¹ U Yahweh akanena kwa Moses. AKati, ² '' Nena kwa Aaron. Unene ukuti, 'Abakoloboyi babaghile bakoziwe panthanzi pa bikapo ukoloboyi po mwabakozya.''' ³ U Aaron akapanga ichi. Akakozya aba koloboyi nukubika pamwanya apa bikapo u koloboyi ukuti abike ubwelu panthanzi pache, ngati mo u Yahweh amulamulile u Moses. ⁴ Ichakubikapo ukoloboyi chikapangiwa ngati ulu sona u Yahweh akamulangizya u Moses mo inthi chibele. Chikaba ngati we golide wa kusyana ukufumila pansi mpaka pamwanya, bakachisyana ngati mphepo zyakuputa. ⁵ Sona, u Yahweh akanena kwa Moses. Akati, ⁶ '' Fumya aba Levi pakasi pa banthu ba Isreal sona ubaswefye. ⁷ Upange ichi pakubaswefya: Ubanyafile aminzi aghasayiwa mu mwabo. Bamwe mu mubili ni chakumwela, bachape imyenda yabo, sona biswefye bene. ⁸ Musende inkhambako iyinandi sona ichabupi nu busu monganie poka namafuta. Basende sona inkhambako iyinyabo ngati chabupi chambibi. ⁹ Mwize nu Levi panthanzi pa chitembe apakomanilapo sona nulukomano lwa banthu bonsi aba mu chikaya cha Isreal. ¹⁰ Pomukwiza nu Levi panthanzi pa Yahweh, abanthu ba ku Isreal bakabika inyobe paba Levi. ¹¹ U Aaron abaghile amubike u Levi panthanzi pa Yahweh, ngati kusunga ivyabupi kubanthu ba ku Isreal ukuti babombe imbombo ya Yahweh. ¹² U Levi abaghile abike inyobe zyache pa mitu ya nkhambako. Abaghile abike yoka inkhambako imbibi iya bupi sona inkhambako iyinyabo iya kochela ichabupi kukwane, upepesye u Levi. ¹³ Ubabuzye aba Levi panthanzi pa Aaron sona panthanzi pabana bache, sona muba kwezye ngati chabupi ichakusunga kukwane. ¹⁴ Munzila iyi ubaghile ukulesania u Levi pakasi pa banthu pa Isreal. U Levi azukuba wane. ¹⁵ Pisinda pache, u Levi abaghile ukubuka pakubomba imbombo pa chitembe ichakomanilapo. Ubaghile ukuchiswefya. Ubaghile pakubika ichabupi ichakusunga. ¹⁶ Upange ichi, chifukwa bakaba bane na bane pakasi pa banthu baku Isreal. Bakuya pakusenda amalo agha weka na weka umwana ukatote, abene aba katote ukupaphwa, nabonsi aba lunyungu lwa Isreal. Nasenda u Levi ngati wane. ¹⁷ Bonsi abakatote ukufuma pakasi pa banthu ba Isreal bane, bonsi abanthu nivinyamana. Pisiku lyo nkhakoma abana bonsi abakatote mu chisu cha Egypt, nkhasenda ukuchibika pambali nune. ¹⁸ Kasende u Levi ukufuma pakasi pa Isreal m`malo mwa bonsi abana abakatote. ¹⁹ Nkhamupa u Levi ngati chabupi kwa Aaron na bana bache bonsi abalumendo. Nkhabasenda pakasi pa ba Isreal ukuti babombe imbombo ya banthu ba Isreal pachitembe chakomanilamo. Nabapa pakuti bapepesye ku banthu baku Isreal umwakuti patakabe inthamyo yo yingabagha abanthu nanthi bafika pamalo aghasayiwa.'' ²⁰ U Moses, U Aaron, sona nichikaya chonsi icha banthu ba ku Isreal bakupanga ichi nu Levi. Bakabomba chili chonsi cho u Yahweh akamulamula u Moses uyana na kwa Levi. Abanthu baku Isreal bakabomba chino poka nabo. ²¹ Aba Levi bakiswefya sona bakachapa ivyakuvyala vyabo, sona u Aaron akabika ichapupi icha sunga kwa Yahweh nukupanga umuteto uwa kwiswefyesezya imbibi. ²² Pisinda pache, U Levi akaya pa bomba imbombo yache mu chitembe ichakomanilamo panthanzi pa Aaron sona napa bana bache abalumendo. Ichi cho u Yahweh akamulamula u Moses ukuyana nu Levi. Bakabomba bunonyene nabina Levi bonsi. ²³ U Yahweh akanena sona kwa Moses. Akati, ²⁴ ''vyonsi ivi vya bana Levi bo bali ni myaka twenthe--fayivi iyakupaphwa sona nukupululilapo. Babaghile ukwinjila ukubomba imbombo mu chitembe ichakomanilamo. ²⁵ Babaghile ukuleka pabomba munzila iyi pa myaka fifite. Pa myaka yila batabaghile ukubomba sona umwapitilila. ²⁶ Babaghile ukubavwa aba bamwabo bo bakabukilila ukubomba imbombo pa chitembe ichakomanilamo, ukubomba akiza imbombo zyabo, loli batabaghile uku bomba nu Levi mu mbombo zyache zyonsi.''