^{1 2} Tukulonda mumanye umwe, bawamwitu, nivya chisa cha Chala ho abapile mu ma tempeli gha ku Makedonia. Pakabalilo kakusimikizya ukukulu ukw vya kupinga, ukuhoboka kwabo ukukulu sona nu bupina bwabo ubukulu bo babapile ubukabi ubukulu ubwakulondiwa. ³ Pakuti nkubika ubwa kaboni ukuti bakatupa ivinji ukuyana namo bakalondela, sona nukupululila mo bakalondelanga, ukuyana nu bwighane bwabo. ⁴ Bakatulenga uswe umwakufikapo ukukulu pavyo tukwaghamo ukuti tugabane mu mbombo yino ku banthu abaswepu aba Chala. ⁵ Ivi vitakabombiwa ukuyana namo tikakasubalilila, loli bakitwala bene kwa Mwene pabwandilo po bakiza na ku kwitu pa bwighane bwa Chala. ⁶ Po tukamuchintchizya u Tayitasi, yo akaba andite kale imbombo iyi, ukumalizya mu mwinu ububombeli bwa chisa. ⁷ Loli ngati mo ukungile ivinthu vyonsi mu lwitiko, na mu mazwi, na mu mahala, na mulweke lwako lonsi sona ku lughano lwako ku kwitu. Ulingisye nkani ukuti ukupitilizya imbombo ya chisa ⁸ Nthakunena vino umwakulamula. Mu malo mwache , nkunena ukuti nkuyezye ubwanaloli bwa lughano lwako pakuyelezya nu kughana kwa abanthu abinji. ⁹ Pakuti mumenye ichisa cha Mwene u Yeso Kilisitu. Napo akaba mukabi, chifukwa chinu akiza aba mupina, ukuti mu bupina bwache umwe mubaghile ukuba mwe bakabi. ¹⁰ Munkani yino, inthi nkupe vyo vingize vikwavwe. Umwaka gho wamala, mutakaba mwe bakwanda ukubomba chimo awe,loli mukalonda ukuti mungabomba. ¹¹ Po ulu malizya, ngati mo pakabela ukulonda ni chinyonywa, nulu mo chibele pa kumalizya kwache mu ichonyene cho muli nacho, ngati mo mungabombela. ¹² Chifukwa nanthi mukulonda ukubomba ichi, cho chiza sona chakwitikiziwa, chibe ukuyana namo umunthu abelile nacho ngati po ate nacho. ¹³ Pakuti te kutuzya kwa bamo nu kupinga kwinu. Mumalo mwache, pabaghile pabe ubwiza. ¹⁴ Ubwinji bwinu akabalilo aka bukwiza ukufisya vyo bakulonda. Ichi chili ngati ulu ukuti ubwinji bwabo bungafisya ukulonda kwabo, umwakuti pabe ubwiza . ¹⁵ Vili ngati mo vikasimbiliwa: '' Yo akaba navyo ivinji atakaba navimo vyo vikasyala, sona wepe yo akaba ni vya kuchepa atakaba ni chakupotwa.'' ¹⁶ Loli amapalo ghabe kwa Chala yo akabika mumoyo wa Tayitasi ubusungi ubwa kufikapo ngati bo indi nabo papinu. ¹⁷ Pakuti atakitikizya kwene ukulilizika kwitu, loli akaba wakufikapo nkani pa ichi. Akiza kukwinu pa bwighane bwache. ¹⁸ Twamutuma poka mu mwabo yo achindikiwe pakasi pa ma tempeli pa mbombo yache iya kulumbilila amazwi. ¹⁹ Te vyo vino vyene, loli akasebeka sona ni vipanga ukuba munyitu wakwenda nawe nu bubombeli bwa chisa, cho chikulingiliwa nuswe pa chifukwa cha buchindamu bwa Mwene umwenecho mukulonda kwitu ukwa kwavwa. ²⁰ Tukukanizya ukwitikizya kwa yumo ukulilizika ni vya mbombo iyi iya bupoka yo tunyamwile. ²¹ Tuli minso pa kubomba cho chichindikiwe, te panthnzi pa Mwene awe, loli sona pa nthanzi pa banthu. ²² Tukutuma sona uwa mwitu uyunji poka nababo. Twamuyezya mu nzila izinji twamwagha wakufikapo mu vinthu ivinji. Sona wakwiyipa hee chifukwa cha lusubilo ulukulu lo ali nalo mu mwinu. ²³ Ukuyana nu Tayitasi, weyo mwangali wane sona weyo tukubombela poka ku umwe. ukuya na ku ba wamwitu, bo batumiwa ni vipanga. Bo bachindamu kwa Kilisitu. ²⁴ Po mubalangizye ulughano lwinu, sona mubalangizye ku vipanga ni chifukwa cho tukwitunvizya pa umwe.