¹ Une, Pabulo, nkubabuzya, mukwiyisya nukufwasa kwa Kilisitu. nkhuba wakwiyisya pala indi papinu, loli ne mujimvu ku kwinu pala indi pabutali. ² Nkubalenga ukuti pala indi numwe, nthakabenge nu bujimvu nu kwisubalila. Loli nkhwinong'ona pakuti nenelile ukuba nu bujimvu po nkhususya bo bakwinong'ona ukuti tukwenda ku mubili. ³ Pakuti napo tukwenda ku mubili, tutalwila inkhondo ukuyana naku mubili. ⁴ Pakuti ivilwilo vyo tukulwila te vya mubili. Mu buyo bwache, vili namaka aghakulu ukumazizya ivamaka vyo vikoliwe.Ghatakubika napamo ukususania ukwakusobezya. ⁵ Tukukomania sona ichapamwanya chonsi cho chikulimbana nu bumanyi bwa Chala. Tukusenda aminong'ono ghonsi aghapinyiwa ukuba ghakumwivwila u Kilisitu. ⁶ Sona tukusengania ukulanga ichisita kwivwila chonsi, pala mwalubilo ukwivwila kwinu kwamala ⁷ Linga pa cho chikuboneka panthanzi papinu. Pala yumo akwitikizya ukuti wa Kilisitu, ikumbusye mwene pakuti po wa Kilisitu, po nuswe momo tubelile. ⁸ Pakuti napo ningitumvya panandi nizya maka ghitu, gho u Mwene akatupa ukubazenga umwe ukusita kubakomania, te nize imbe ni nsoni. ⁹ Nthalonda ukuti chibonekele ukuti nkhuboghfya namakalata ghane. ¹⁰ Pakuti abanthu bamo banena ukuti, ''Abakalata bache batakutamantha sona ba maka, loli mu mbonekele mudedebazu. Amazwi ghache ghatabaghile ukuti twivwe.'' ¹¹ Leka abanthu ngati aba bachebe ukuti mo tubelile mu mazwi gha bakalata bitu pala tutalipo momo tulibela mu vya kubombiwa vitu pala twaba kulanyene. ¹² Tutakufikako pakwigaba pamo ukwiyania nabo bakwipala bene. Loli pala bakwipima bene kwa weka nu yunji, sona nukwiyanania bene kwa weka nu yunji, po batakwilinga mukasi. ¹³ Uswe, napo buli, tutakwitumvya ukupululizya po patanelile. Mu buyo bwache, inthi tubombe mo u Chala atubuzizye ukuti atupangile, ukufika mo mufikite umwe. ¹⁴ Pakuti tutakongelezya swebene po tukafika papinu. Tukaba swe babwandilo pakufika ngati mwene mazwi gha Kilisitu. ¹⁵ Tutitumvizye ukupululizya ivyakubomba vya banji. Mu buyo bwache, ulusubilo lwitu lwakuti lupitilile ukukula, imbombo zitu mu mwinu inthi zisate nkani. ¹⁶ Tuli nulusubilo mu ichi, ukuti lumo tungalumbilila amazwi mu vigaba vya kuchila pa umwe. Te twitumvye nivya mbombo zyo zikubombwa mu malo aghabanji. ¹⁷ ''Loli muleke yo akwitumvya, itumvizye mwa Mwene.'' ¹⁸ Pakuti te weyo akukwipala mwene weyo akupokela. Mu buyo bwache, we yuyo yo uMwene akumupala.