¹ U Yahweh akanena sona kwa Moses nu Aaron. Akati, '' ² U munthu wensi mu banthu aba Izilayeli babaghile babungane pa buyo ubwa pamwanya, pa vikwangwani ivitali ivya mu nyumba zya batata babo. Bazubungana nu zyungulila ichitembe chakomanilamo pa mbali zyonsi. ³ Bonsi bo babunganite kululu kwa chitembe chakomanilapo, ko izuba lifumila, ko kubungana a banthu ba Yuda--bakabukatila bavilwilo, sona babunganite pansi pamalo ghapamwanya. U Nahshon umwana wa Amminadab weyo we songo wa banthu aba Yuda. ⁴ Ubwinji bwa banthu abapokela abayeni aba banthu ba Yuda bali 74,600. ⁵ Uluko lwa Issachar lubaghile lubungane ku nthanzi kwa Yuda. Nethanel umwana wa Zuar abaghile abatanjilile aba silikali ba Issachar. ⁶ Ubwinji bwa banthu bo akapokela u Issachar bakaba 54,400 abanalume. ⁷ Uluko lwa Zebulun lubaghile lubungane kunthazi kwa Issachar. U Eliab umwana wa Helon ababaghile alamulile aba silikali ba Zebulun. ⁸ U bwinji bwa bo bapokela abayeni aba Zebulun bali 57,400. ⁹ Ubwinji bwa buyo bwabunganila agha Yuda ghali 186,400. Bazuba babwandilo pabuka. ¹⁰ Kumbali ya kunthende kwizuba ukwabunga kwa ba Reuben pansi mwapamwanya. Umulongozyi wa pabunganilapo aba Reuben we Elizur umwana wa Shedeur. ¹¹ Ubwinji bwapokela abayeni abanthu ba Reuben bali 46,500. ¹² U Simeon abunganite kunthanzi kwa Reuben. Umulongozi wa luko lwa Simeon we Shelumiel umwana wa Zulishaddai. ¹³ Ubwinji bwa banthu abapokela abayeni aba banthu ba Simeon bali 59,300. ¹⁴ Uluko lwa Gad luli panthanzi. Umulongozi wa banthu ba Gad we Eliasaph umwana wa Deuel. ¹⁵ Ubwinji bwapokela abayeni ba banthu ba Gad bali 45,650. ¹⁶ Ubwinji bwa banalume bo balamuliwe ukuti babungane pa Reuben, ukuyana nivighamba vyo bayile, bali 151,450. Bazukubuka aka bubili. ¹⁷ Panthanzi, pa chitembe chakomanilamo chibaghile chifume ukufuma mu buyo naba Levite pakasi pamalo ghonsi gho bakungana. Babaghile bafumapo ukufuma pa bo bakabungana mulubatiko loka ngati mo bakizila ko bakabungana. U mwanalume wensi abaghile abe pamalo ghache, ni chikwangwani chache. ¹⁸ Kubali ya bwinjililo bwizuba kuzuba ugabinkhana kwa vigaba vyabunganila ivya Ephraim pansi pa muchinzi wabo. U mulingozi wa Ephraim we Elishama umwana wa Ammihud. ¹⁹ Ubwinji bwa bakupokela abayeni ba banthu ba Ephraim bali 40,500. ²⁰ Kunthanzi kwabo kukaba uluko lwa Manasseh. Umulongozi wa Manasseh we Gamaliel umwana wa Pedahzur. ²¹ U bwinji bwapokela abayeni ba Manasseh bali 32,200. ²² Kunthanzi kuzukuba uluko lwa Benjamin. Umulongozi wa Benjamin we Abidan umwana wa Gideon. ²³ Ubwinji bwa pokela abayeni aba banthu ba Benjamin bali 35,400. ²⁴ Bonsi boba kabelengiwa mu malo gho bakabungana nu Ephraim bobakaba 108,100. Bazubuka kumbali aka butatu. ²⁵ Kululu kuzuba ugabinkhana pa malo gha bungana agha Dan. U mulongozi wa banthu ba Dan we Ahiezer umwana wa Ammishaddai. ²⁶ Ubwinji bwa bayeni ba banthu ba Dan bali 62,700. ²⁷ Abanthu ba luko lwa Asher bakabungana kunthanzi kwa Dan. U mulongozi wa Asher we Pagiel umwana wa Okran. ²⁸ Ubwinji bwa bo bapokela abayeni ba banthu ba Asher bali 41,500. ²⁹ U luko lwa Naphtali luli ku nthanzi. U mulongozi wa Naphtali we Ahira umwana wa Enan. ³⁰ Ubwinji bwa bapokela abayeni ba banthu ba Naphtali bali 53,400. ³¹ Bonsi bobakabelengiwa umwabunganila mwa Dan bali 157,600. Bazufumamo mu malo ghabunganilamo pabumalilo, muthende mu chikwangwani.'' ³² Aba bobo ba lunyungu lwa Izilayeli, bo babelengiwe ukufwana na mu nyumba zya banyenya babo. Bonsi bo bakabelengiwa mu malo gho bakabunganila, ukwendela mugabinkhana, bali 603,550. ³³ Loli aba Levi batakabelengiwa poka na banthu ba Izilayeli, ngati mo u Yahweh akamulamulila u Moses. ³⁴ Abanthu ba mu Izilayeli bakabomba vyonsi vyo u Yahweh akamulamulila u Moses. Bakabungana mu vikwangwani vyabo. Bakafumamo mu malo aghabunganilamo, muma luko ghabo, ukwendela mu lubatiko lwa nyumba zya banyenya babo.