¹ Ubu bobo bulendo bwa banthu baku Isreal bo banyamuka ukufuma mu Egypt mutubukatila twabo pansi pabulamulilo bwa Moses nu Aaron. ² U Moses akasimba amabuyo ko bafuma ukufika kugho bakabukangako, ngati mo u Yahweh akababuzizya. Ubu bobo bukaba bwenzi bwabo,, ukunyamuka mwa kunyamuka ukunji. ³ Bakenda ukufuma ku Rameses, mukabalilo ka mwezi wa bwandilo, ukuleka mwisiku lya nambala fifitini mumwezi wa bwandilo. Mu ndabindabi yimo iyabwandilo bo ulusekelo lwapasi lwamala, abanthu ba ku Isreal bakanyamuka pabwelu, pa maso gha banthu bonsi aba ku Egypt. ⁴ Ivi vikabombwa bo abanthu bonsi aba ku Egypt bakasila abakatote babo, bo u Yahweh akabakoma pakasi pabo, nukubika sona ubulonzi ubwakudalinkhana nutwa chala twabo. ⁵ Abanthu baku Isreal bakanyamuka ukufuma ku Rameses sona nukubungana ku Sukkoth. ⁶ Bakakamuka ukufuma ku Sukkoth nukubungana pa Etham, mumbali mwa nkholongo. ⁷ Bakanyamuka ukufuma ku Etham nukunyokela kwisinda nukuya ku PiHahiroth, ko kapatamanite nu Baal Zephon, po bakabungana mwa kupalamana nu Migdol. ⁸ Po bakanyamuka ukufuma po bakapalamana nu Pi Hahiroth sona bakendela pakasi pa nyanja ukuya munkholongo. Ubulendo bwabo bakenda amasiku ghatatu ukuya munkholongo ya Etham nukubungana pa Marah. ⁹ Bakanyamuka ukufuma pa Marah nukuya pa Elim. Pa Elim pakaba ivi fula vya minzi twelovu sona ni vikomo vya mikoma sevenite. Popo bakabungana. ¹⁰ Bakanyamuka ukufuma pa Elim nukubungana mumbali mwa nyanja ya Matete. ¹¹ Bakanyamuka ukufuma pa nyanja ya Matete nukubungana mu nkholongo ya sini. ¹² Bakanyamuka ukufuma mu nkholongo ya sini nukubungana sona pa Dophkah. ¹³ Bakanyamuka ukufuma pa Dophkah nukubungana sona pa Alush. ¹⁴ Bakabungana pa Alush nukubungana sona pa Rephidim, po patakaba aminzi aghakuti abanthu bangang'wa. ¹⁵ Bakanyamuka pa Rephidim nukubungana sona mu nkholongo ya Sinai. ¹⁶ Bakafumapo mu nkholongo ya Sinai nukubungana sona pa Kibroth Hattaah. ¹⁷ Bakafuma pa Kibroth Hattavah nukubungana sona pa Hazeroth. ¹⁸ Bakafumapo pa Hazeroth nukubungana sona pa Rithmah. ¹⁹ Bakafuma pa Rithmah nukubungana sona pa Rimmon Perez. ²⁰ Bakafumapo pa Rimmon Perez nukubungana sona pa Libnah. ²¹ Bakafumapo pa Libnah nukubungana sona pa Rissah. ²² Bakafumapo pa Rissah nukubungana sona pa Kehelathah. ²³ Bakafumapo pa Kehelathah nukubungana sona pa chipili cha Shepher. ²⁴ Bakafumapo pa chipili cha Shepher nukubungana sona pa Haradah. ²⁵ Bakafumapo pa Haradah nukubungana sona pa Makheroth. ²⁶ Bakafumapo pa Makheloth nukubungana pa Tahath. ²⁷ Bakafumapo pa Tahath nukubungana sona pa Terah. ²⁸ Bakafumapo pa Terah nukubungana sona pa Mithkah. ²⁹ Bakafumapo pa Mithkah nukubungana sona pa Hashmonah. ³⁰ Bakafumapo pa Hashmonah nukubungana sona pa Moseroth. ³¹ Bakafumapo pa Moseroth nukubungana sona pa Bene Jaakan. ³² Bakafumapo pa Bene Jaakan nukubungana sona pa Hor Haggidgad. ³³ Bakafumapo pa Hor Haggidgad nukubungana pa Jotbathah. ³⁴ Bakafumapo pa Jotbathah nukubumgana sona pa Abronah. ³⁵ Bakafumapo pa Abronah nukubungana sona pa Ezion Geber. ³⁶ Bakafumapo pa Ezion Geber nukubungana sona munkholongo ya Zin pa Kadesh. ³⁷ Bakafumapo pa Kadesh nukubungana pachipili cha Hor, mupipi nichisu cha Edom. ³⁸ U Aaron umuputi akabuka pamwanya pa chipili cha Hor, ukuyana nululaghilo lwa Yahweh nukufwila palanyene mu mwaka wa fote ukufuma po abanthu ba ku Isreal bakafumila mu chisu cha Egypt, mu mwenzi wa nambala fayivi, pisiku lya bwandilo bwa mwezi. ³⁹ U Aaron akaba nimiaka 123 po akafwanga pa chipili cha Hor. ⁴⁰ Umu keneni, umwene wa ku Arad, yo akikalanga kunthende ku nkholongo mu chisu cha Kenani, akivwa ukwiza kwa banthu baku Isreal. ⁴¹ Bakafumapo pa chipili cha Hor nukubungana sona pa Zalmonah. ⁴² Bakafumapo pa Zalmonah nukubungana sona pa Punon. ⁴³ Bakafumapo pa Punon nukubungana sona pa Oboth. ⁴⁴ Bakafumapo pa Oboth nukubungana sona Iye Abarim, mu mphaka nu Moab. ⁴⁵ Bakafumapo pa Iye Abarim nukubungana sona pa Dibon Gad. ⁴⁶ Bakafumapo pa Dibon Gad nukubungana pa Almon Diblathaim. ⁴⁷ Bakafumapo pa Almon Diblathaim nukubungana sona pa vipili vya Abarim, vyo vilinganite nu Nebo. ⁴⁸ Bakafumapo pa vipili vya Abarim nukubungana sona mumakombe gha Moab mumbali mwa Jordan pa Jericho. ⁴⁹ Bakabungana mumbali mwa Jordan, ukufuma ku Beth Jeshimoth ukuya ku Abel Shittim mumakombe gha Moab. ⁵⁰ U Yahweh akanena kwa Moses mu makombe mwa Moab mumbali mwa Jordan pa Jericho nukuti, ⁵¹ ''Nena ku banthu baku Isreal nukubabuzya abene, 'Po mukalobokanga ulusoko lwa Jordan nukuya mu chisu cha Canaan, ⁵² po mwize musamazye abene mu chisu chila po mukufika. Mubaghile ukunangania vyonsi ivyakubazabaza. Mubaghile ukunangania ivifwani vyabo vyosi ivya vyela sona nukukomania ubuyo bwabo bonsi ubwapamwanya. ⁵³ Mwize mupoke ichisu chabo chila ukuti chibe chinu nukwikalamo, chifukwa nabapa ichisu ichi ukuti mwikalemo. ⁵⁴ Mukwiza ukupyana ichisu chila ukuba chinu mwakusakizya , ukuyana nimbumba yinu. Kumbumba iyikulu mwize muyipe ubuyo ubukulu, sona bobachepite mumbumba mubape ubuyo bwa ku chepa. Napo nanthi amasakizyo ghawila imbumba yonsi, ubuyo bube bwache umunthu uyo. Mukwiza ukupyana ubuyo bula ukuyana nama luko gha ba sekulu babo. ⁵⁵ Lori nanthi mwapotwa pakuba samazya abene ubuyo bula po bukufika, po abanthu bo mwabitikizya ukwikala mu buyo bula bakwiza ukuba ngati viswaswa mu manso ghinu sona ngati minga mumbali mwinu. Inthi mwize mulinge inthamio pabumi bwino mubuyo bo inthimwikalemo. ⁵⁶ Po lero vizukubombwa ukuti vyo nalonda ukubabombera abanthu bala, Nkhwiza ukubabombera sona umwe.'''