¹ Mbaghile ukwitumvya, loli nachimo cho chikwavwapo. Loli inthi mpululile mu kulinga sona nukuvumbula ukufuma kwa Mwene. ² Mumenye umunthu mwa Kilisitu yo pa myaka fotini yo yenda weyo---kali mo mukasi mu mubili pamo kunzi ku mubili,nthakumanya, u Chala yo amenye--akakoliwa ukuya ku butatu bwa kumwanya. ³ Sona nkamumanya ukuti umunthu uyu--kali mo mukasi mu mubili pamo kunzi ku mubili, nthamumenye, u Chala amumenye--- ⁴ akasendiwa ukubuka ku paladizo sona akivwa amazwi ghakusita kuneniwa. ⁵ Mu malo mwa munthu uyu nkwiza ukwitutumula. Sona mu malo mwa une nemwene nthakwiza ukubusa, ukusita ukutowomboka kwane. ⁶ Nanthi ningasala ubudedebazu, nthakwiza ukuba mupunganu, chifukwa nkwiza ukunenanga ichabwanaloli. Loli nkuzukuleka ukwilinga, umwakuti nayumo atakize inong'one ivinji ivyane ukulusya vyo akulolela mumwane pamo ukwivwa ukufuma ku kwane. ⁷ Ukumufumyako ku bo bakwitumvya chifukwa bukulu ubwa kuvumbula, umunga wa pa mubili wukapeyiwa ku kwane, ngati ne mubombi wa Setano pati ansamazye---po te nize imbe wamadinko. ⁸ Nkamulenga u Chala katatu konsi pa chifukwa chinonyene, ukuti umwene achifumyeko ku kwane. ⁹ Loli akanena kukwane akati, ''Ichisa chane chabayana umwe, pakuti amaka ghane ghapangiwe mu bwiza mu budedebazu bwane.'' Po kuli kwali nitutumule mu budedebazu bwane. ¹⁰ Polelo chifukwa cha Kilisitu nkahoboka pakuti nkaba wakudedebala, ukunanda, mu nthamyo, nkuhoboka nanthi kuba mutubalilo twakutamiwa.Napo ningaba wakudedebala, pope indi namaka. ¹¹ Naba ne mupunganu! Mukantchichizya bwaka pa kubomba ichi, pakuti nkabaghila ukupaliwa numwe. Pakuti nthakaba wapamwanya nkani ku batumiwa, napo nthabaghiliwe. ¹² Ivimanyikwilo ivya bwanaloli vya batumiwa vingaboneka mu mwabo na vyonsi nu bu chimyeka, ivimanyikwilo sona ivyakuswighisya sona nimbombo zyamaka. ¹³ Ka ukaba te wakulondiwa nkani ukupota ama Chalichi ghamo, ukupatula ukuti nthakaba ne chinyamana ichibibi ku kwinu? Muhobokele pa cho nkhananga! ¹⁴ Lolela! Nisenganizye ukwiza ku kwinu aka butatu. Nthakwiza ukubapyola, nthakulonda vyo vinu. Nkhubalonda umwe. Pakuti umwana atabaghile ukubombela abapapi. Mu malo mwache, abapapi babaghile pakubabombela abana. ¹⁵ Nkuzukutaya pa kuhoboka sona mukataya ubumi bwa mizimu yinu. Pala une mbaghanite nkani, ka mbaghile ukuti nganiwe panandi? ¹⁶ Loli nanthi mo vibelile, nthakabapyola umwe. Loli pakuti ntchenjile, ne wabamo yo akabakola umwa kubabendela. ¹⁷ Ka nkaghilapo umwabi ku kwinu pa wensi yo nkamutuma ku kwinu? ¹⁸ Nkamulenga u Tayitasi ukuya ku kwinu, sona nkatuma yumo uwamwitu nawe. Ka angaba u Tayitasi akaghilapo u mwabi papinu? K a tutakenda mu nzila yoka? Ka tutakenda mu matamba woka? ¹⁹ Ukwinong'ona ukuti akabalilo konsi kano twi[poka swebene ku kwako? Mu minso gha Chala, twanena vyonsi ivi mwa Kilisitu chiukwa cha kwiwomya kwinu. ²⁰ Pakuti nkoghopa ukuti po nkwiza lumo ningize mbaghe ngati mo nkulondela. Nkoghopa ukuti utanganagha une ngati mo ukulondela. Nkoghopa ukuti lumo pangize pabe ukudalinkana, akabini, ubukalale ubukulu, amazwi aghabibi, iyebo,ukwitumvya,sona ukusita kubika mu lubatiko. ²¹ Nkoghopa ukuti nanthi niza nanyokela, u Chala wane angatchefya bo umwe muchili. Nkoghopa ukuti ningize ndilile abinji abananga mbibi pakabalilo aka sona na bonsi bo batapindukite nukusukiwa sona nu bwa malaya sona nukwikala kwa bunyamana ko bakupanga.