Chaputala 9
1
Ivya,Isreal; uli papipi pakuloboka u Jordan ukubuka mu visu vyo inthi upeghiwe ivikulu sona ivyamaka ukulusya wemwenecho, nutwa utukulu tuto tukulu tuchindike mphaka kumwanya.
2
abanthu abakulu sona abatali, ubana ba Anakim, bo ubamenye, navo ukwivya abanthu bakunena, 'wewenu angimilila panthanzi pa bana abalumendo aba Anak?
3
Po ulu ilelo mumanye ukuti u Yawe u Chala winu weyo akwenda panthanzi pinu ngati moto wakulilima; akuya pakubakomania, nukubataya pa maso pinu; po mukwiza ukubafumyapo pakasi pinu nukubamalizya mwalubilolubilo, ngati mo u Yawe anenela kukwinu.
4
Mutakilumbusye mu myoyo yinu, nanthi u Yawe u Chala winu abafumyapo abene pamaso pinu, 'Chakaba ubonyene chifukwa cha bwanaloli bwane bo u Yawe ampha une ukuti nikhale mu chisu ichi,' pakuti chikaba cho chifukwa cha bunanzi bwa visu ivi ukuti u Yawe akubafumyamo ukufuma pamaso ghinu.
5
Techifukwa chabugholosu pamo ubwana loli muchisu chabo, loli chifukwa cha mbibi zya visu ivi vyo u Chala winu akuvifumiamo panthanzi pinu, sona pakuti inthi ize ukupanga ubwana loli mwizyu lyo akalapa kulunyungu lwinu, kwa Abraham, Isaac, sona nu Jacob.
6
Polelo manya, ukuti u Yahweh u Chala wako atakupe akaya akiza aka ukuti wikalemo chifukwa cha bugholosu bwako, pakuti mwe banthu bamyoyo iyighomu.
7
Kumbukasona utakaluvwe mo ukamukalalizizya u Yahweh u Chala wako munkholongo; ukufuma pisiku lyo mukakalekela akaya ka Ijiputi mphaka po mukiza kubuyo ubu, mutakalonda ukudalinkhana nu Yahweh.
8
Sona pa Horeb ukamukalalizya u Yahweh, po u Yahweh akakalala umwakukwana numwe ukuti abakomanie umwe.
9
Bonabuka kuchipili pakupokela amabwe, amabwe ghandaghilo gho u Yahweh akafingana numwe, nkhikhala umusanya fote nubusiku fote; nthakalya nichibama nachimo pamo ukung`wa aminzi.
10
U Yahweh akampha amabwe ghabili gho ghalembiwe ninsalala; pala pakalembiwa chonsi ngati mazyu ghonsi gho u Yahweh akafumusya kukwako pakasi pa moto kuchipili pisiku lyalukomano
11
Vikabombiya pabumalilo bwa masiku fote numusanya fote ubusiku bo u Yahweh akampha amabwe ghabili aghandaghilo.
12
U Yahweh akanena kukwane, ' Nyamuka, ubuke pansi lubilo ukufuma apo, pakuti abanthu bako, bo ukabafumia mu Ijiputi, binangile bene. Bafumako lubilo kunzila yo akabalamula. Bipangile bene ichifukwa.'
13
Umwakubukilila, u Yahweh akanena kukwane nukuti, 'nabalinga abanthu aba; banthu abaghomu.
14
Ndekele nemwene, ukuti mbakomanie nukufumia izina lyabo pansi, po inthi mbaghile ichisu ichamaka sona ukulusya abene.'
15
Po nkhangànamuka nukwisika ichipili, po ichipili chikakanga. Amabwe ghabili agha lughano ghakaba munyobe zyane.
16
Nkhalinga, po linga wamunangila u Yahweh u Chala wako. Mwimatila mwebene umwana wa ngòmbe. Mwangànamuka lubilo kunzila yo u Yahweh akabalamula umwe.
17
Nkhaghasenda amabwe ghabili nukughasumba ukufuma munyobe zyane. Nkhaghamenyula panthanzi pamanso ghinu.
18
Nkhinama sona icheni pansi pa Yahweh pamisanya fote namabusiku fote; Nthakalyapo nichibama nachimo pamo nukung`wa aminzi naghamo, chifukwa chambibi zinu zyo mubombite, pakubomba chochibibi pamanso gha Yahweh, ukuti mumukalalalile.
19
Pakuti nkhowopa ubukalale sona nubukomanike bo u Yahweh akakalalahe ukuti abakomanie. Loliu Yahweh akanivwa sona akabalilo kala.
20
U Yahweh akakalalahe nu Aaron ukuti amukomanie, nkhamwiputila sona u Aaron pakabalilo kalanyene.
21
Nkhasenda imbibi , umwana wa ngòmbe yo mukapanga, nukuchocha, ukuchuma, nukuchidinyania ukuba tumenyamenya, mphaka po tukaba ngati musesenga ubutinyu. Nkhasumbila umusesenga mulusoko lo lukafuma kuchipili.
22
Ku Taberah, ku Massah, naku Kibroth Hattavah, mukamukalalizya u Yahweh.
23
Bo u Yahweh abafumia ku Kadesh Barnea sona akati, ' Buka kasende akaya ko nabapa,' po mutakakonkha indaghilo yo u Yahweh u Chala winu akababuzya, po mutakasubalila pamo ukwivwila kwizwi lyache.
24
Wamungànamukila u Yahweh ukufuma pisiku lyo nkhakumanyila.
25
Po nkhinama icheni chane pansi pa Yahweh imisanya fote sona anamabusiku fote, chifukwa anena ukuti inthabakomanie umwe.
26
Nkhwiputa kwa Yahweh ukuti, ' O Mwene Yahweh, utakakomanie abanthu bako pamo imphyana zyako zyo wazipoka ukwendela mubukulu bwako, zyo wazifumia mu Ijiputi ninyobe yako iyikulu.
27
Kumbuka aba bombi bako aba Abraham, Isaac, nu Jacob; utakalinge ubughomu bwa banthu aba, pamo ukupotwa kwabo, pamo imbibi zyabo,
28
ukuti akaya ko akatufunia banene ukuti, ''chifukwa u Yahweh atakakwanisya ukubabika mukaya ko akafingana nabo, sona chifukwa akababenga, abafumia ukuti abakome munkholongo.''
29
Loli abanthu bako sona imphyana zyako, bo akabafumia nubukulu bwako sona nukwibonesya ku maka ghako.'