¹ U Yahweh akanena kwa Moses nu Aaron. Akati, ² '' Ulu lo lulaghilo, indaghilo zyo u Yahweh akubabuzya: Akanena ku banthu ba Isreal ukuti babaghile ukwiza ni ng'ombe indama inchesamu yoyite ni chilema nachimo pamo ni dandabulo nalimo, sona yo yitanyamwile lumo u joko. ³ Mupe indama u Eleazar umuputi. Abaghile ukuyifumia kunzi kuchakomanilamo, sona yumo wensi abaghile ukuyikoma panthanzi papache. ⁴ U Eleazar umuputi abaghile ukusenda yumo udaba wache naka lobe nukunyafila panthanzi pa chitembe chakomanilapo ka seveni. ⁵ Indama yibaghile ukochiwa pa manso ghache---ikwela, inyama yache, nu daba wache nivya mukasi, vibaghile ukochiwa. ⁶ U muputi abaghile ukusenda ichikomo ichumizu, ni chipelele cha chibyalwa, nu buzi ubuchesamu, nu ku busumba bonsi pakasi pa ndama yoyili pakupya. ⁷ Po abaghile ukuchapa imyenda yache nukogha mu minzi. Po akize mu malo aghakomanila, mo akabe mu swepu mpaka ichamabwila. ⁸ Wepe yo ochanga indama abaghile ukuchapa imyenda yache mu minzi nukogha mu minzi. Mo te akabe mu swepu mpaka ichamabwila. ⁹ U munthu yo muswepu abaghile ukubunganika itoyi lya ndama nu kulibika kunzi ko bakomanilako ukwa buyo ubuswepu. Itoyi lino abaghile ukulisengula lya mu banthu ba mu kaya ka Isreal. Inthi bakasazye itoyi na minzi aghaswefezya imbibi kwa Yahweh, chifukwa amatoyi ghakafumila ku vyabupi ivibibi. ¹⁰ Yo akonganianga itoyi lya ng'ombe indama abaghile ukuchapa imyenda yache. Inthi akabe muswepu mpaka pachamabwila. Ulu luliba lulaghilo lwa banthu ba ku Isreal sona na ba mwizilila bo bakwikala mulanyene. ¹¹ Wensi yo akukola umubili wa munthu yo afwile azukuba munyali pisiku lya seveni. ¹² Umunthu uyo abaghile ukwiswefya mwene pisiku lya butatu sona na pisiku lya seveni. Po inthi akabe muswepu. Loli pala atakwiswefya mwene pisiku lya butatu , po bo inthi akabe munyali pisiku lya seveni. ¹³ Wensi yo akola umunthu yo afwile, umubili wa munthu yo afwile, sona atakwiswefya mwene--umunthu uyu akumunanga ichitembe cha Yawhweh. Umunthu yula abaghile ukufumako ku ba Isreal chifukwa aminzi agha swefezya ghatakamunyafira awe. Inthi akabe munyali; ubunyali bwache inthi bukabe papache. ¹⁴ Ulu lolo lulaghilo lwa munthu yo afwile mu chitembe. Wensi yo aya mu chitembe na wensi yo ali mulanye mu chitembe inthi akabe munyali pisiku lya seveni. ¹⁵ Chonsi ichasengulilamo cho chite nichikupikizyo chikuba chinyali. ¹⁶ Munzila iyonyene, wensi yo ali kunzi ku chitembe yo akolite yumo yo bakamukoma ni mphalala, na bonsi bo bafwile, ifupa lya munthu pamo ipumpha---- umunthu yula inti akabe munyali mpaka pa masiku seveni. ¹⁷ Bomba ichi ku munthu yo munyali: Senda itoyi limo ku vyabupi ivinyali nu kulyogania mu jagi lya minzi aghiza. ¹⁸ Wensi yo muswepu abaghile po asende ichipelele cha chibyalwa, adwibike mu minzi, nukunyafila mu chitembe, muvya sengulila vyonsi vyo vili mu chitembe na pa munthu wensi yo akabamo, na wensi yo akakola ifupa, nayo bakamukoma, yo akafwa, pamo ipumpha. ¹⁹ Pisiku lya butatu nilya masiku seveni, umunthu umuswepu abaghile ukumunyafila umunthu yo munyali. Abaghile ukwiswefya mwene pisiku lya seveni. Abaghile ukuchapa imyenda yache nukogha mu minzi. Pachamabwila azukuba muswepu. ²⁰ Loli wensi yo asyala kububibi, yo akana pakwiswefya mwene-- umunthu uyo inthi bakamudumule mu chikaya mula, chifukwa amunangila u Yahweh mubanyabo bonsi. Aminzi gho ghataswepite gho ghatanyamfukile papache; akabanga munyali bulanyene. ²¹ Ulu lukuya ukuba lulaghilo ulwakubukilila ukuyana nabo namo kubelile. Weyo kunyamfila aminzi gho ghataswepite abaghile ukuchapa imyenda yache. Yumo yo akukola aminzi gho te maswepe inthi akabe munyali mpaka pa chamabwila. ²² Chonsi ichinthu cho u munthu umunyali achikola inthi chikabe chinyali. U munthu yo achikola azukuba munyali mpaka pa chamabwila.''