¹ Aka kabalilo ka butatu ko nkwizila ku kwinu. ''Inthamyo yonsi yibaghile ukuneniwa nu bu mboni ubwakukwanila aba kaboni babili pamo batatu.'' ² Nenite kale kubo bakananga pisinda sona na kubonsi po nkaba kulanyene pa kabalilo ka bubili, po nkunena sona: Po niza sona , ntakwiza ukubasungilila. ³ Nkubabuzya chino chifukwa mukulonda ubwanaloli bo u Kilisitu akunena ukwizila mu mwane. Te mudedebale ku kwinu. Mu malo mwache , ali namaka mu mwinu. ⁴ Pakuti akapamanthiliwa mu budedebazu, loli ali nu bumi na maka gha Chala. Pakuti nuse swe badedebazu mu mwache, loli tuzukwikala nawe na maka gha Chala mukasi mu mwabo. ⁵ Mwiyaghanye mwebene, ukuti mulinge nanthi muli nu bwanaloli. Mwiyese mwebene. Ka mutakwinong'ona ivi pa mwebene, pakuti u Yeso Kilisitu ali mumwinu?---Pene papo, nanthi mwaptwa amayeso. ⁶ Sona indi nubwanaloli ukuti muzukumbukila ukuti tutapotizwe amayeso. ⁷ Po tukwiputa kwa Chala ukuti mutakabombe ivyakunanga.Nthakwiputa ukuti tungaboneka ngati twenda pa kuyesiwa.Mumalo mwache, nkwiputa ukuti lumo mungabombanga vyo viwolokite, napo vikuboneka ukuti twapotwa amayeso. ⁸ Paukuti tutangabomba nachimo ukulimbana nu bwanaloli, loli bwene ubwanaloli. ⁹ Pakuti tuhobokite po twebakufoka loli umwe muli na maka. Tukwiputa sona ukuti mupangiwe umwakumalizya. ¹⁰ Nkusimba ivinthu vino pakuti mfumitepo papinu pakuti nanthi indi numwe nthabaghile ukuti mbakalipile ukubomvya ubwighane bwane-- bo u Mwene akampa umwakuti mbakwezye umwe, pakusita ukubisya umwe pansi. ¹¹ Ichabumalilo, ba wamwitu, hoboka! Bomba ukuti mupokiwe, mwikazye, mwivwane weka nu munyantche, mwikale mu mutende. Sona u Chala uwa lughano nu mutende abe numwe. ¹² Mulamunkanenge nu kufyompana ukwa buswepu. ¹³ Abanthu bonsi abaswepu a ba Chala bakubalamuka. ¹⁴ Ichisa cha Mwene u Yeso Kilisitu, nu lughano lwa Chala sona nu bupoka bwa Muzimu umuswepu ghube numwe mwebonsi