1
Po pisinda bo yenda inthamyo yo u Yahweh akanena kwa Moses sona na kwa Eleazer umwana wa Aaron umuputi. Akati,
2
'' Belenga imbumba yonsi iya Israel, ukwandila pa balumendo aba myaka twenty ukuya mu mwanya, munyumba ya banyenya babo yonsi, bo babaghile pa kulwa inkhondo ya ba Israel.''
3
Po u Moses nu Eleazer u muputi akanena nabo mu makombe gha Moab pa Jordan pa pipi nu Jericho po akati,
4
''Belenga abanthu , ukwandila aba myaka twente ukuya mu mwanya, ngati mo u Yahweh akamulamulila u Moses na banthu ba ku Israel, bo bakafuma mu chisu cha Egypt.''
5
U Reuben akaba we katote wa Israel. Ukufumila mu mwana wache u Hanok pakiza uluko lwa bina Hanok. Pafumila Pallu pakiza uluko lwa binaPallu.
6
Pakufuma pa Hezron pakiza uluko lwa bina Hezron. Pafumila pa luko lwa Karmi pakiza uluko lwa bina Karmi.
7
Ulu lolo lukaba luko lwa Reuben, ubwinji bwa banalume bukaba 43,730.
8
Eliab akaba mwana umwanalume wa Pallu.
9
Abana abanalume aba Eliab bakaba u Nemuel, u Dathan, nu Abiram. Ivi vikayana bwaka u Dathan nu Abiram bakaba bo bakaba poka nu Korah pa kabalilo ko ba kamusambukila nu Moses nu Aaron nukulimbana nu Yahweh.
10
Ichisu chikighua u mulomo wache nu kubamila abene poka nu Korah ni mbumba yache yonsi yikafwa. Pakabalilo kalanyene, u moto bukabapyuta abanalume 250, bo bakiza baba chibonesyelo cha ku basoka.
11
Loli uluko lwa Korah lutakafwa pisiku lila.
12
Uluko lwa Simeon lukaba lo luno: Ukwizila mwa Nemuel, lo luko lwa bina Nemuel, ukwizila mwa Jamin, lo luko lwa bina Jamin, ukwizila mwa Jakin, lo luko lwa bina Jakin,
13
Ukwizila mwa Zerah, lo luko lwa bina Zera, ukwizila mwa Shaul, lo luko lwa bina Shual.
14
Ulu lo lukaba luko lwa Simeon, ubwinji bwabo abanalume bakaba 22,200 .
15
Uluko lwa Gad lukaba lo luno: Ukwizila mwa Zephon, lukaba luko lwa bina Zephon, ukwizila mwa Haggi, ulu lolo luko lwa bina Haggi, ukwizila mwa Shuni, ulu lolo luko lwa bina Shun,
16
ukwizila mwa Ozni, ulu lolo luko lwa bina Ozni, ukwizila mwa Eri, ulu lolo luko lwa bina Eri,
17
ukwizila mwa Arod, ulu lolo luko lwa bina Arod, ukwizila mwa Areli, ulu lolo luko lwa ba Areli.
18
Ulu lolo lukaba luko lwa lunyungu lwa Gad, ubwinji bwabo abanalume bakaba 40,500 .
19
Abana abanalume aba Judah bakaba we u Er nu Onan, loli abana abanalume aba bakafwila mu chisu cha Kenani.
20
Uluko lwa Judah nu lunyungu ulunji lukaba loluno: ukwizila mwa Shelah, ulu lolo lo luko lwa bina Shela, ukwizila mwa Perez, ulu lolo lo luko lwa bina Perez, sona ukwizila mwa Zerah, ulu lolo lo luko lwa bina Zera.
21
Ulunyungu lwa Perez lukaba loluno: ukwizila mwa Hezron, ulu lolo lo luko lwa bina Hezron, ukwizila mwa Hamul, ulu lolo lo luko lwa bina Hamul.
22
Ulu lolo lukaba luko lwa lunyungu lwa Judah, yo ubwinji bwabo bakaba abanalume76,500.
23
Uluko lwa Issacha lukaba loluno: Ukwizila mwa Tola, loluko lwa Tolaites, ukwizila mwa Puah, loluko lwa Poites,
24
ukwizila mwa Jashub, loluko lwa Jashubites, ukwizila mwa Shimron, loluko lwa Shimronites.
25
Ulu lolukaba luko lwa Issacha, ubwinji bwa banalume bakaba 64,300.
26
Uluko lwa Zebulun lukaba loluno: Ukwizila mwa Sered, loluko lwaba Seredites, ukwizila mwa Elon, loluko lwaba Elonites, ukwizila mwa Jahleel, loluko lwaba Jahleelites.
27
Ulu lolukaba luko lwaba Zebulunites, bo ubwinji bwabo bakaba 60,500 abanalume.
28
Uluko lwakwa Joseph pakaba u Manasseh nu Ephraim.
29
Abalunyungu lwa manasseh bakaba bobano: ukwizila mwa Makir, loluko lwaba Makirites( Makir akaba wewise wa Gilead), ukwizila mwa Gilead, loluko lwaba Gleadites.
30
Ulunyungu lwa Gileag lukaba loluno: Ukwizila mwa lezer, loluko lwa lezerites, ukwizila mwa Helek, loluko lwa Helekites,
31
ukwizila mwa Asriel, loluko lwaba Asrielites, ukwizila mwa Shechem, loluko lw Shechemites,
32
ukwizila mwa Shemida, loluko lwa Shemidaites, ukwizila mwa Hepher, loluko lwaba Hepherites.
33
U Zelophehad atakaba nabana abanalume, loli abanakazi bene. Amazina ghabana bache abanakazi bakaba u Mahlah, Noah, Hoglah, Milkah, nu Tirzah.
34
Ulu loluko lwa Manasseh, bo ubwinji bwabo bakaba 52,700 abanalume.
35
Uluko lwa Ephraim likaba lo luno: Ukwizila mwa Shuthelah, loluko lwaba Shuthelahites, ukwizila mwa Beker, loluko lwaba Bekerites, ukwizila mwa Tahan, loluko lwaba Tahanites.
36
Abalunyungu lwa Shuthelah bakaba, U Eran,loluko lwa Eranites.
37
Ulu lololukaba luko lwa Ephraim, u bwinji bwabo bakaba 32,500 abanalume. Bano bakaba ba lunyungu lwa Joseph, pakubelenga wekaweka paluko lwabo.
38
Uluko lwa kwa Benjamin lukaba loluno: Ukwizila mwa Bela, loluko lwa Belaites, ukwizila mwa Ashbel, loluko lwa Ashbelites, ukwizila mwa Ahiram, loluko lwa Ahiramites,
39
ukwizila mwa Shephupham, loluko lwa Shephuphamites, ukwizila mwa Hupham, loluko lwaba Huphamites.
40
Abalunyungu lwa Bela bakaba u Ard nu Naaman. Ukufumila mwa Ard kukiza uluko lwa Ardites, sona ukufumila uluko lwa Naaman kukiza uluko lwa Naamanites.
41
Ulu lukaba luko lwa kwa Benjamin. Ubwinji bwabo bakaba 45,600 abanalume.
42
Aba kuluko lwa Dan bakaba bo aba: u Shuham, loluko lwa Shuhamites. Aba bobo bakaba ba luko lwa Dan.
43
Uluko lonsi ulwa Shuhamites ubwinji bwabo bakaba 64,400 abanalume.
44
Aba luko lwakwa Esher bo aba : Ukwizila mwa Imnah, loluko lwaba Imnites, ukwizila mwa Ishvi, loluko lwaba Ishvites, ukwizila mwa Beriah, loluko lwaba Beriites.
45
Abalunyungu lwa kwa Beriah bo aba: Ukwizila mwa Heber, loluko lwaba Heberites, ukwizila mwa Malkiel, loluko lwa Malkielites.
46
Izina lya mwana umwanakazi uwa Asher akaba we Serah.
47
Ulu lolukaba lunyungu lwakwa Asher, ubwinji bwa banalume bakaba 53,400.
48
Aba luko lwakwa Naphtali lukaba lo luno: Ukwizila mwa Jahzeel, loluko lwaba Jahzeelites, ukwizila mwa Guni, loluko lwa ba Gunites,
49
ukwizila mwa Jezer, loluko lwa Jezerites, ukwizila mwa Shillem, loluko lwaba Shillemites.
50
Aba bakaba ba luko lwakwa Naphtali, ubwinji bwabo bakaba 45,400 abanalume.
51
Uku kokokukaba kumalizya kwakubelenga kwa banalume bamu Isreal: 601,730.
52
U Yahweh akanena kwa Moses akati,
53
''Ichisu chibaghile chigabiwe pabanthu abanalume ngati mpyana yabo ukuyana nubwinji bwamazina ghabo.
54
Kubaluko ulukulu abaghile abape imphyana iyikulu nakuba luko ulunandi abaghile abape imphyana iyinandi. Naku nyumba yonsi ubaghile ubape impyana ukuyana nu bwinji bwabanalume bo bakabelengeka.
55
Nangabuli ichisu chibaghile chigabiwe mwapala na pala. Babaghile bapyane ichisu mwakuyana namazina ghaluko lwabanyenya babo.
56
Imphyana yabo yibaghile yigabiliwe mukasi mwabo ku luko ulukulu nu lunandi, pakugabila kukwabo mwapatali patali.''
57
U luko lwaba Live, lukabelengeka uluko paluko, lo ulu: Ukwizila mwa Gershon,louko lwaba Gershonites, ukwizila mwa Kohath, loluko lwaba Kohathites, ukwizila mwa Merari, loluko lwaba Merarites.
58
Uluko lwaba Levi lukaba loluno: uluko lwaba Libnites, loluko lwakwa Hebronites, loluko lwakwa Mahlites, loluko lwakwa Mushites, sona nu luko lwakwa Korahites.
59
Izina lya mkazi wa Amram akaba we Jochebed, ulunyungu lwa Levi, yo akapapiwa kuba Levi mu Egypt. Weyo akamupapila u Amram abana, bo bakaba u Aaron, u Moses, nu Miriam u muyemba wabo.
60
Kwa Aaron kukapapwa u Nadab nu Abihu, u Eleazer nu Ithamar.
61
U Nadab nu Abihu bakafwa bakati babika pamaso gha Yahweh, u moto wambula kwitikiziwa.
62
Abanalume bobakabelengeka ubwinji bwabo bakaba twente-fili sauzandi, bonsi abanalume aba mwezi ghoka ukuya pamwanya. Batakabelengeka mukasi muba Isreal chifukwa imphyana yitakapewa kukwabo mukasi mu banthu ba Isreal.
63
Aba bobo bakabelengeka nu Moses nu Eleazer umuputi. Bakabelenga abanthu bamu Isreal mumakombe ghaku Moab, ku Jordan papipi nu Jericho.
64
Loli mukasi mubano mutakabamo umwanalume yo akabelengeka nu Moses nu Aaron umuputi po aba Isreal baka belengakanga mu nkholongo ya Sinai.
65
Pakuti u Yahweh akanena ukuti abanthu bonsi aba inthi bafwile mu nkholongo ya Sinai. Tepasyalepo umwanalume nayumo mukasi mwabo, ukupatulapo Caleb umwana wa Jephunnel nu Joshua umwana wa Nun.