¹ Bo imyaka yamala fotini (14) nkhabuka sona ku Yerusalemu nu Banabasi. Tukenda poka nu Tito. ² nkhabuka sona chifukwa chavyo vikavumbuka ukuti amazyu gha chala ghafikeko nukulumbilila ku bapanzi. Nkhanena kulubazu nabo papo nkhalinga ukuti bachindamu, ukuti nsikizye ukuti nthakusamazania pamo ukubalekelela bamo kumasinda pambilibili. ³ Loli nu Tito, yo nkhaba nawe yo akaba mu giliki, batakamubuzya ukuti bamudumule ichipapa cha kunthazi ku nkhule. ⁴ Abanyitu ababumyasi bakizanga pakutendela bobakatusekelelanga ko tutaliko bakizanga patulinga mo tusatukile mwa Yesu, bakanyenywanga ukuti tube twe bazya, ⁵ babo tutakalambapo kukwabo loli tukababuzya ubwanaloli ubwa mazyu gha chala bube mumwinu. ⁶ Loli bobakabonekanga bachindamu ( mobakabela chitakatowofya nachimo chifukwa uchala atakulinga umunthu nu bunthu bwache) kubabo, nkhababuzya, bobakaba ngati bachindamu batakunthula nachimo une. ⁷ abene bakagha ukuti nkhulumbilila kubanthu aba panzi amazyu aghiza agha chala kubo batakadumuliwapo akachipapa kakunthanzi ku nkhule ngati mo upetulo akafumusyanga izyu kubobatadumuliwe. ⁸ Pakuti uchala akabombanga mwa petulo mubutumwa bwabo ku banthu bo badumuliwe, weyo akubomba sona mumwane kubakunzi. ⁹ Bo u Yakobe, uKefasi nu Yohani bawulinga umtende mumwane, bozikaba mphanda, bakalinganga ulusayo mu chisa chachala chicho mpheghiwe ku nyobe yandyelo iyakwiputila kwa Banabasi na kukwane. Bakivwana ukuti baye kubakunzi sona kubo batadumuliwe. ¹⁰ Bakalenga ukuti babakumbuke abapina, ichinthu cho nkhaba nu moyo ukuti nchibombe. ¹¹ Loli bo u Kefasi iza ku Antioch, nkhamususya pamaso ghache chifukwa akanda pakubomba chotechochicho po nkhamusula. ¹² Bo abanalume bamo bachili ukufuma kwa yakobe, u Kefasi akalyanga nabanthu bobatadumuliwe. Loli bo abanalume biza, akaleka nukufumako kubakunzi. Akowopanga bo bakalondanga ukuti abadumule akachipapa. ¹³ sona abayuda abanyabo bakabombelanga poka ivyabumyasi. Nu Banabasi wepe bakamupuvya chifukwa cha bumyasi. ¹⁴ Loli bo nalinga inkhalo yabo yitakukonkha ubwanaloli bwache, nkhamwitizya u Kefasi panthanzi pa banyabo bonsi, ukuti nanthi we muyuda loli ukwikala ngati bapanzi sona ngati te we muyuda choni cho ungabatutuzya abapanzi ukuti bikale ngati bayuda. ¹⁵ Uswe twe bayuda mu mphapwa yitu, loli tute ngati bapanzi abatula nongwa. ¹⁶ Nanga buli tuzimenye ukuti umunthu atakuba wakuswefiwa chifukwa cha ndaghilo loli ukwendela mu lwitiko lwa mwa Yesu kilisitu. Nuswe tukiza ku lwitiko mwa Yesu kilisitu, ukuti tuswefiwe nalolwitiko kwambula ukukungwa ni ndaghilo. Chifukwa cha mbombo zya ndaghilo umubili wutaliwoloka. ¹⁷ Loli nanthi tukulonda tukalongwe nu kilisitu nuswe inthi twaghiwe ukuti twebatulanongwa, ka u Yesu we mwene wa babibi? Temomumo hagha! ¹⁸ Popala nanda pakuzenga sona ivinthu vyovikakomanika, nkhusimikizya ukuti une ne musobi. ¹⁹ Pakuti mululaghilo nkhafwila mululaghilo, pakuti ningikala umwakusubila mwa chala. ²⁰ Nkhapamanthiliwa poka nu Yesu, tenene sona mo nkhabela loli u kilisitu akwikala mumwane. Loli ubumi bo nkhwikala akabalilo kano ubwakumubili nkhwikala umwakusubalila u mwana wa chala, yo akangana sona bakampha une. ²¹ Nthakuchileka ku lubazu ichisa chachala papo techabwaka nanthi bakukunena ubuwolosu chifukwa cha ndaghilo kokuti ubufwe bwa kilisitu bukaba bwabwaka.