¹ Ukuyana nu bu bombi bwa banthu ba Chala abaswepu, te chakuyana ku kwane pakusimba ku kwinu. ² Nkumanya ivyakulonda vinu vyo nkabusila ku banthu ba ku Makedoniya. Nkababuzya ukuti u Achaiya isenganianga ukwanda umwaka gho wamalanga. Ukulondelezya kwinu kubavwizwe abinji ku vya kubomba. ³ Ulu natuma aba wamwitu ukuti ukubusila kwitu ku kwinu kutakabe kwa bwaka , nukuti mube bakwiyania , ngati mo nkanenela mo inthi mubele. ⁴ Mu nzila yino nanthi yumo uwa Makedonia akizanga nune sona nukubagha basita ukwisengania ngali twakoziwa insoni---Ntakunena nachimo ichinu--pakuba wa lusubilo nkani mumwinu. ⁵ Po nkinong'ona ukuti chikaba chakuyana pakulambilizya aba wamwitu ukwiza ku kwinu sona nukupanga amalubatiko nubutuli bwa chabupi cho mukalaghizya ichi chili ulu ukuti chingaba cha kutendekezya ukuba chisayo, ukusita ukuba ngati chimo ichakukwezia. ⁶ Imfundo yp iyi: Yo akupesa utunandi akwiza ukwinula utunandi, sona yo akupesa pa chifukwa cha chisayo akwiza pakwinula ichisayo. ⁷ Leka wensi ape ngati mo abatikile mu moyo wache. Ukusita uknyinyilika pamo ukufyengiwa, pakuti u Chala akughana yo akupa mwakuhoboka. ⁸ Sona u Chala wakubaghila ukupanga ubwila bonsi ukufulukila papinu, ukuti bwile, mu vinthu vyonsi, vyo mungaba navyo pamo mungalonda ivi vikwiza ukuba ukuti mwize munyamye ichakubomba ichza chonsi. ⁹ Chili ngati mo chisimbiliwe: '' Agabite ubukabi bwache nukupa abapina.Ubugholosu bwache busita kumala.'' ¹⁰ Yo akugaba imbeyu ku balimi yo akupesa nukupa ichibama akwiza sona pakugaba nu kunyamia imbeyu yinu iya kupesa. Akwiza pakongelezya inyinulo ya bugholosu bwinu. ¹¹ Mukwiza pakuba bakabi mu nzila yonsi po nukuba bakumwanyikwa. Ivi vyo vikuleta ukupa ivyakusalifya kwa Chala ukwendela mu mwitu. ¹² Pakuba nacho ichiputo ichi chitakufisya bwaka ukulonda kwa banthu abaswepu aba Chala, loli chikunyamula ku mbombo zyakupa mukubalisya kwa Chala. ¹³ Chifukwa cha kuyesiwa nu kuchongiwa ni mbombo iyi, mukwiza sona ukuchindika u Chala mukwivwila ku kwitikizya kwa bulumbilili bwa Kilisitu. Mukwiza sona pakumuchindika u Chala nu bwabuke bwa nsangula zinu kukwabo na ku banthu bonsi. ¹⁴ Ba kubanyonywa umwe sona bakubiputila. Bakubomba ichi chifukwa cha bwila ubukulu ubwa Chala bo buli mumwinu. ¹⁵ Leka amapalo ghabe kwa Chala chifukwa cha chabupi chache ichisita kuneneka.