¹ U Yahweh akanena kwa Moses mu nkholongo ya Sinayi, pa mwezi uwa bwandilo ku mwaka wa bubili gho akafumamo mu chisu cha Egypt. Akati, ² ''Baleke abanthu ba Isreal basekelelenge pakabalilo ka pakasi na pakasi pa mwaka. ³ Pisiku lwa fotini pa mwezi, pachamabwila babaghile pasekelela pakasi na pakasi pamwaka. Ubaghile ukusengula ivi, ukonkha indaghilo zyonsi, sona chindika indaghilo zyonsi zyo zikuyanayana nacho.'' ⁴ Po, u Moses akanena ku banthu ba ku Isreal ukuti basengule ulusekelo. ⁵ Po basengule ulusekelo ku bwandilo bwa mwezi, pisiku lya fotini ilya mwezi, pachamabwila, mu nkholongo ya Sinayi. Abanthu baku Isreal bakakonkha vyonsi vyo u Yahweh akamubuzya u Moses ukuti apange. ⁶ Pakabapo umunthu yumo yo atakaswefiwa chifukwa cha mubili wa munthu uwakufwa. Batakasekelela pisiku lila. Bakabuka panthanzi pa Moses nu Aaron pisiku ngati lilanyene. ⁷ Abanthu bala ba kanena kwa Moses, '' Tutakaswefiwa chifukwa cha mubili wa munthu uwakufwa. Choni cho mukutukanizya ukubika ivyabupi vitu kwa Yahweh pakabalilo akapamwaka pakasi pa banthu ba ku Isreal?'' ⁸ U Mosese akanena ku kwabo, ''Lindilila une mwivwe vyo u Yahweh inthi ababuzye ukuyana numwe.'' ⁹ U Yahweh akanena kwa Moses. Akati, ¹⁰ '' Unene ku banthu baku Isreal. Uti, Nanthi yumo mwa umwe pamo ulunyungu lwinu lutaswefiwe chifukwa cha mubili wa munthu wakufwa, napo bali pa bulendo ubutali, mphaka bakasengule ulusekelo kwa Yahweh.' ¹¹ Pisiku ilya bubili pa mwezi wa fotini pa chamabwila, ba zukulya ichakulya cha pa bulendo. Babaghile ukulya inyama ya Dubi ni chibama chochite ni chilungo sona ni milembo iya kubaba. ¹² Mutabaghile pakufumapo mwa umwe mphaka pandabindabi, pamo ukomania amafupa ghache. Mubaghile ukukhonkha indaghilo zyonsi izya pa bulendo. ¹³ Loli umunthu yo muswepu sona yo atali pa bulendo, loli yo akupotwa pakusunga ivya pa bulendo, umunthu uyo abaghile pafumako pa banthu bala chifukwa atakiza ni chabupi cho u Yahweh akachilonda pakabalilo kache pa mwaka. Umunthu uyo abaghile ukunyamula imbibi yache. ¹⁴ Pala umulendo ali pakasi papinu sona akusengula ichakulya cha pa bulendo kwa Yahweh, wepe abaghile ukukonkha indaghilo zya pa bulendo sona ukufwana ni lamulo lyache. Mubaghile pakumupa ni ndaghilo izyakuyana na bonsi abalendo na benencho aba mphapo ya chisu icho.'' ¹⁵ Pisiku lyo bakapanga amalo aghakwiputilapo, ibingu likavwinkha amalo aghakwiputilapo, ichitembe icha laghano lya lulaghilo. Pa busiku ibingu likaba pa chitembe. Likaboneka ngati moto mphaka pandabi ndabi. ¹⁶ Likabukilila bwaka. Ibingu likavwinkha pa chitembe sona likaboneka ngati moto pabusiku. ¹⁷ Nanthi ibingu lyakwela pafuma pa chitembe, abanthu baku Isreal bakendanga. Nanthi ibingu limilila, abanthu bakabungananga. ¹⁸ Nanthi u Yahweh alamula, abanthu ba Isreal bakendanga, sona nululaghilo lwache, bakabungananga. Pala ibingu limilila pa chitembe, bakabungana pa malo ghabo. ¹⁹ Pala ibingu likala pa chitembe amasiku aminji, po abanthu baku Isreal bakivwila indaghilo zya Yahweh sona batakendanga. ²⁰ Amasiku ghamo ibingu likikalanga amasiku aghanandi pa chitembe. Munzila iyi, babaghile ukwivwila ululaghilo lwa Yahweh--pobakabungana sona bakendanga mululaghilo lwache. ²¹ Akabalilo kamo amabingu ghakizanga mo bakabungananga ukwanda pachamabwila mphaka pandabindabi. Nanthi ibungu lyanyamuka pandabindabi, bakendanga. Pala likabukililanga umusanya nu busiku, pene po nanthi ibingu lanyamulika bakapitilizyanga ubulendo. ²² Napo ibingu likikalanga pa chitembe amasiku ma bili, napo u mwezi, napo umwaka, mphaka bakabalilo ko bakikalangapo pala, abanthu baku Isreal bakikalanga po babungananga ukusita kwenda. Loli nanthi ibingu lyakwela, po bakandanga ukubukilila ubulendo bwabo. ²³ Bakabungananga nanthi u Yahweh abalamula, sona bakendanga nanthi u Yahweh abalamula. Bakivwilanga ukulamula kwa Yahweh ukwendela mwa Moses.