¹ U Yahweh akanena kwa Moses. Akati, ² ''Ubalamule abanthu ba ku Israel bamufumye kunzi ukufuma ko babunganila wensi yo mulemazu, wensi yo ali ni chilonda cho chikufuma aminzi na wensi yo ataswepite yo akwete umubili wa mufwe. ³ Napo mwanalume pamo mwanakazi, mubaghile ukubafumyamo mu malo ghakubunganilamo ukuti baleke ukupoposya amalo ghakubunganilamo, chifukwa nkhwikalamo.'' ⁴ Abanthu ba mu Israel bakabomba ubonyene. Bakabafumya kunzi ku malo ghakubunganilamo, ngati mo u Yahweh akamulamulila u Moses. Abanthu ba mu Israel bakamwivwila u Yahweh. ⁵ U Yahweh akanena sona kwa Moses. Akati, ⁶ ''Nena ku banthu ba mu Israel, Nanthi u mwanalume pamo u mwanakazi ananga imbibi yiliyonsi ngati mo abanthu bakupangila kwa weka nu munyabo, sona te wa bwanaloli kukwane, u munthu uyo munanzi. ⁷ Po abaghile ukwilamba ku mbibi yo ananga. Abaghile ukulipila vyonsi vyo bakamulipilisya pa bunanzi bwache sona onjelezye choka---mu fayivi nukupululila. Abaghile amupe yo amunangila. ⁸ Loli nanthi u munthu umunanzi ate nu mukamu papipi uwati apokele ichilipwa, po ichilipwa chila abaghile ukulipa pa mutengo wa munanzi bwache ukwendela mwa mu puti, nu na ng'onzi ukuti iswefye mwene. ⁹ Vyonsi ivyakusangula, na vyonsi vyo abanthu ba ku Israel bakabika pa mbali, vyo bakiza navyo ku muputi, vizukuba vyache. ¹⁰ Ichabupi cha munthu wensi chizukuba cha muputi, nanthi yumo abika chilichonsi kwa muputi, chikwiza ukuba mu mwache.'' ¹¹ Sona, u Yahweh akanena kwa Moses. Akati, ¹² '' Nena ku banthu ba ku Israel. Unene kukwabo, 'Lumo nanthi u mwanakazi wa mwanalume afumako sona ataba nu bwanaloli ku mulume wache. ¹³ Nanthi umwanalume aghonana nawe sona avwamite pa minso gha mulume, sona atmanyikwa ¹⁴ napo ananga ichi kute ubu kamboni, uwamunena pati batakamukola mu vya kubombwa, napobuli, umoyo wa kabini ghunganyamuka mwa mulume wache pati umukazi wache ananga. Napobuli, umoyo wa kabini wanyamuka ku mulume wache napo umukazi wache atanangite. ¹⁵ Umwanongwa izi, umwanalume inthi amusende umukazi wache nukuya nawe ku muputi. Umulume inthi amubikile ichabupi mu buyo wache, cho chigaba cha teni icha debe lya busu. Batakakusyeko amafuta pamo ukubikako ivya kununkhila, pati nsembe ya busu yo yikubikiwa, chifukwa cha kabini, nsembe ya vyakulya yakumbukila ukumbusya ubunanzi. ¹⁶ Umuputi inthi amusende umwanakazi nu kumusengelezya ku pipi ku kwache sona azu mubika panthanzi pa Yahweh. ¹⁷ Umuputi asenda aminzi amasayiwa sona asenda ulufumbi lo luli pansi pa chitembe. Abaghile abike ulufumbi mu minzi. ¹⁸ Umuputi inthi ize amwimike umwanakazi panthanzi zya Yahweh sona azusatula isisi lya mwanakazi ku mutu. Azulibika mu nyobe zya mbeyu zya chabupi chakumbukila, cho chabupi cha mbeyu ya kabini. Umuputi azukukola inyobe yache mu minzi gho ghakubaba gho ghakwiza ni chighune. Umuputi azumusenda umwanakazi ukuti alape nu kunena kukwache, ¹⁹ 'Nanthi patalipo u mwanalume nayumo yo ughonite nawe, sona nanthi utasobelite sona nukunanga mu bupopo, po ukwiza ukuba musatuke ukufuma ku minzi aghakubaba agha gho ghangakupa ichighune. ²⁰ Loli nanthi usobelite, napo uli mu maka gha mulume wako sona wikolelela wemwene, sona na banalume abanji baghonitepo nuwe, ²¹ po (umuputi abaghile amupangisye umwanakazi ukuti alape chilapo cho chingamwizisya ichighune papache, po abaghile apululile pa kunena ku mwanakazi) 'U Yahweh akwiza ukubika mu chighune cho chizubonekela ku banthu ngati bo ubonye. Ichi chizubombiwa nanthi u Yahweh azupangisya ukuti imphatapata zyako zikomanike nu lwanda lwako lwizule. ²² Aminzi agha gho ghakuleta ichighune ghakwiza ukwinjila mu lwanda lwako nukupangisya ukuti umusana wako wizule sona imphatapata zyako zibole.' Umwanakazi azunena, 'Amen, Amen.' ²³ Po umuputi azusimba ichighune ichi pa pepala, po abaghile apyele ivighune vyo visimbiwe mu minzi ghakubaba. ²⁴ Po umuputi abaghile apangisye u mwanakazi ukuti ang'we aminzi aghakubaba gho ghakuleta ichighune. Aminzi gho ghakuleta ichighune ghazu kwinjila mu mwache po ghazukuba ghababa. ²⁵ U Muputi azusenda ichabupe icha kulya ichakabini ukufuma munyobe zya mwanakazi. Abaghile ize asende ichabupe ichavyakulya pa nthanzi pa Yahweh sona ize nacho ku chighemo. ²⁶ Po umuputi akwenela usende pakasi napakasi ivya bupe ivya chakulya ngati kumwimilili wa vya bupe,sona oche pachighemo. Po azumupa umwanakazi aminzi agha ku baba ukuti ang`we. <sup>27</sup> Bo bamupa umwanakazi aminzi pakuti ang`we, nanthi umwanakazi akakomanika chifukwa cha kunangaimbibi kwamulume, po aminzi gho ghakamuletela ichighine ghazukwingila mumwache nukumupa ukubaba.Inthumbo yache yizukwizula sona nimphatapata zyache zizukomanika.Po umwanakazi wache azuba wakuwuniwa kubanthu bakwabo. ²⁸ Loli inthi umwanakazi atakananganika sona akaba mwiza bwaka, po abaghile ukuba mwabuke. po azukwitikiziwa ukupapa bwaka abana. ²⁹ Ulu lulaghilo lwa kabini . Kwa mwanakazi yo afumako kwa mwanalune sona abomba ivya bughule. ³⁰ Ili lyo lamulo kwa mwanalume yo ali mumoyo wa kabini yo ali na kabini ku mukazi wache. Uzumusenda umukazi wako nukumubika panthanzi pa Yahweh, sona umuputi azubomba chili chonsi ku mwanakazi pati ili lamulo lya kabini lya kulongosolela. ³¹ Umwanalume inthi abe mwabuke pakumusenda umukazi paya nawe kwa muputi. Po u mwanakazi abaghile ukusenda ububibi bonsi bo angaba nabo.''