¹ leka ubukamu ubwalughano bubukilile. ² Mutakaluvye pakupokelela abayeni. pakubomba ichi, bamo bakapokela abangelo ukusita kumanya. ³ Wakumbuke abapinyiwa ngati po nuwe upinyiwe nabo. Wakumbuke babo bobakutamiwa ngati po nuwe ukutamiwa nabo poka mu mubili. ⁴ Leka inyegha yibe yakwivwika kwa wensi, sona leka inyegha ya banthu babili ku chitala yibe yiswepu, pakuti U Chala inthi akabalonge bonsi abalowe na bamalaya. ⁵ Leka inkhalo yinu yitakabe yakughana nkhani indalama. wikutisiwe navivyo uli navyo, pakuti U Chala umwenecho akanena, '' nthakuzukubalekapo lumo umwe, pamo ukubataya umwe. ⁶ ''Zanga uswe tusiphasye nkhani ukuti tube namaka pakunena, ''U Mwene we yo mutuli wane; nthazukoghopa, chinthu buli cho umunthu angambombela une?'' ⁷ Bakumbuke abasongo binu, bobakunena amazyu gha Chala ku kwinu, kumbuka akabombele ka mbombo yabo, linisya nu lusubilo lwabo, ⁸ U Yesu we yulanyene mabwila, ilelo, sona bwilenabwile. ⁹ Mutaka senyiwe mwalwe nivimanyisyo vya chilendo. Pakuti chochiza ukuti umoyo ghubaghile ukughomiwa ni chisa, ni chakulya awe chitakwavwa bobatakwenda nabo. ¹⁰ Tuli ni chighemo ukufuma ku bonsi bo bakubomba mukachipinda ka baputi bate namazaza gha kulya. ¹¹ Pakuti idaba lya vinyamana vivyo vikomiwe mubutulanongwa vikwiza na baputi abasongo ku buyo bubo busayiwe, po imibili yabo yikimikiwa kunzi kwa kamphu ¹² Po U Yesu wepe akatamiwa kunzi kwa lupaso lwa chisu, ni chifukwa cha kubapulumusya abanthu ukwendela mwi daba lwache. ¹³ Po za uswe tuye ku kwache kunzi kwa camp, mwakuti tube mu mwache. ¹⁴ Pakuti uswe tute nu bwaya ubwitu kuno. Mumalo mwache tukulingisya kwayo inthi izenge. ¹⁵ Ukwendela mumwache, po, za akabalilo konsi tubike ivyabupi ivya kupalizya kwa Chala, ukupalizya ukupalizya chocho chikomwa cha milomo yo yikutambula izina lyache. ¹⁶ Za uswe tutakaluvye ukubomba iviza sona nukutula weka nu yunji, pakuti vili mukabele ka vya bupi vyo u Chala akuhoboka nkhani. ¹⁷ Ivwila nu kubachindika abasongo binu, pakuti bobo bakubasunga nukubalingilira mu bumi bwinu ngati bonsi bo bakubabengela.Ivwila ukuti abasongo babombe ivi nuku hoboka, sona nukuti batakilumbusye, chochizukuba cha bwaka ku kwinu. ¹⁸ Twiputile uswe, pakuti tufiketepo ukuti tuli na mabyebye amiza sona tukunyonywa pakwikala mubwiza mu vinthu vyonsi. ¹⁹ Une nkhubakazya umwe pakubomba nkhani hee ivi, umwakuti Nkhuzukunyokela ku kwinu mwa lunonyene. ²⁰ Ulu leka U Chala wa bufwase , yo akanyosya kwisinda uwakufwa umuputi usongo uwa ng'onzi, umwene witu U Yesu, ukwendela mwi daba ilya lilaghano ilya bwila na bwila, ²¹ ube navyo vyonsi iviza ukubomba ubwighane bwache, ukubomba nuswe pa cho chikumu hobosya umwenencho, ukwendela mwa Kilisitu Yesu, kwa yuyo kubenge ubwikemo bwile. Ameni ²² Ulu nkubakazya umwe, ba wa mwitu, poka namazyu gha lukazyo ghagho mbabuzizye mwa kubasimbila umwe . ²³ Manya ukuti uwa mwitu u Timoti mu fwase, nayuyo nkwiza ukubalinga nanthi iza mwalunonyene. ²⁴ Mubalamuke abasongo binu bonsi sona nabanthu abaswepu aba Chala. nabo bafumite ku itale bakubalamuka umwe. ²⁵ Za ubwila bube numwe mwensi.