¹ Po u Miriam nu Aaron bakanena ukulimbana nu Moses chifukwa cha mwanakazi umu Cushite yo akasenda. ² Bakati, '' Kokuti u Yahweh anenite nu Moses mwene? Kokuti atanenitepo sona nuswe?'' Po ulu u Yahweh akivwa vyo bakanena. ³ Po umuthu u Moses akaba wakwiyisya, uwakwiyisya nkhani ukulusya umunthu wesi pachisu. ⁴ Umwabufupi u Yahweh akanena kwa Moses, kwa Aaron, nu Miriam: '' Fumamo, umwe batatu, ku kuchisakasa chalukomano.'' Po batatu bakabuka kunzi. ⁵ Po u Yahweh akiza pansi mulupanda lwa bingu . Akimilila pamulyango pa chisakasa sona akamwitizya u Aaron nu Miriam. Po bonsi bakiza panthanzi. ⁶ U Yahweh akati, '' Polelo ivwa kumazwi ghane. Po umughonela wane ali numwe, inthi nivumbule ne mwene ku kwache mu minoghono sona ukunena ku kwache muvilota. ⁷ Umubombi wane u Moses temo abelile. Musubaliwa monsi mu nyumba yane. ⁸ Nkhunena kwa Moses pamaso, mu minoghono pamo mu vili awe. Ukulinga mo mbelile. Po choni cho mutakoghopa pakunena nukudalinkhana nu mubombi wane, mukulimbana nu Moses?'' ⁹ Ubukali bwa Yahweh bukabocha ukulimbana nabo, sona nukubaleka. ¹⁰ Ibingu likakwera ukufuma pansi pa chisakasa, sona u Miriam nukuswighisya akaba na ma mbombo---akaba muswepu ngati chibuvi. Po u Aaron ang'anamukila kwa Miriam, akalinga uti ali na ma mbombo. ¹¹ U Aaron akanena kwa Moses, ''Eee, songo wane, twapela manye ubike ububibi ubu palimbana nuswe. Twanena akabibi, sona twananga. ¹² Twapela utakaleke abe ngati yo apapiwa afwile yo umubili wache ghumo ghulyekizwe po akafumanga mulwanda lwa nyina.'' ¹³ Po u Moses akapundilizya kwa Yahweh. Akati,'' Twapele mupozye, Chala, twapela.'' ¹⁴ U Yahweh akati kwa Moses, pala utata wache akafwinila amati pa cheni chache, mutakamupelele ichisa pa masiku seveni. Mumwighalile kunzi kulupaso kwa masiku seveni. Nanthi vyonsi vyengda po mumwingizye sona.'' ¹⁵ Po u Miriam bakamwighalila kunzi ku lupaso amasiku seveni. Abanthu batakendapo mphaka po akanyokela kulupaso. ¹⁶ Pisinda pa ivi, abanthu bakenda ukufuma ku Hazeroth nu kubungana mu nkholongo ya Paran.