¹ Polelo nulu ilaghano lila lili nindaghilo zyakwiputila sona namalo ghakwiputila. ² Chifukwa ichitembe chikanoziwa. Ubwandilo, popakaba ichakubikapo inyale, itebulo, sona ni chibama cha bobalipo, chikitiziwanga malo amaswepu. ³ Kundwila kwa mwenda wa chibili kukaba ichitembe ichinji, chikitiziwanga amalo amaswepu nkhani. ⁴ Chikaba nichighemo chakununkila icha golide. chikaba sona ni geleta lya lilaghano lyolikaba lyakuvwinkiwa nugolide. chochikabamo na manna, inkomo ya Aaron yoyikalembanga, sona na maseleti gha lilaghano. ⁵ Pa mwanya pa geleta lyalilaghano, abakalebu abakuchindama bakavwinka pamwanya pachikupikizyo, bo ulu tutanganena nachimo ichabo. ⁶ Pala ivinthu ivi vya tendekiziwa, abaputi bwile bakingila muchipinda cha kunzi cha chitembe pakuya pa mbombo imbombo zyabo ⁷ Loli umuputi usongo mwene akingilanga ichipinda chachibili, lyoka pamwanya ghoka, sona ukusita daba yo akipanga yuyo sona nichifukwa cha mbibi zya banthu izya kusita kuzimanya. ⁸ U muzimu umuswepu ghukulangizya ukuti mo ichitembe, chabwandilo chichili chimilile inzila ya ku malo amaswepu nkani yi chili yitabonekite . ⁹ Ichi chikaba chilangizyo cha kabalilo aka. vyonsi ivyabupi ni vya kwipa vyovikubikiwa vitangikutisya amabyebye gha ba kwiputa. ¹⁰ Bakusubila bwaka pachakulya sona nu kung'wa sona nivyakubaswefwa vya kulekanalekana, indaghilo zya mubili ukufika pakabalilo ka lubatiko. ¹¹ Kilisitu akiza ngayi we muputi usongo uwa vinthu vyo vikwiza. Akapulunsania mu chitembe ichikulu sona ichakufikapo cho chitakapangiwa ni nyobe zya banthu, Wa yumo yo tewachisu ichakupeliwa. ¹² Chitakaba cha daba wa mbuzi ni ng'onzi, ingile mu buyo ubuswepu lyoka mphela nukutusungila ubupoki bwa kumwanya. ¹³ Pakuti pala udaba wa mbuzi ni nkhambako sona nukunyansiliwa kwa litoyi ngwata pa bobasebiwa akuba baghilisya ukuwsefya imibili yabo, ¹⁴ Kalinga ko udaba wa Kilisitu, yo ukwendela mumuzimu wa kumwanya akipa ukusita ukususiwa kwa Chala, ukuswefya amabyebye ghitu ukufuma ku mbombo zya kufwa nukuya pa mubombela U Chala wa bumi? ¹⁵ Pa chifukwa ichi, weyo mwimilili wa lilaghano ipya. ichi chili ulu ukuti, napo infwa yingasenda ubuyo bwa bupoki bwa bobali pansi pa lilaghano lya bwandilo ukufuma ku mbili zyabo, bobitikiziwe bakiza papokela ilaghano lya chilingo chakumwanya. ¹⁶ Chifukwa po pali ilaghano, ubufwe bwa munthu yo akapanga bukwitikiziwa. ¹⁷ Chifukwa ilaghano likuba namaka nanthi paba ubufwe, chifukwa tutakuba namaka po nanthi yo apangite achili mumi. ¹⁸ Po lyope ilaghano lya bwandilo likupangiwa ukusita daba. ¹⁹ Chifukwa bo U Mozesi abika ilamulo ku banthu bonsi, akasenda udaba wa ngwata nu wambuzi na minzi, umwenda umchesamu, nu hosapu, nu kunyanfwila amaseleti poka na banthu. ²⁰ Po akati, '' uyu we daba wa lilaghano yo U Chala abalamwile umwe.'' ²¹ Mukabele aka, akanyansila udaba pachisakasa na muvibigha vyonsi vyovikaba mu bubombeli. ²² Ukuyana nu lulaghilo, chonsi bwaka chikuswefiwa nu daba. ukusita ukupaka udaba uluhobokelo lutabapo. ²³ Polelo chikaba chakuyana ukuti amapepala gha vinthu vya kumwanya ghabaghile ghaswepiwe nu kwipa kwavinyamana ivi. ²⁴ Napo buli ivinthu vya kumwanya ivi vibaghile viswepiwe ni vyakwipa iviza nkani. ubwakupangiwa ni nyobe, chocho chifwanikizyocha chenencho. mubuyo bwache akingila ku mwanya mwene ukuya pabonekela pamaso gha Chala chifukwa chitu. ²⁵ Atakabuka kula ukuti ipe ku kabalilo akinji awe, mo akubibmela umuputi usongo, yo akwingila mubuyo ubuswepu umwaka nu mwaka nu daba wa yunji. ²⁶ Po momo vikati vibele ngali akaba wakutamiwa akabalilo akinji ukwanda po pabwandilo bwa chisu. Loli ulu ali waku boneka kubumalilo bwa tubalilo ukuti abombe ukumala imbibi nu kwipa kwa mwenencho. ²⁷ Ngati mo umunthu imikiwe ukufwa lyoka sona ukufuma apo ubulongelo bukwiza, ²⁸ Ubonye, U Kilisitu akipa lyoka ukufumia imbibi zya binji sona akwiza paboneka akachibili, te kulwana ni mbibi