane, ,loli ubwighane bwa we akanthuma. ³⁹ Ubu bo bwighane bwawe akanthuma une, ukuti nayumo wabo amuphile, loli banyamusye pisiku lyabumalilo. ⁴⁰ Pakuti ubu bobo bwighane bwa Tata wane,ukuti wensi we akulinga umwana nukusubalila mumwache abe nubumi bwa bwile nabwile nukuti amunyamusye pisiku lyabumalilo ⁴¹ Po aba Yuda bakakalala nayuyo chifukwa anena pakuti , "ne chibama chochiza pansi ukufuma kumwanya." ⁴² Bakanena ukuti , uyu tewe Yeso umwana wa wa Yosefe, we ubaba wache numwana wache tubamenye? po akunena bulibuli pano ukuti , niza pansi ukufuma kumwanya?" ⁴³ U Yeso akamula nukunena kukwabo," lekani pakukangana mwebenebene. ⁴⁴ Nayumo yo angiza kukwane penepapo u Tata yo akanthuma une amusala, sona nkhwiza pakuba nawe mpaka pisiku lyabumalilo. ⁴⁵ Chisimbiwe mubaghonela, ' wensi alimanyisiwa nu Chala.' wensi we ivwa nukumanyila ukufuma kwa Tata akwiza kukwane. ⁴⁶ Tekokuti yumo amulinga u Tata , ukapatula we afumite kwa Tata- alinga u Tata. ⁴⁷ Naloliloli, we akusubila ali nubumi bwa bwilebwilee ⁴⁸ Ne Chibama cha bumi. ⁴⁹ Aba tata binu bakalya ivyakufuma kumwanya munkholongo sona bakafwa. ⁵⁰ Ichi chocho chibama chochikwiza pansi ukufuma kumwanya, ukuti umunthu alye chimo sona atakafwe. ⁵¹ Ne chibama cha bumi chokwiza pansi ukufuma kumwanya. Pala aliwensi alya chimo mwa chibama ichi, akwiza pakuba nubumi akabalilo konsi. Ichibama cho itimbape ghomubili wane kubum i bwa chisu chapansi ⁵² Abayuda bakakalala benebene nukwanda pakangana nukuti " umunthu uyu angatupa bulibuli umubili wache ukuti tulye?" ⁵³ Po u Yeso akanena kukwabo, "naloliloli, penepapo mwalya umubili wamwana wamunthu nukung'wa nibanda lyache, mutangaba nubumi mwa mwebenebene ⁵⁴ Wensi we akulya umubili wane sona akung'wa ibanda lyane alinubumi bwa bwile nabwile, sona ndiba nawe mpaka pisiku lyabumalilo. ⁵⁵ Pakuti umubili wane chakulya chabwanaloli, po nibanda lyane chakumwa chabwanaloli. ⁵⁶ We akulya umubili wane sona ang'wa ibanda lyane akusyalikila mubwane, po nune mumwache. ⁵⁷ Ngatimo u Tata uwa bumi akanthumila une, nukuti indinubumi andya une, alibasona nubumi chifukwa cha une. ⁵⁸ Ichi chocho chibama chochiza pansi ukufuma kumwanya, tengati mo aba tata bakalyela nukufwa. We alya ichibama ichi aliba nubumikabalilo ka pasi. ⁵⁹ Loli u Yeso akanena ivinthu ivi mu sunagogi boakumanyisya mu kapelinaumu. ⁶⁰ Po abanji mwa bamanyili bache bobakivwa ichi bakati," uku kunena ukupalapala, wewenu angivwa?" ⁶¹ Yeso chifukwa umwene akamanya mumwache ukuti abamanyili bache bakutamiwa mumoyo pa ichi, akati kukwabo," chabatangwanisyahee ichi? ⁶² Po ngapala mungalinga umwana wa munthu akubuka mpaka ko akaba pakwanda? ⁶³ Muzimu muswepu we akubika ubumi , umubili ghutapindula nachimo. Amazyu ghonanena kukwinu muzimu, sona gho mumi ⁶⁴ Popali sona bamu mwa umwe bobakisubila. Pakati u Yeso akamanya ukufuma pokwanda bobasubila sona nawe inthamubike kubalwani. ⁶⁵ Akati " chochifukwa cha ichi chonkhanena kwa umwe ukuti nayumo yo akwiza kwa une penepapo kupeghiwe kukwache nu Tata". ⁶⁶ Chifukwa cha ichi , abinji mwa bamanyili bache bakabuka batakenda sona nawe. ⁶⁷ Po u Yeso akanena kubala twelovu " mutakulonda ukubuka numwe,mukulonda?" ⁶⁸ U simon Petulo akamwamula, " mwene, inthibuke kwa wenu? uli namazyu gha bumi bwa bwile na bwile. ⁶⁹ Sona twasubila nakumanya ukuti we muswepu wa Chala ⁷⁰ U Yeso akanena kukwabo, " nthakabasala umwe twelovu, sona weka wa umwe we Satana? ⁷¹ Po akanena izya Yuda umwana wa Simon Isikaliyoti, pakuti akaba weyuyo, weka mwa bala twelovu, we inthamukane nthamubike kubalwani.